Yobu 32:1-22
32 Nahan iorov mba utar mban kera bugh zwa a Yobu ga, sha ci u a na jighjigh ér un ngu orperapera.*+
2 Kpa ishima gema vihi Elihu wan u Barakel, Orbusu+ u hen tsombor u Ram la kpishi. Ishima vihi un a Yobu kpishi, er a ker u nan iyol na ishô* i kera lu Aôndo ga yô.+
3 Shi ishima vihi un kpishi a akar a Yobu a atar la kpaa, sha ci u ve zua a kwagh u ôron ga, kpa ve gema ve kaa ér Aôndo wa ifer.+
4 Elihu yange lu keghen ér ve bee tsô una lam a Yobu, sha ci u ve lu tamen a na.+
5 Elihu nengen er iorov mba utar mban ve kera lu a kwagh môm u ôron ga yô, ishima vihi un pev.
6 Nahan Elihu wan u Barakel Orbusu la hii u ôron kwagh, a kaa ér:
“M ngu wanye*Kpa ne ne gema ne mba mbaganden.+
Nahan m er kwagh sha icivir, m tamber,+M cihi m ôr ne kwagh u m fe la ga.
7 M kaa ken ishima mer, ‘De ayange a tsan a ôr kwagh,Shi ikpela i anyom kpaa i pase kwaghfan.’
8 Kpa ka jijingi u a lu ken ior la a ne ve mkav ye,Ka iôôn i Uhembanagee Cii la.+
9 Anyom* tseegh nga ne or kwaghfan ga,Shi ka mbabeenyol tseegh ve fe kwagh u a lu u vough la ga.+
10 Nahan m ngu kaan mer, ‘Kegh nen ato a mo,Mo kpaa me ôr ne kwagh u m fe la.’
11 Nenge! M tamber mer me ungwa akaaôron a en;M kegh ato m ungwa mbamhen enev+Er ne lu keren akaa a ne ôr la.+
12 M kegh ato a ven zulee,Kpa mô wen môm fatyô u ôron kwagh u tesen ér Yobu ngu a ibo*Shin nan imo sha kwaghôron na ga.
13 Nahan de kaan nen ner, ‘Se zua a kwaghfan ve;Ka Aôndo a kôôm un ye, ka or ga’ ze.
14 Ka mo a lu sendegh kwaghôron a mo ga,Nahan me kaa un imo sha mkaanem enem ga.
15 Nenge Yobu, kunda ior mban iyol, ve kera mba a zwa bughun ga;Ve kera shi a kwaghmôm u ôron kpaa ga.
16 M tamber, kpa mba kera lamen ga.
Ve gba tilen her tsô, kera mba a zwa bughun ga.
17 Nahan, mo kpa me ôr kwagh;Me pase kwagh u m fe yô,
18 Sha ci u m ngee a akaaôron kpishi;Jijingi u ken a mo la ngu mgbeghan mo.
19 Vanger wam ngu er wain u i haa un ken kwagh,A lu a ian i duen ga nahan,Er akpa a wain a he a a sôôn paven yô.+
20 De m ôr kwagh sha er vanger a yôhôr mo shimi yô!
Me bugh zwa wam me kaa imo.
21 Me ta ikyaa ken ma ormôm ga;+Shi me wuese or môm sha ikparashe* kpaa ga,
22 Gadia m fa u wuese or sha ikparashe ga;Luun er m fa yô, u a gbem la ma a kar a mo kera fese je.
