Yobu 31:1-40
31 “M ya ikyur a ashe am.+
Nahan a er nan man me kenger iniunkwase sha gbenda u dang-na?+
2 Aluer m er nahan yô, ka kwar u nyi me zua a mi hen Aôndo u sha?
Ka dyako u nyi me zua a mi hen Uhembanagee Cii u a lu sha laa?
3 Ka mtim a lu keghen iferor,Man ican i vihin tsung kpaa i lu keghen mba ve eren akaabo la gaa?+
4 Nengen a igbenda yam+Shi ôron iyenge i aaven a angahar a am cii gaa?
5 I lu nahan m zende sha mimi ga* vee?
Angahar a am torough u za tsughun oro?+
6 Aôndo a karem sha uikyaren mba vough;+Nahan una fa mimi wam.+
7 Aluer angahar a am goom undu gbenda+Shin ishima yam dondo ashe a am+Shin ave a am kpa hôngor yô,
8 Mea lôô iyiav kpaa orgen nana kar nana ya+Shi i wuhe kwagh u m lôô la kera.
9 Aluer kwase ugen sar ishima yam+Shi m yer hen hunda u or u wan ndor a mo m ngu keghen yô,+
10 Kwase wam a wua orgen uwua,Shi ior mbagen ve yav a na.*+
11 Gadia me er a lu ieren i kunya,A lu kwaghbo u a kom mtsaha sha ikyev i mbaajiriv yô.+
12 A lu usu u vihin kwagh, saan un ishe,*+Ua hia iyiav yav* cii, je a kua shin amise.
13 Aluer yange m er kwagh a ikpan yam i nomso shin i ukase sha mimi gaZum u ve gba ayôôso sha kwagh wam yô,*
14 Zum u Aôndo una pinem* yô me er nena?
Aluer a va pinem kwagh sha mi yô, me ôr a na mer nyi?+
15 Ka un u yange erem ken uya la a er ve kpaa gaa?+
Ka un shon môm yange gba se cii ken sagh gaa?+
16 Aluer m nyume mbaatsanev kwagh u a sar ve+Shin m na kwasecôghol hungwa ashe ikyôr;*+
17 Shin aluer yange m ya kwaghyan wam tswenM pande m na ancôgholov ga;+
18 (Gadia hii iyev wam je ancôghol vese vea mo er m ngu ter na nahan,Shi m hemen kwasecôghol gbenda hii shighe u m lu cuku la je.*)
19 Man aluer yange mea nenge or a lu saan ishe sha ci u nan ngu a ikyondo gaShin icanor nan lu a kwagh môm u cirin iyol ga;+
20 Aluer yange nan* verem doo doo+Er aive a iyôngo a am na nan mtsee la ga;
21 Shi aluer yange m kunde uwegh sha ancôghol+Zum u nan sônom* iwasen hen hundagar yô;+
22 Uwegh agh ku* tsua sha kwende kera,Shi uwegh agh ku sombo hen inyuwe.*
23 Sha ci u yange m cia mtim sha uwegh ku Aôndo,Shi lu u me fatyô u tilen sha ishigh ki icivir na ga.
24 Aluer m gema ishima yam cii m ver sha zanariaShi m kaa a zanaria u wang mer, ‘U ngum kwagh u suur sha mi!’+
25 Aluer ka inyaregh ki m lu a mi kpishi la ki lu nan mo msaanyol+Shin ka akaa a m lu a mi kpishi la;+
26 Man aluer m nenge iyange* ngi tanShin uwer mondo ngu karen;+
27 Maa ishima yam gba meen mo,M suse uwegh agh sha u civir ve yô;+
28 A lu kwaghbo u a kom mtsaha sha ikyev i mbaajiriv yô,Sha ci u yange kwagh ne ma tese érM nyiman Aôndo u mimi u sha la.
29 I lu nahan m ember sha ci u orhyom wam tim+Shin m tim akende sha ci u kwagh tser unu?
30 Mayange m de mer zwa wam u er isholiboSha u wan nan ifyan mer nana kpe ga.*+
31 Ior mba hen tenti wam yange ve kaa ér,‘Ka an je ve nan ye kwaghyan* na i kom nan ga?’+
32 Orvannya môm tsaan ken won ga;+M bughun mbazendev ihinda yam.
33 I lu nahan m ker u cirin akaabo a am, er ior mbagen nahan+Sha u yeren kwaghbo wam ken ikpa i ikyondo yamaa?
34 I lu nahan m cia kwagh u ikpelaior ia er,Shin ilyahan i icombor igen tam mciem iyol,Je m huan ving, m venda u duen ken wonoo?
35 Or ma nan shi kegh ase ato a mo!+
Nahan ma m nger iti yam sha kwagh u m ôr ne.*
Uhembanagee Cii la a ôr kwagh a mo!+
Or u yilan mo ijir la ma nan nger akaa a nan kaa ér mo m er la shin takeda!
36 Ma m tôô u sha akende,Shi ma m cir u sha ityo er ka idyer i tor nahan.
37 Ma m ôr un hanma kwagh u m er cii;Ma m ve hen a na vangertiôr er ka orhemen nahan.
38 Aluer sule wam vaa iyol sha kwagh wamShi ahia a u kpa kohol nga vaan;
39 Aluer m ya atam a u a u kimbin mba ve kaha la shio,+Shin m ngohol u sha agee, nahan m na mba u lu u ve la toghor iyol yô;+
40 Usaa ve mendem her sha ityough ki alakemaMan toho u human vihin kpaa sha ityough ki barli.”
Mkaanem ma Yobu kure heen.
Ngeren mba shin kpe
^ Shin a fatyô u kaan ér, “vea ior mba mimi ga.”
^ Zwa Heberu, “ior mbagen ve gure sha a na.”
^ Zwa Heberu, “u yan kwagh, timin un.”
^ Shin “ua wuhe iyiav yav.”
^ Shin “zum u ve za yilam ijir yô.”
^ Zwa Heberu, “una mough sha.”
^ Zwa Heberu, “tsegher ashe ikyôr.”
^ Zwa Heberu, “ken iyav mbu ngôm je.”
^ Zwa Heberu, “iwenge i nan.”
^ Shin a fatyô u kaan ér, “Zum u m nenge mer m ngu a.”
^ Shin “kpaakpawe wam a.”
^ Shin “hen ijuan.”
^ Zwa Heberu, “iwanger.”
^ Shin “wan uma u nan ifyan mer a kpe ga.”
^ Zwa Heberu, “inyam.”
^ Shin “M wa uwegh shimi ve.”
