Numeri 7:1-89
-
Iniav mbi sha mtsegh u tabernakel (1-89)
7 Sha iyange i Mose tim tabernakel bee la,+ a shighe un mkurem+ shi a tsegha un a ikyav mbi ker cii, kua atse a nan nagh, a ikyav mbi a cii.+ Zum u a shighe akaa ne mkurem shi a tsegha a la,+
2 mbavesen mba ken Iserael+ na nagh, ka mbayaav je la. Mbavesen mba sha uipyaven mba ve lu ityough sha kwagh u ngeren ior ati mban
3 va a iniav sha ishigh ki Yehova, ve va a akeke a kpelan ataratar a i cir kwagh sha a yô, kua anomabua 12, mbavesen uhar uhar va a ikyekye i kpelan i môm i môm, shi hanma orvesen va a nombua; ve va a a hen tabernakel.
4 Yehova kaa a Mose ér:
5 “Ngohol akaa ne hen a ve, sha ci u a lu eren tom u ken tenti u kohol ker la a akaa shon, gema a na Mbalevi, na hanma ve er i gbe u nana er tom u nan a mi la.”
6 Nahan Mose ngohol akeke a kpelan kua ibua la, a gema a na Mbalevi.
7 A na ônov mba Gershon akeke a kpelan ahar man anomabua anyiin, a na ve sha mlu u ityom ve;+
8 a na ônov mba Merari akeke a kpelan anyiin man anomabua anigheni sha mlu u ityom ve, sha hemen u Itamar wan u pristi Aron.+
9 Kpa ônov mba Kohati yô, a na ve kwagh môm ga, sha ci u ityom ve gba zua a ityom i ken icighanjiir la,+ ve tôôn uicighanmbaakaav sha akende.+
10 Mbavesen mbara na nagh shighe u i lu tseghan+ atse la, sha iyange i i shighe a mkurem la. Zum u mbavesen mbara va a nagh vegh hen atse la yô,
11 Yehova kaa a Mose ér: “Hanma iyange yô, orvesen môm nana na nagh ku nan ku tseghan atse la sha iyange i nan kposo.”
12 Or u yange nan va a nagh ku nan sha iyange i hiihii la yô, lu Nashon+ wan u Aminadabi u ken ipyaven u Yuda.
13 Nagh nagh lu tasa u azurufa môm u yuhwan kuman ushekel 130,* man gbande u azurufa u yuhwan kuman ushekel 70, sha shekel u hen icighanjiir la,*+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
14 man kôôpu u zanaria môm* u yuhwan kuman ushekel 10, a insensi shimi poo;
15 man gumbua môm man nomiyôngo môm, kua angumiyôngo u hemba inyom i môm ga yô, sha ci u nagh ku nanden;+
16 man anivo môm, sha ci u nagh ku isholibo;+
17 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyom i môm i môm yô. Ka nagh ku Nashon wan u Aminadabi+ na je la.
18 Sha iyange i sha uhar la, Netanel+ wan u Suar, orvesen u ipyaven u Isakar, na nagh.
19 Nagh nagh lu tasa u azurufa môm u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
20 man kôôpu u zanaria môm u yuhwan kuman ushekel 10, a insensi shimi poo;
21 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
22 man anivo môm, sha ci u nagh ku isholibo;+
23 a gema a na nagh ku bem+ sha ibua ihiar man anomaiyôngo ataan man ikpev itian, kua agumaiyôngo ataan a a lu inyom i môm i môm yô. Ka nagh ku Netanel wan u Suar na je la.
24 Sha iyange i sha utar la, Eliabi+ wan u Helon, orvesen u ônov mba Sebulon,
25 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
26 man kôôpu u zanaria môm u yuhwan kuman ushekel 10, a insensi shimi poo;
27 man gumbua môm man nomiyôngo môm, kua angumiyôngo u hemba inyom i môm ga yô, sha ci u nagh ku nanden;+
28 man anivo môm, sha ci u nagh ku isholibo;+
29 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyom i môm i môm yô. Ka nagh ku Eliabi+ wan u Helon na je la.
30 Sha iyange i sha unyiin la, Elisur+ wan u Sedeur, orvesen u ônov mba Ruben,
31 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
32 man kôôpu u zanaria môm u yuhwan kuman ushekel 10, a insensi shimi poo;
33 man gumbua môm man nomiyôngo môm, kua angumiyôngo u hemba inyom i môm ga yô, sha ci u nagh ku nanden;+
34 man anivo môm, sha ci u nagh ku isholibo;+
35 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyôm i môm i môm yô. Ka nagh ku Elisur+ wan u Sedeur na je la.
36 Sha iyange i sha utaan la, Selumiel+ wan u Surisadai, orvesen u ônov mba Shimion,
37 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
38 man kôôpu u zanaria môm u yuhwan kuman ushekel 10, a insensi shimi poo;
39 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
40 man anivo môm, sha ci u nagh ku isholibo;+
41 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyom i môm i môm yô. Ka nagh ku Selumiel+ wan u Surisadai na je la.
42 Sha iyange i sha ataratar la, Eliasav+ wan u Deuel, orvesen u ônov mba Gadi,
43 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
44 man kôôpu u zanaria môm, u yuhwan kuman ushekel 10, a insensi shimi poo;
45 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
46 man anivo môm, sha ci u nagh ku isholibo;+
47 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyom i môm i môm yô. Ka nagh ku Eliasav+ wan u Deuel na je la.
48 Sha iyange i sha utaankaruhar la, Elishama+ wan u Amihudi, orvesen u ônov mba Eferaim,
49 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
50 man kôôpu u zanaria môm, u yuhwan kuman ushekel 10, a insensi shimi poo;
51 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
52 man anivo môm, sha ci u nagh ku isholibo;+
53 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyom i môm i môm yô. Ka nagh ku Elishama+ wan u Amihudi na je la.
54 Sha iyange i sha anigheni la, Gamaliel+ wan u Pedasur, orvesen u ônov mba Manase,
55 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
56 man kôôpu u zanaria môm, u yuhwan kuman ushekel 10, a insensi shimi poo;
57 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
58 man anivo môm, sha ci u nagh ku isholibo;+
59 a gema a na nagh ku bem+ sha ibua ihiar man anomaiyôngo ataan, man ikpev itian kua agumaiyôngo ataan a a lu inyom i môm i môm yô. Ka nagh ku Gamaliel+ wan u Pedasur na je la.
60 Sha iyange i sha utaankarunyiin la, Abidan+ wan u Gidiôni, orvesen+ u ônov mba Benyamin,
61 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
62 man kôôpu u zanaria môm, u yuhwan kuman ushekel 10, a insensi shimi poo;
63 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
64 man anivo môm, sha ci u nagh ku isholibo;+
65 a gema a na nagh ku bem+ sha ibua ihiar man anomaiyôngo ataan man ikpev itian, kua agumaiyôngo ataan a a lu inyom i môm i môm yô. Ka nagh ku Abidan+ wan u Gidiôni na je la.
66 Sha iyange i sha pue la, Ahieser+ wan u Amisadai, orvesen u ônov mba Dan,
67 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
68 man kôôpu u zanaria môm, u yuhwan kuman ushekel 10, a insensi shimi poo;
69 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
70 man anivo môm, sha ci u nagh ku isholibo;+
71 a gema a na nagh ku bem+ sha ibua ihiar man anomaiyôngo ataan man ikpev itian, kua agumaiyôngo ataan a a lu inyom i môm i môm yô. Ka nagh ku Ahieser+ wan u Amisadai na je la.
72 Sha iyange i sha 11 la, Pagiel+ wan u Okeran, orvesen u ônov mba Asher,
73 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
74 man kôôpu u zanaria môm, u yuhwan kuman ushekel 10, a insensi shimi poo;
75 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
76 man anivo môm, sha ci u nagh ku isholibo;+
77 a gema a na nagh ku bem+ sha ibua ihiar man anomaiyôngo ataan man ikpev itian, kua agumaiyôngo ataan a a lu inyom i môm i môm yô. Ka nagh ku Pagiel+ wan u Okeran na je la.
78 Sha iyange i sha 12 la, Ahira+ wan u Enan, orvesen u ônov mba Nafetali,
79 na nagh nagh sha tasa u azurufa u yuhwan kuman ushekel 130, man gbande u azurufa u yuhwan kuman ushekel 70, sha shekel u hen icighanjiir la,+ ve cii ve iv a mwem ma kengese ma i nungwa mkurem sha mi, sha ci u nagh ku sha samuyia yô;+
80 man kôôpu u zanaria môm, u yuhwan kuman ushekel 10, a insensi shimi poo;
81 man gumbua môm man nomiyôngo môm kua angumiyôngo u hemba inyom i môm ga yô, sha ci u nagh ku nanden;+
82 man anivo môm, sha ci u nagh ku isholibo;+
83 a gema a na nagh ku bem+ sha ibua ihiar man anomaiyôngo ataan man ikpev itian, kua agumaiyôngo ataan a a lu inyom i môm i môm yô. Ka nagh ku Ahira+ wan u Enan na je la.
84 Ka nagh ku tseghan+ atse ku mbavesen mba Iserael na shighe u i lu tseghan a la je la: lu atasa a azurufa 12 man agbande a azurufa 12 kua ukôôpu mba zanaria 12;+
85 hanma tasa u azurufa yô, yuhwa kuma ushekel 130, shi hanma gbande yuhwa kuma ushekel 70, azurufa u mkam mara cii kohol lu ushekel 2,400, sha shekel u hen icighanjiir la;+
86 ukôôpu mba zanaria 12 mba ve lu a insensi shimi poo poo la, hanma yuhwa kuma ushekel 10, sha shekel u hen icighanjiir la, zanaria u ukôôpu mbara cii kohol lu ushekel 120.
87 Ilev mbi nan nagh ku nanden a mi la cii, kohol lu anomabua 12, man anomaiyôngo 12, kua agumaiyôngo 12 a lun inyom i môm i môm, a iniav vev mbi sha samuyia, man anivoov 12 sha ci u nagh ku isholibo;
88 shi ilev mbi nan nagh ku bem a mi cii, kohol lu anomabua 24, man anomaiyôngo 60, man ikpev 60, man agumaiyôngo 60 a lun inyom i môm i môm. Ka iniav mbi i na sha u tseghan+ atse la, zum u i shighe a mkurem kera je la.+
89 Zum u Mose una nyôr ken tenti u kohol ker la u za lamen a Aôndo* cii yô,+ a ungwa imo sha kuur u areki u Shiada la i lamen a na,+ hen atô u ucerubi mba uhar mbara;+ nahan Aôndo a lam a na.
Ngeren mba shin kpe
^ Shekel môm yange a yuhwa i kuma ugeram 11.4. Nenge Ngeren u Seer u B14 la.
^ Shin “sha icighan shekel.”
^ Shin “angbande u cuku.”
^ Zwa Heberu, “a na.”
