Numeri 25:1-18
25 Zum u Iserael tema ken Shitim la,+ ior gba eren idya a ônkasev mba Moabi.+
2 Kasev mban lôhô ior mbara iniav mbi mbaaôndo vev,+ tsô ior mbara gba za yan kwagh shi guren mbaaôndo vev mbara inya.+
3 Nahan Mbaiserael kpa nyôr u civir* Baal u Peor,+ tsô ishima vihi Yehova a Iserael tsung.
4 Yehova maa kaa a Mose ér: “Kôr mbahemenev mba* ior mban cii, sende ve sha ishigh ki Yehova atetan gengerege,* sha er iyugh i Yehova i tsung la ia kar hen Iserael kera yô.”
5 Maa Mose kaa a mbaajiriv mba Iserael ér:+ “Hanmô wen nana wua ior mba nan mba ve nyer u civir* Baal u Peor cii.”+
6 Kpa hen shighe la je maa, Oriserael ugen gba van a Kwasemidian+ ikyua a anmgbianev nav, sha ashe a Mose kua nongoior u Iserael cii, zum u ve lu vaan hen hunda u tenti u kohol ker la.
7 Pinehashi+ wan u Eleasar, wan u pristi Aron, nengen nahan yô, a mough her atô u nongoior la fese a tôô iwange a kôr ken uwe.
8 Maa a cir sha Oriserael la, a za nyôr ken tenti la, a kuma ve uhar cii kar za kôr shin inya, a kuma Oriserael la kar za kôr kwase la hen ilyeegh nagh ki hen ikyum. Maa bouange u va sha Mbaiserael la mem.+
9 Mba ve kpe bouange la kuma iorov 24,000.+
10 Yehova maa kaa a Mose ér:
11 “Pinehashi+ wan u Eleasar, wan u pristi Aron, kar a iyugh yam sha ior i Iserael kera, sha ci u a lumun ér i hendan a mo hen atô ve ga.*+ Nahan m kera tim Mbaiserael kera, sha ci u m soo mer i civir mo tseegh yum ga.+
12 Sha nahan yô, kaa wer, ‘M ngu yan ikyuryan i bem a na.
13 A lu ikyuryan i pristi i tsan gbem sha ci na man sha ci u ônov nav shighe u una va kera lu ga la,+ sha ci u a lumun ér i hendan a Aôndo na ga,+ nahan a na iwom sha ci u ior i Iserael.’”
14 Kwagh ka a er yô, iti i Oriserael u i wua un a Kwasemidian imôngo la lu Shimeri wan u Salu, orvesen u hen ya u ter, ken ipyaven u Shimion.
15 Iti i Kwasemidian u i wua un la lu Kosebi, wan u Sur,+ or la lu orhemen u uipyaven mba hen ya u ter, ken Midian.+
16 Shighe karen yô, Yehova kaa a Mose ér:
17 “Ta nen num sha Mbamidian wua nen ve,+
18 sha ci u ve zer vemben ne. Yange ve er ne ayom sha kwagh u Peor+ man sha kwagh u Kosebi, wan u orvesen u ken Midian, ingyôr ve i yange i wua un+ sha iyange i bouange va sha kwagh u Peor la.”+
