Yobu 38:1-41
38 Tsô Yehova ôr kwagh a Yobu ken ijeverahumbe,+ a kaa ér:
2 “Ka an nan yisan awashima wamNan lamen a mfe shio nee?+
3 Tsule ase ikyondo uya er ka nomsoor nahan;Mo me pine u kwagh, nahan we kaam.
4 Shighe u m tim imaagh ki taregh la u lu hana?+
Kaam ase, wea hen wer u fa yô.
5 Ka an yange nan ver akighir a u, wea fa yô,Man lu an nan naregh kor u karen kwagh a mi sha u?
6 Ka shin nyi yange i shindi mtôm ma u,Shin lu an nan ver iwen i u i sha zongo,+
7 Zum u asan a sha use+ ger amo imôngo,Shi ônov mba Aôndo*+ cii ger sha iember laa?
8 Man ka an yange nan wa ihinda nan wuhe zegemnger ker+Zum u va ta poo, due ken uya,
9 Shighe u m cir un ken abeen er ikyondo nahanM kpelegh un ken angôghime,
10 Zum u m ver un ikighir yamShi m wa un ihinda man uishindan laa?+
11 M kaa mer, ‘Kape u kighir je ne, de karen heen ga;Kape agôndo a ou a sha utaha la aa kighir je ne.’+
12 I lu nahan* u ôr sev kwagh u mbua erShin u tese m-av u use ijiir na,+
13 Sha u a kôr akighir a tar,A nduur mbaaferev sha u kera kpa?+
14 Ka i gema u er inyandor i i ver ikyav sha mi nahan,Hwe u u a due ken igbar er ka u ikyondo yô.
15 Kpa i nyume mbaaferev iwanger ve,Uwegh vegh ku kenden sha kpaa i sombo ku kera.
16 I lu nahan u hungwa shin ambor a zegemngerShin u zende u nenge aivamnger vee?+
17 I pase u kwagh u ihinda i kuugh+Shin i lu nahan u nenge a ihinda i angôghime?*+
18 U fa kwagh u igbanger i tar kpa?+
Ôrom ase, wea fa akaa ne cii yô.
19 Ka vegher u han iwanger i tem ya?+
Man ka hana i lu ijiir i ime,
20 Sha er u yem a i hen ijiir i iShi u fa igbenda i zan hen ya u i asee?
21 U fa kwagh ne, sha ci u shighe la nahan i mar uShi iyenge i anyom a ou* kpa vese di je ga.
22 U nyôr ken ayou a koson* senou kpa?+
Shin u nenge a ayou a koson awombo+
23 A m koso sha ci u shighe u ican,Man sha ci u iyange i num kua i utya laa?+
24 Ka vegher u han iwanger* ka i due ve i sambere?
Man ka han ahumbe a sha ityoughkitaregh ka a mough ve a va ta sha taraa?+
25 Ka an nan time akpa sha ci u ikyumenura?
Man ka an nan er gbenda sha ci u ibyeenegh ki van a zegeuraahumbe,+
26 Sha er ura ua nôô hen ape or nan tem ya ga,Ken taaikyôngo, ape orumace môm nan lu ga,+
27 Sha u tar u lun tseghe tseghe u ndôhôrShi nan ér toho u mende?+
28 Ura ngu a ter kpa?+
Man ka an nan mar avure?+
29 Ka ken iyav mbu an mngerem ma gban akpo ma dughu?
Man ka an nan mar avure a kôrough a a dugh sha laa?+
30 Kwavmnger ka u gba akpo, u hingir er ka iwen nahan,Sha ci u mkôrough u zarmnger u hen aiv.+
31 U fatyô u kangen ikyor i ijukuasan i Kima*Shin saghen ikyor i ijukuasan i Kesil* la kpa?+
32 U fatyô u hemen ijukuasan* sha shighe u i kpa?
Shin u fatyô u tesen ijukuasan i Ashi* a ônov nav gbenda?
33 U fa atindi a a hemen ushaa?+
U fatyô u veren a* wer a er tahav shin tar kpa?
34 U fatyô u tan ikyenge yilan abeenSha u a na zegeura a nôô u kpa?+
35 U fatyô u tindin inyiar kpa?
Ia va hen a we ia kaa ér, ‘M ngun!’ kpa?
36 Ka an nan we kwaghfan ken abeene?*+
Shin ka an nan ne akaa a sha kwavaôndo* mkava?+
37 Ka an nan fe kwagh i kom u ôron iyenge i abeene?
Man ka an nana fatyô u tingir asegh a mnger a sha ér a haa,+
38 Zum u vuulevu u te tihiMan akpoghor a inyaagh a shin tar kpa a kohol a ta ijen laa?
39 U fatyô u yaren ikyôr sha ci u beghaShin nan agumabegha kwaghyan u been ve ijen+
40 Zum u ve uve ken ubar vevShin ve yav hen ajiir a ve, ve lu keghen inyam laa?
41 Ka an ka nan na ôô-ôô kwaghyan+Zum u ônov nav ve lu vaan a AôndoVe lu zenden gedee sha ci u mba a kwaghyan ga laa?
Ngeren mba shin kpe
^ Ka gbenda u i yilan mbatyomov mba Aôndo sha injakwagh ken zwa Heberu yô.
^ Zwa Heberu, “Ken ayange a uma wou cii.”
^ Shin “mure u kuugh?”
^ Zwa Heberu, “ayange a ou.”
^ Shin “iuna i.”
^ Shin a fatyô u kaan ér, “inyiar.”
^ A fatyô u lun asan a i yer ér Pleiades, a a lu ken ijukuasan i Taurus la.
^ A fatyô u lun ijukuasan i i yer ér Orion la.
^ Zwa Heberu, “Masaroti.”
^ A fatyô u lun ijukuasan i i yer ér Great Bear (Ursa Major) la.
^ Shin a fatyô u kaan ér, “un.”
^ Shin a fatyô u kaan ér, “ken oro?”
^ Shin a fatyô u kaan ér, “ka an nan ne ishima mkava?”
