Yobu 27:1-23
27 Yobu za hemen a kwaghôron,* a kaa ér:
2 “Mimi je, er Aôndo a lu u uma, un u a er kwagh a mo sha mimi ga,+Man Uhembanagee Cii kpaa a lu u uma, un u a er uma wam ican tsung ne,+
3 Shi er iôôn i lu ken a moShi jijingi u a dugh hen Aôndo la a lu ken ahenga am her ne,+
4 Zwa wam ua ôr kwagh u ifer ga;Shi nombor wam kpaa ua unun kwagh u icughugh ga!
5 Mayange me na ne ishô ga!
Zan zan me kar kpen je kpaa, me undu mimi wam ga!*+
6 Me kôr perapera wam her, me pase un ga;+Er m lu uma ne di tsô yô,* ishima yam ia nam ibo ga.*
7 Orhyom wam a hingir er ka iferor nahan,Mba ve lu tan num sha a mo kpaa,Ve hingir er ka mba lun a mimi iyol ga nahan.
8 Gadia ka nyi ishimaverenkeghen or u civir Aôndo ga* nan lu a miZum u i tim nan,+Zum u Aôndo a tôô uma u nan kera laa?
9 Aôndo una ungwa mliam ma nanZum u ican i tser nan laa?+
10 Shin a saan nan iyol a Uhembanagee Cii la?
Nana za hemen u yilan Aôndo hanma shighe cii kpa?
11 Me tese ne kwagh u tahav mbu* Aôndo;Me yer kwagh u Uhembanagee Cii la môm ga.
12 Nenge! Aluer ne cii ne nenge mbampase yô,Er nan ne ôron agbilinakaa?
13 Ka kwar u Aôndo a ne iferor je ne,+Ka dyako u mba eren tswam ve zough a mi hen Uhembanagee Cii yô.
14 Aluer ônov mba nan ngee je kpaa, sanker una haa ve inya,+Tsombor u nan kpaa ua zua a kwaghyan tsembelee ga.
15 Ior mba nan mba ve shi her la, bouange una ii ve,Kasev vev mba ve hingir icôghol la vea vaa ve ga.
16 Aluer nan ta azurufa tihi er ka vuulevu nahanShi nan ombo akondo er ka inyatyuu nahan,
17 Man aluer nan kohol a kpaa,Orperapera nana hua a,+Shi mbaishôôv vea kar kwar a azurufa u nan la.
18 Ya u nan maa la taver ga er ka ikpa i ivina nahan,Man er ka ityumbe+ i orkuran yô.
19 Nana yav shighe u nan lu a inyaregh la, kpa nana kur a kwagh ga;Nana bughun ashe yô, kwagh môm a lu ga.
20 Mciem ma a uve nan er iyuhwamnger nahan;Uraahumbe ua tôô nan tugh a yem a mi.+
21 Ahumbe a sha ityoughkitaregh aa tôô nan, nana kera lu ga;Aa ese a ese nan hen ijiir i nan kera.+
22 Aa ta sha nan a mhôônom ma zungwen shio+Er nan lu nôngon sha afatyô u nan ér nana yevese tahav mbu a la.+
23 Aa se nanAa naha nan tar*+ hen ijiir i a.
Ngeren mba shin kpe
^ Zwa Heberu, “injakwagh.”
^ Shin “me ta mimi wam kera ga; me tile sha mimi her.”
^ Shin “Ken ayange am cii.”
^ Shin “ia laham ga.”
^ Shin “or u vendan Aôndo.”
^ Shin a fatyô u kaan ér, “Me tese ne sha uwegh ku.”
^ Zwa Heberu, “Aa kure nan ave, aa tôngo nan hondo.” Shin a fatyô u kaan ér, “vea se nan, vea nahan nan tar.”
