Yobu 4:1-21
4 Tsô Elifasa+ Orteman la gema kaa ér:
2 “Aluer or nôngo ér nana lam a we nahan u yina ishimaa?
Gadia ka an je nana kôrcio u huan ving-ni?
3 Ka mimi, u kôôm ior kpishi,Shi yange u taver ave a a vôr la.
4 Mkaanem ou yange ma mough a hanma or u nan lu nôngon gbeev cii sha,Shi u taver mba anu ve a kunden la.
5 Kpa hegen kwagh ne va eren we yô, tume u iyol;*Ka benden a we yô, kunda u iyol.
6 Mcie u u cie Aôndo la na u vangertiôr gaa?
Ieren you i mimi+ kpa na u ishimaverenkeghen gaa?
7 Hide umbur yôô: I lu nahan orishôôgh hingir kwagh u saan ishe vee?
Ka hanma shighe i tim orperapera u nenge?
8 Kwagh u m nenge yô, mba ve kahan* iferkwaghMan mba ve lôôn zayol cii, ka kwagh shon môm vea sunda ye.
9 Iôôn i Aôndo ka i tim ve,Shi iyugh na kpaa i bee a ve kera.
10 Begha ka a ta kume, gumbegha kpaa a kpela ikyer,Kpa anyi a ubegha mba taver iyol je kpaa ka i gbor a kera.
11 Begha ka a kpe sha ci u inyam ban un,Ônov mba begha kpaa ve sambe kera.
12 Yange i va ôr kwagh a mo ken myer,I ôrom kwagh ivarvase, ken to je,
13 Ken mbamhen mba zan mo iyol ken mbampase mba utuuv,Zum u ior ka ve yav mem mem la,
14 Mciem gbam iyol kpishi,Akuhe am cii iv a ikyarkyase.
15 Jijingi karem sha ishi wele;Ice timim iyol.
16 Maa a za tile jigh,Kpa m fatyô u kaven mlu na ga.
Kwagh lu sha ishigh yagh;Huan ving, maa m ungwa imo ôr kwagh ér:
17 ‘Orumace u ka nan kpe ne nana fatyô u hemban Aôndo perapera?
Or nana fatyô u hemban lun wang a u a gbe nan laa?’
18 Nenge! A na mbatomov nav jighjigh ga,Shi ka a zua mbatyomov nav a ibo.
19 Man hide mba ve tem ken ayou a inyaagh,Mba i we imaagh vev* shin vuulevu,+Mba ka i njighe ve er ivina nahan la yee?
20 Ka i njighe ve vindi vindi, hii pepe zan zan aikighe;Ka ve saa ishe vindi vindi, or môm nan wa ikyo her ga.
21 Kera mba er tenti u i urugh kor na i tsua kera la gaa?
Ka ve kpe a kwaghfan shio.
