Yobu 40:1-24
40 Yehova shi kaa a Yobu ér:
2 “Or u keren u nan ior ibo nana hendan kwagh a Uhembanagee Cii laa?+
Or u a soo u kôôm Aôndo la a kaa ase.”+
3 Tsô Yobu gema kaa a Yehova ér:
4 “Nenge! Mo m kuma ga.+
Shi me bugh zwa me kaa a we mer nyi?
M cir uwegh agh sha zwa.+
5 M ôr kwagh kwa môm, kpa me kera kimbir ga;Een, kwa har je, kpa me kera za hemen ga.”
6 Yehova maa ôr kwagh a Yobu ken ijeverahumbe, a kaa ér:+
7 “Tsule ase ikyondo uya er ka nomsoor nahan;Mo me pine u kwagh, nahan we kaam.+
8 U huna* ijirôron yamaa?
U nam ibo sha er u ya ishô yôô?+
9 U ngu a uwegh ku ageegh er ku Aôndo u mimi nahanaa?+
Shin imo you ia fatyô u duran er i na nahana?+
10 Wuha ase iyol sha iengem man mhembe;Hua icivir man urum iyol.
11 Pase iyugh i ishimavihin you la;Kenger hanma or u nan gengese iyol cii, shiligh a nan shin inya.
12 Kenger hanma or u nan kenden a iyol sha cii, hide a nan ijime,Shi ndyar mbaaferev shin inya, hen ape ve til la.
13 Yer ve cii shin vuulevu;Kange ve* hen ijiir i ken iuv,
14 Nahan mo je kpa me fa* merUwegh ough ku iyanegh kua fatyô u yiman we.
15 Nenge ase normnger* u m er un vough er we kpa m er u nahan la.
Ye toho er ka bua nahan.
16 Nenge ase agee a a lu ken akooso a naMan tahav mbu mbu lu ken asongonyam a hen iyav nav la!
17 Ka a nômbo tsa na er ka kon u sedar nahan;Igbila i sha anam a na wa pelegh.
18 Akuhe a na ka togula;Angahar a na ka myôm.
19 Un ka kwagh u hiihii ken* ityom i Aôndo;Ka u a gbe un la tseegh una fatyô u zan ikyua a na a sanker na ye.
20 Ka iwo i ne un kwaghyan ye,Hen ape inyamtoho cii i numben la.
21 Ka a yav inya hen atine a lotushi,*Hen mure u ayegh a shin ijande.
22 Atine a lotushi ka a gba mure sha a na,Shi ikyon* i shin pev* ka i kase un.
23 Ifi ka una gbuusu kpaa, ikyarkyase i gbidi un iyol ga.
Yordan ka una guusu+ un sha zwa kpa icile i tenger un ga.
24 Or a fatyô u kôron un shighe u a ver ishigh sha a nan,Shin peven un ihinga sha tsue?*
Ngeren mba shin kpe
^ Shin “U nyiman.”
^ Zwa Heberu, “Kange ve ishigh.”
^ Shin “me wuese we.”
^ Zwa Heberu, “Behomoti.”
^ Zwa Heberu, “ka mhii u.”
^ Lotushi ka imendenegh ki shin ijande ki lun a asaa.
^ Ishember i ken zwa Heberu la ngi ôron kwagh u ikyon igen i yange i banen hen kpeifi ga yô. Mba yer ken zwa Buter ér poplar.
^ Shin “uwagh.”
^ Zwa Heberu, “sha kwaghhônono?”
