Yobu 34:1-37
34 Tsô Elihu shi kaa ér:
2 “Ungwa nen ase akaaôron a am, ne mbafankwagh;Kegh nen ato a mo, ne mba ne fe kwagh kpishi ne.
3 Gadia tough ka ku kar kwaghôronVough er nombor kpa ka u bende kwaghyan* nahan.
4 De se tôv se fa nen kwagh u a lu u vough la ayol a ase;De se tsua nen kwagh u a lu u dedoo la ayol a ase.
5 Gadia Yobu kaa ér, ‘M ngu a ishô,+Kpa Aôndo er kwagh a mo sha mimi ga.+
6 Me er aie sha kwagh u ijirôron yamaa?
Ivav yam ngi been sha won ga, shin er m er kwaghbo ga nahan kpaa.’+
7 Ka an ugen nan lu er Yobu,U a me ilyahan er ka mngerem nahan laa?
8 Ngu vea mbaerenakaaboShi a nyôr nongo a aferaior kpaa.+
9 Gadia a kaa ér, ‘Or ka nana ker u eren kwagh u doon AôndoKpa nan zough a mtsera ga.’+
10 Yô kegh nen ase ato a mo, ne ior mba fan kwagh:*
Aôndo una er iferkwagh mayange ga,+Uhembanagee Cii la una er kwagh u kpeegh ga!+
11 Gadia una kimbi hanma or injar sha ieren i nan+Una hide a kwagh u ieren i nan i ve a mi la sha a nan.
12 Mimi je, Aôndo eren iferkwagh ga;+Uhembanagee Cii la nzughul a ijir ga.+
13 Ka an nan we un tar sha ikyeve?
Man ka an nan ver un orhemen sha tar ciilii?
14 Aluer a ver ishima na sha a ve,Man aluer a ngohol jijingi ve man iôôn ve kera, a yem a mi yô,+
15 Uumace cii vea* saa ishe,Or nana hide nana hingir vuulevu.+
16 Nahan wea lu a mkav yô, ungwa kwagh ne,Kegh ato a kwagh u m lu ôron ne zulee.
17 Or u nan soo kwagh u mimi ga nana fatyô u hemen kpa?
Shin u na orageegh u nan lu perapera la ibo?
18 U kaa a tor wer, ‘U ngu gbilinor’ ha?
Shin u kaa a ashagbaaior wer, ‘Ne mba aferaior’ ase?+
19 Un u a te ikyaa ken mbahemenev ga yô nguMan a hemba soon mbanyarev a atsanaior ga,*+Sha ci u ve cii mba tom u ave a na.+
20 Ka ve kpe kpoo,+ ken atôutu je;+Ka ve dura iyol maa ve kpe kera;Mbaageev je kpa ka i kar a ve sha, kpa ka i lu sha ave a or ga.+
21 Gadia ashe a Aôndo nga sha igbenda i or,+Nengen ijende i nan cii.
22 Ma ime shin angôghime nguU mba eren akaabo vea fatyô u yeren her ga.+
23 Gadia or môm kpa Aôndo ver a ver nan shigheU nana va sha ishigh nagh una ôr nan ijir ga.
24 Ka a sombo mbaageev vughô vughô,Ityôkyaa i lu i tôvon sha kwagh ve gaA gema a ver mbagen hen ian ve la.+
25 Sha ci u a fa kwagh u ve eren yô;+Ka a hungwa a ve tugh, nahan i njighe ve kera.+
26 Ka a tsaha ve sha ifer ve,Hen ijiir i ior cii vea nenge yô,+
27 Sha ci u ve kaha, ve de u dondon un+Shi gbenda na môm tsô kpa mba we u ikyo ga;+
28 Ka ve na mbaatsanev ve vaa a na,Nahan a ungwa mliam ma mba ve lu a orwasen ga la.+
29 Aluer Aôndo huan ving yô, ka an nana na un ibo?
Zum u a yer ishigh nagh yô, ka an nana nenge a na?
Aluer ka ikyurior a yer i ishigh nagh shin ka or kpaa, a kaha ga,
30 Sha er or u civir Aôndo ga* nana de hemen ior+Shin nana vaan a kwaghhônon hen ve kpaa ga yô.
31 Gadia or ngu u nana kaa a Aôndo ér‘M er kwaghbo ga, kpa i tsaham;+
32 Tesem ape m er shami ga la;Aluer m er kwaghbo yô, me kera kimbir ga’ je kpa?
33 Er u venda ijirôron na nahan kpa,U ver ishima wer a kimbi u injar i sha ishima you la ha?
Ka we i lu u u kaa ye, ka mo ga.
Yô ôrom ase kwagh u u fe tsembelee ne.
34 Ior mba kaven kwagh* cii vea kaam—Een, hanma orfankwagh u nan ongo kwagh u m lu ôron ne cii nana kaa ér—
35 ‘Yobu lam sha kwaghfan ga,+Mfe ban ken kwaghôron na la.’
36 Yô ma i kar* Yobu vindi vindiSha ci u ngu ôron kwagh er ka mbaaferev nahan!
37 Ngu seer ihyembeato sha isholibo na la;+Ngu kuren se ave sha ishi sha tarnahanÔron akaa kpishi sha iyol i Aôndo u mimi la!”+
Ngeren mba shin kpe
^ Zwa Heberu, “zwa kpa ka u bende kwaghyan u nenge.”
^ Zwa Heberu, “ne ior mba lun a ishima.”
^ Zwa Heberu, “Iyol cii ia.”
^ Shin “a hemba soon ashagbaaior a mbagbanjime ga.”
^ Shin “or u vendan Aôndo.”
^ Zwa Heberu, “mba lun a ishima.”
^ Shin a fatyô u kaan ér, “Terem, de i kar.”
