Yobu 12:1-25
12 Tsô Yobu gema kaa ér:
2 “Mimi je, ka ne ne lu ior mba fan kwagh ye,*Man kwaghfan una kpe a ven imôngo!
3 Kpa mo kpaa m ngu a mkav*M yina sha a ven ga.
Ka an nan fe akaa ne ga?
4 M hingir ahuraior am kwagh u hômon kwagh a mi,*+Mo u m yilan Aôndo mer a ungwam ne.+
Orperapera u lun a ishô hingir kwagh u hômon kwagh a mi.
5 Or u nan tem bem bem ka nan laha or u ican i tser nan yô.
Ka nan hen ér kwagh ne ngu ka sha ci u mba angahar a ve a lu lyemen la tseegh.
6 Utenti mba mbaiv mba ken bem,+Shi mba ve vihin Aôndo ishima ker la kpaa mba ken mkor,+Ka ve mba ve lu a aôndo ve sha ave la.
7 Nahan kpa, pine ase annyamev, vea tese u;Shi pine inyon i sha kpaa, ia ôr u.
8 Gayô ver ishima sha* tar, ua tese u;Kua ishu i shin zegemnger kpaa, ia pase u kwagh ne.
9 Ken a ve cii ka an nan fe érKa uwegh ku Yehova ku er kwagh ne ga?
10 Uma u hanma kwagh u uma cii* ngu sha ikyev naKua jijingi u* hanma orumace kpaa.+
11 Tough ka ku kar kwaghôronEr nombor* ka u kar mnyohom ma kwaghyan nahan gaa?+
12 Mba zough a kwaghfan hen mbabeenyol gaa?+
Man mkav kpaa hen mba ve tse kpishi la gaa?
13 Ka hen a na kwaghfan man agee a lu ye;+Ngu a kwaghwan man mkav kpaa.+
14 Zum u a yôhôr kwagh yô a kera fatyô u hiden maan ga;+Kwagh u a cir kpaa, ma or a fatyô u bughun ga.
15 Ka una yua mngerem yô, hanma kwagh a uma;+Ka una pase ma yô, ma uve tar cii.+
16 Ka hen a na tahav man kwaghfan ve lu ye;+Or u tsumen gbenda man or u tsumen a ior cii mba sha ikyev na;
17 Ka a er mbawasenmhen ve zende angahar gbilin,*Shi a er mbaajiriv ve hingir abumeaior.+
18 Ka a sagh ikyangenev mbi utor ve kange la,+Shi a zer ve kwange hen iwenge.
19 Ka a er upristi ve zende angahar gbilin,+Shi a zôhô mba ve lu a tahav kpishi la;+
20 Ka a ngohol mkaanem hen mba ve fe u wan ior kwagh la keraShi a ngohol mkav hen mbabeenyol* kpaa;
21 Ka a hee ashagbaaior,+Shi a er mbaageev ve hingir aseeraior;*
22 Ka a pase akaamyer a a lu ken ime la,+Shi a due a angôghime ken iwanger;
23 Ka a er akuraior a vese a taver, sha er una tim a yô;Shi a er akuraior a seer kehen, sha er una yem a a uikyangen yô.
24 Ka a ngohol mkav u* mba hemen iorShi a er ve ve gbaa zenden wue wueKen taaikyôngo u a lu a gbenda ker ga tsô.+
25 Ka ve peven ken ime,+ ape iwanger i lu ga yô;Ka a er ve ve zenden zemba ze zemba er ka mbahundenmsôrom nahan.+
Ngeren mba shin kpe
^ Zwa Heberu, “ka ne ne lu ior ye.”
^ Zwa Heberu, “m ngu a ishima.”
^ Shin “kwagh u sen.”
^ Shin a fatyô u kaan ér, “lam a.”
^ Shin “Uma u hanma or u nan lu uma cii.”
^ Shin “iôôn i.”
^ Zwa Heberu, “zwa.”
^ Shin “ve kera lu a kwagh ga.”
^ Shin “mbatamen.”
^ Zwa Heberu, “a sagh kwange u mbaageev.”
^ Zwa Heberu, “ishima i.”
