Yobu 41:1-34
-
Aôndo pase kwagh u Leviatan u a cieryol la (1-34)
41 “U fatyô u kôron Leviatan*+ sha tsueShin kangen nombor na sha koro?
2 U fatyô u tumban un kor ken ahengaShin peven un azegher sha tsue?*
3 Una zer zamber weShin una lam a we kundu kundu?
4 Una ya ikyur a we érWe u gema un una hingir kpan wou gbeme?
5 U numbe a na er ka i numbe a annyon nahan,Shin u ta un kor sha ci u anmbayev ou mba kaseva?
6 Mbakasuav vea ôr ishe naa?
Shin mba zenden kpenga vea kar un ker ayol a ve?
7 U fatyô u tumen myôm*+ sha ikyôvor nagh côu côuShin tumen un udagi mba yaren ikyôr a mi sha ityoo?
8 Penda un ase uwegh iyol;U umbur num la nahan mayange u kera kimbir ga!
9 I ver ishima ér a kighir un kpa gba sha mi ga.
U nenge a nenge a na tseegh kpa ishima ia ta u kwe.*
10 Or môm cihin kpoghor un ga.
Nahan ka an je nana fatyô u tilen mo sha ishi?+
11 Ka an nan vande nan mo kwagh ve a gba u me hide me kimbi nana?+
Hanma kwagh u a lu shin tar cii ka u wam.+
12 Me huan ving sha kwagh u alegh a na ga,Me ôr kwagh u agee a na man mluyol na u a we i doo yum la.
13 Ka an nan bugh un agbende iyolo?
Ka an nana nyôr ken zwa na u a aver laa?
14 Ka an nana fatyô u bughun un zwa?*
Anyi a na a a we sha nongo la cier iyol tsô.
15 Ijime na ngi agbende agbende*Agbende a na kor iyol gbang.
16 Hanma igbende cir sha igen gbang gbangJe ka u ahumbe aa fatyô u nyôron ga.
17 A var iyol;A zua gbang gbang je ka u a fatyô u paven ga.
18 Ka una yesem usu u haa,Ashe a na nga er iwanger i sha use nahan.
19 Inyiar ka i due ken zwa na;Amerama a usu kpa a tsenda.
20 Mnyim ka ma due ken ahenga a na,Er atse a i haa toho sha mi nahan.
21 Iôôn na ka i na akaausu a kpenger;Shi nomborusu ka u due ken zwa na.
22 Agee a vesen nga ken mon na,Mciem ka ma gba hen ishigh nagh.
23 Asongonyam a na zua imôngo;A var gbang er i ker a ker sha iyô,Ka kwagh u a fatyô u bughun ga nahan.
24 Ishima na taver er ka iwen nahan,Een, i taver er ka nase yô.
25 Ka una mough sha yô, mbaageev je kpa i cier ve iyol;Ka una gbidyen tsa sha tswam yô i kunda iyol.
26 Sanker môm u una za ikyua a na ve una er un kwagh je kpa ngu ga.
Iwange shin ivaan+ shin nyityôkwagh igen kpaa ga.
27 Iyôgh ka ki lu un er ka iyiagh nahanTogula kpaa a lu un er ka ivuenkon yô.
28 Yevese ivaan ga;Awen a ken mzu ka a lu un er ka atôayia nahan.
29 Agbur a ikyon ka a lu un er ka atôayia yô,Shi ka a se humbe u dagi.
30 Ikyum na ngi er ka mbaagbatsenge mba esen nahan;Ka una kar shin angbiôr yô, i bee a bee ikyekye i shoghor iyiav.+
31 Ka a puur ivmnger er ka ityegh nahan;A gbuusu zegemnger er ka ityegh ki mkure yô.
32 Ka una kar yô i hingir jinge ji jinge.
Or a hen ér ivmnger ngi a ivu.
33 Kwagh môm shin tar u lun er un nahan ngu ga,Ka kwagh u i gbe un ér a de lun a mciem ga yô.
34 Ka a gbongor hanma kwagh u a te ihyagh cii ashe.
Ngu tor sha inyamkyume i ageegh cii.”
