Yobu 22:1-30
22 Tsô Elifasa+ Orteman la gema kaa ér:
2 “Or nana fatyô u lun Aôndo a inja je kpa?
Ma or u fan kwagh nana lu un a iwasenee?+
3 Perapera wou gba Uhembanagee Cii la kwagha?*
Shin a zua a mtsera er u lu keren u eren kwagh u mimi yôô?+
4 Una tsaha u shi una za a we hen ijirSha ci u mcieaôndo wouwee?
5 Kera ka sha ci u iferkwagh you ngeeShi asorabo a ou de ishar ga zee?+
6 Gadia ka u ngohol ityumbu hen anmgbianev ou a ityôkyaa shio,Shi u er ior akondo, u undu ve idyelegh.*+
7 U ne mba ve vôr la mngerem ga,Mba ijen i ker ve kpa ka u nyume ve kwaghyan.+
8 Tar ka u orageegh,+Shi ka or u nan gbe kwagh la nan tem ken u ye.
9 Kpa ka u na kasevmbacôgholov gbenda ave gbilinShi u njighe ave a ônov mba lun a ter ga.*
10 Ka nahan ve akaahônon a kase u a we atô,+Shi mciem ma te u iyol fese kpaa ye;
11 Ka nahan man ime i we je u lu fantyô u nengen ga,Shi iyuhwamnger i uve u ye.
12 Aôndo ngu sha hiinii gaa?
Shi nenge er asan cii a gbe ica sha wono.
13 Kpa u kaa wer: ‘Ka nyi jim Aôndo a fe?
Una fatyô u ôron ijir ken angôghime?
14 Abeen yisa un, nahan una fatyô u nengen gaNgu zenden sha gbilititi u usha.’
15 U soo u zenden sha gbenda u tseU ior mba wan afer vande zenden sha mi laa?
16 Ve mba i kar a ve kera sha ayange a ve ga,Mba mngerem* kua a imaagh vev kera la.+
17 Ve lu kaan a Aôndo u mimi la ér: ‘De se!’
Shi ve lu kaan ér, ‘Ka nyi Uhembanagee Cii una fatyô u eren se?’
18 Kpa gema lu un iv uya vev a akaa a dedoo ye.
(Mhen u ifer ngula nahan gba ica a mo.)
19 Mbaperapera vea nenge kwagh ne, a saan ve iyol,Mba ve lu iyolishô kpaa vea naha ve tar vea kaa ér:
20 ‘Mba ve hendan a vese la tim kera ve,Avindigh a ve a a shi her la kpaa usu ua hia a kera.’
21 Nôngo fa un, nahan ne lu ken bem;Maa akaa a dedoo aa gba van hen a we.
22 Lumun tindi u ken zwa naShi koso akaaôron a na ken ishima you.+
23 Aluer u hide hen Uhembanagee Cii la yô, a mough a we sha;+Aluer u dugh iferkwagh ken tenti wou kera,
24 Shi aluer u haa zanaria wou shin vuulevuZanaria wou u Ofir+ kpaa u gema un u haa shin upev mba* avandegh yô,
25 Uhembanagee Cii una hingir zanaria wou,Shi una hingir azurufa wou u hemban doon cii.
26 Gadia ka nahan man a saan we iyol ken Uhembanagee Cii,Shi u kende ishigh you sha hen Aôndo ye.
27 U sôn un, una ungwa;Shi u kure uiceghzwa ou kpaa.
28 Kwagh u u soo u eren cii una kure doo doo,Iwanger ia ta sha gbenda wou.
29 Gadia aluer u lam sha imanger yô, a hee u,Kpa una yima mba hiden a iyol ijime.*
30 Una yima mbaishôôv;Nahan aluer ave a ou nga wang yô, a yima u keng, a bunde ga.”
