Yobu 21:1-34
21 Tsô Yobu gema kaa ér:
2 “Kegh nen ato a kwagh u m lu ôron ne zulee;I̱ lu gbenda wen u surun mo ishima je la.
3 Wa nen ishima a mo m lam;Me lam me bee tsô ne mase nahan mo tar.+
4 Ka orumace m lu vaan a nan yee?
Luun er ka nahan yô ma m* yen ishima gaa?
5 Kenger nen mo i kunda ne iyol;Cir nen ave sha zwa.
6 Ka mea hen sha mi yô i zam iyol,Ikyarkyase i gbidyem iyol cii.
7 Er nan ve aferaior ka a tsa gbem,+A bee iyol shi a hingir yôughyôughô?*+
8 Ônov vev ka ve lu ve sha ishi hanma shighe,Shi ka ve nenge a ônov mba ônov vev kpaa.
9 Uya vev mba ken mkor, kwagh u tan ve mciem iyol ngu ga,+Shi Aôndo tsahan ve sha akpa na kpaa ga.
10 Anomabua ve ka a unde ungôôv ve wa iyav;Ungômbaibuav vev kpaa ka ve mar, iyav mbu vihi ga.
11 Mbayev vev mba nomso ka ve yevese ken won er ka ikyumuile nahan,Shi ônov vev ve numben saan saan.
12 Ka ve kuhwan angenga man adiguve, ve waan atsamShi vea ungwa imo i imar yô ve ember.+
13 Ka i kpe ve iyol ken ayange a ve ciiShi ve sen shin Uwar* bem bem.*
14 Kpa ka ve kaa a Aôndo u mimi la ér, ‘De se se lu kwagh wase!
Sar se u fan igbenda you ga.+
15 Ka an nan lu Uhembanagee Cii, ve se civir unu?+
Man aluer se fa un yô, ka mtsera u nyi se zua a mi?’+
16 Kpa m fa er ve lu a tahav sha mzehemen ve ga yô.+
Mhen* u mbaaferev gba ica a mo.+
17 Ka acin a me imenger i mbaaferev i pirini?+
Ka acin a me kwagh a tseren ve?
Ka acin a me Aôndo a timin ve sha ishimavihin na?
18 I lu nahan ve hingir er ayia a ahumbe a lu purugh a miShin er apusu a ijeverahumbe i lu purugh a mi nahanaa?
19 Aôndo ka a gema mtsaha u iferor a ver ônov mba nan.
Kpa guda Aôndo ma a tsaha nan sha er nana fa yô.+
20 Ashe a nan ma a nenge a mtim u nan,Shi ma i lu nan iyol i nan ma nan me iyugh i Uhembanagee Cii la ye.+
21 Gadia ka nyi ia gba nan sha kwagh u a ze hemen hen ya u nan shighe u nan kera lu ga,Zum u i tôndo iwer i nan kera laa?+
22 Or a fatyô u tesen Aôndo kwaghfan kpa?*+
Gadia mba ve hembe cii la je kpa ka un a er ve ijir ye.+
23 Orgen ka nan kpe a gbong gbong u nan iyol her+Zum u kwagh a nyian nan ishima ga, shi kwagh a ze nan iyol ga la,+
24 Zum u akooso a nan a we ahômShi akuhe a nan kpa a taver la.*
25 Kpa orgen di yô ka nan ya ican kpoghuloo zan zan nan kar kpen,*Mayange nan zua a kwagh u dedoo ga.
26 Ve cii vea yav shin vuulevu imôngo,+Azôô aa cir ve iyol.+
27 Nenge, m fa kwagh u ne lu henen la vindi vindiKua akaa a ne soo u eren sha u vihin mo ishima la kpaa.*+
28 Gadia ne kaa ner, ‘Ya u shagbaor la ngu hana?
Tenti u iferor shon yange lu her la ngu hana?’+
29 Ne pine mbazendev gaa?
Ne tôv ne fa akaa a ve nengen a mi la gaa?*
30 Mba benden iferor ave sha iyange i kwaghtseren a ve la gaShi sha iyange i iyughugh kpa ka i yima nan.
31 Ka an nana ôr nan inja i nan ken ishi?
Man ka an nana kimbi nan injar i kwagh u nan er laa?
32 Zum u a za a nan hen ape iin ior yô,A tsa per hen uwar u nan.
33 Azen a inyaagh a shin pev* aa nyoho nan,+Uumace cii vea dondo nan*+Er ikpelaior i i gande u ôron iyenge,I i vande yemen a nan la nahan.
34 Nahan er nena ne nem ishimasurun i gbilinigh?+
Kwagh u mimi môm ngu ken zwa wen ga, ka icugh tseegh!”
Ngeren mba shin kpe
^ Zwa Heberu, “jijingi wam ma a.”
^ Shin “a lu a tahava?”
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “kwa môm,” inja na yô ka ku u kpen fele, u nyoon ga.
^ Shin “Kwaghwan.”
^ Shin “nana tese Aôndo kwagh kpa?”
^ Zwa Heberu, “mshiam ma ken akuhe a nan ma lu ndor shough shough la.”
^ Shin “nan kpe a ishimavihin.”
^ Shin a fatyô u kaan ér, “akaa a ne soo u eren sha u bulan mo la kpaa.”
^ Zwa Heberu, “akav a ve gaa?”
^ Shin “uwagh.”
^ Zwa Heberu, “Nana urugh uumace cii nana yem a mi.”
