Numeri 18:1-32
18 Yehova maa kaa a Aron ér: “Ka we vea ônov ou man ya u teru cii, ne tôôn ibo i tindi u i per sha kwagh u icighanjiir la ye,+ gema ibo i tindi u i per sha kwagh u tom u pristi yô, ka we man ônov ou tseegh ne tôôn ye.+
2 Shi kporom a anmgbianev ou mba ve lu ken ipyaven u Levi la, ka ipyaven u teru je la, sha er vea va kohol we, vea wasen we+ man ônov ou tom sha ishigh ki tenti u Shiada la yô.+
3 Vea wasen we u eren tom kua ityom i hen tenti la cii.+ Nahan kpa, ve de ve ikyua a mkam ma hen icighanjiir la kua atse la ga, sha er vea kpe ga, shi ne kpa ne kpe ga yô.+
4 Ve va kohol we ve eren ityom ve i i gbe i zough a tenti u kohol ker la, kua ityom i hen tenti la cii, or u i ne nan ian ga* nana de ve ikyua a ven ga.+
5 Eren nen tom wen u hen icighanjiir la+ man u hen atse a nan nagh la,+ sha er iyugh ia kera+ va sha ior i Iserael ga yô.
6 Mo iyol yam m tsua anmgbianev enev Mbalevi ken Mbaiserael m na ne iyua.+ I gema ve i na Yehova, sha er vea eren tom u hen tenti u kohol ker la yô.+
7 We man ônov ou cii, ka tom wen u eren ityom i pristi i hen atse a nan nagh, man i hen kwagh u a lu ken atô u ikyondo i yisan la,+ ka tom u ne eren je la.+ M na ne tom u pristi mer i lu iyua yen, or u i ne nan ian ga* u nan kporom ikyua cii, i wua nan.”+
8 Yehova shi kaa a Aron ér: “M ver u mer nengen sha uiyua mba i nem la.+ We vea ônov ou cii, m na ne kwar ken uicighanmbaakaav mba Mbaiserael ve va ne iyua a mi la, a lu ci wen gbem.+
9 Ka kwagh u una lu kwar wou ken iniav mbi mbi lu uicighanmbaakaav tsung, mbi i nem sha usu la je ne: hanma nagh ku ve ve a mi cii, kua iniav vev mbi sha samuyia,+ man iniav vev mbi isholibo,+ kua iniav vev mbi iboov+ mbi ve ve a mi her a mo cii. Ka uicighanmbaakaav tsung, mba sha ci wou man ônov ou cii.
10 Yaan a hen ijiir i i lu icighan tsung yô.+ Hanma nomsoor cii nana fatyô u yan. A lu u icighankwagh.+
11 Shi akaa agen a a lu a ou yô, ka uiyua mba Mbaiserael ve ve a mi+ imôngo a iniav vev mbi cian la cii.+ M na u a, we vea ônov ou mba nomso man ônov ou mba kasev cii, mer i lu ci wen gbem.+ Hanma or hen ya wou u nan lu wang cii nana fatyô u yan.+
12 “M na u+ mkurem ma hemban doon cii, man wain u he u hemban doon cii, kua samuyia kpaa, ka akaa a ve hii sundan+ a ve va ne Yehova la je la.
13 Iyiav mbi ve hii sundan ken tar ve, mbi vea va a mi hen Yehova cii, a hingir kwagh wou.+ Hanma or hen ya wou u nan lu wang cii nana fatyô u yan.
14 “Hanma kwagh u i tsegh* ken Iserael yô, una hingir u wou.+
15 “Ônovmbaiundav mba hanma kwagh u uma+ mba ve va ne Yehova cii, a lu or shin zendenya kpaa, una hingir u wou. Nahan kpa, hanma waniunda u uumace yô, ngohol inyaregh ki paan un keng je,+ shi waniunda u uzendenya mba ve lu wang ga kpaa, ngohol inyaregh ki paan ve.+
16 Shighe u a kom uwer môm shin i hembe nahan yô, de i paa un sha ishe i i gbe u a paa un la, ka ushekel mba azurufa utaan*+ sha shekel u hen icighanjiir la.* Ka ugera 20 je la.*
17 Ka waniunda u bua u a lu nom, shin waniunda u iyôngo u a lu nom, shin kpev u i hii maren la tseegh u ngohol inyaregh ki paan ve ga ye.+ Ka uicighanmbaakaav je. Gba u u mishi awambe a ve sha atse a nan nagh la,+ shi u nande ahôm a ve kpaa, aa lu nagh ku nan Yehova sha usu sha ci u ihyuma i dedoo.*+
18 Inyam ve ia hingir kwagh wou. Ia hingir kwagh wou er gugu u nagh ku cian man nguhar ku ken iyan kpa ka i lu nahan.+
19 Uiyua mba Mbaiserael ve va ne Yehova, ve lu icighankwagh la cii,+ m na u, we kua ônov ou mba nomso man ônov ou mba kasev, vea hingir kwagh wen gbem.+ Ka ikyuryan i bar i tsan gbem* sha ishigh ki Yehova, sha ci wou man ônov ou.”
20 Yehova shi kaa a Aron ér: “U lu a dyako ken tar ve ga, shi u lu a inya her atô ve kpaa ga,+ ka mo m lu kwar wou man dyako wou her atô u Mbaiserael ye.+
21 “Nenge, m na ônov mba Levi môm-ken-pue u hanma kwagh+ u ken Iserael cii mer a lu dyako ve, sha ci u tom u ve eren la, ka tom u hen tenti u kohol ker la je la.
22 Ior i Iserael ve de kera kporom ikyua a tenti u kohol ker la ga, sha er vea kpela ibo i isholibo vea kpe ga yô.
23 Gba u Mbalevi vea eren tom hen tenti u kohol ker la, ka ve vea tôôn ibo i isholibo i ior ye.+ Ve de lu a dyako her atô u Mbaiserael ga, ka tindi u tsan gbem sha ikyov ve cii.+
24 Gadia m na Mbalevi môm-ken-pue u uiyua mba Mbaiserael vea va naan Yehova la, mer i lu dyako ve. Ka nahan man m kaa mer, ‘Ve de lu a dyako her atô u Mbaiserael ga’ ye.”+
25 Yehova maa kaa a Mose ér:
26 “Kaa Mbalevi wer, ‘Ngohol nen môm-ken-pue u m ne ne mer i lu dyako wen la hen Mbaiserael,+ shi dugh nen môm-ken-pue ken môm-ken-pue la, na nen Yehova iyua a mi.+
27 A lu inja er ka kwagh u ne tee hen vande wen u gbidyen iyiav,+ shin ihungwa yen i shoghor wain shin i shoghor mkurem, ne va ne iyua a mi nahan.
28 Ka sha gbenda ne ne kpa ne naan Yehova iyua ye, ne dughun kwagh ken umôm-ken-pue mba ne ngohol hen Mbaiserael la ne naan, ka ker ne dughun iyua i i lu sha ci u Yehova la ne naan pristi Aron ye.
29 Ne dughun kwagh u hemban doon ken akaa a i ne ne la, ne naan Yehova uiyua kposo kposo a mi,+ a lu icighankwagh.’
30 “Shi kaa ve wer, ‘Zum u ne dugh kwagh u hemban doon ken akaa ne, ne ne yô, a nenge ér kwagh u a shi la ka kwagh wen, ne Mbalevi, u hen ihyungwa yen i gbidyen iyiav, man kwagh u hen ihyungwa yen i shoghor wain, shin ihyungwa yen i shoghor mkurem.
31 Ne fatyô u yan un hanma ijiir cii, ne man mba hen ya wen, sha ci u ka injar i i kimbin ne sha tom u ne eren hen tenti u kohol ker la yô.+
32 Ne dughun kwagh u hemban doon ken akaa ne ne eren iyua a mi je, ne kera kpela ibo i isholibo sha mi ga. De hôngor nen a uicighanmbaakaav mba Mbaiserael ga, gayô ne kpe.’”+
Ngeren mba shin kpe
^ Zwa Heberu, “or u ken inya,” inja na yô, ka or u nan lu ken tsombor u Aron ga je la.
^ Zwa Heberu, “or u ken inya,” inja na yô, ka or u nan lu ken tsombor u Aron ga je la.
^ Ka hanma kwagh u i tsegh sha ci u Aôndo ér a na un, man i lu u a fatyô u hiden a mi shin paan un ga je la.
^ Shekel môm yange a yuhwa i kuma ugeram 11.4. Nenge Ngeren u Seer u B14 la.
^ Shin “sha icighan shekel.”
^ Gera môm yange a yuhwa i kuma geram 0.57. Nenge Ngeren u Seer u B14 la.
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
^ Inja na yô, ka ikyuryan i lun gbem, i kwagh a gema sha mi ga yô.
