Numeri 1:1-54
1 Tsô Yehova lam a Mose ken taaikyôngo u Senai,+ ken tenti u kohol ker la,+ ken uwer u sha uhar iyange i môm, ken inyom i sha uhar i ve due ken tar u Igipiti kera la.+ A kaa ér:
2 “Ôr iyenge+ i nongo u Mbaiserael* cii asange asange, sha icombor ve man sha uya mba uter vev, sha iyenge i ati a nomsombaiorov cii.
3 We man Aron, nger nen mba vea fatyô u nyôron shoja i Iserael cii ati sha akum a ve, hii mba lun anyom 20 yem hemen.+
4 “Ken hanma ipyaven yô, tsua or môm; hanma ve nana lu orhemen hen ya u ter u nan.+
5 Ka ati a nomsombaiorov mba vea tilen a ven imôngo je ne: ken ipyaven u Ruben yô, a lu Elisur+ wan u Sedeur;
6 ken Shimion yô, a lu Selumiel+ wan u Surisadai;
7 ken Yuda yô, a lu Nashon+ wan u Aminadabi;
8 ken Isakar yô, a lu Netanel+ wan u Suar;
9 ken Sebulon yô, a lu Eliabi+ wan u Helon;
10 ken ônov mba Yosev yô: ken Eferaim+ a lu Elishama wan u Amihudi; ken Manase yô, a lu Gamaliel wan u Pedasur;
11 ken Benyamin yô, a lu Abidan+ wan u Gidiôni;
12 ken Dan yô, a lu Ahieser+ wan u Amisadai;
13 ken Asher yô, a lu Pagiel+ wan u Okeran;
14 ken Gadi yô, a lu Eliasav+ wan u Deuel;
15 ken Nafetali yô, a lu Ahira+ wan u Enan.
16 Ka mba i tsua ve ken nongoior la je ne. Ve lu mbavesen+ mba sha uipyaven mba uter vev, ve lu ityough sha Mbaiserael udubu udubu.”+
17 Tsô Mose man Aron kua a ior mba i ter ve sha ati ati ne.
18 Ve kohol nongoior la cii ken uwer u sha uhar, iyange i hiihii la, sha er a nger ve ati asange asange sha icombor ve man sha uya mba uter vev yô, hii sha mba lun anyom 20 zan zan yem hemen,+
19 vough er Yehova kaa Mose nahan. Tsô a nger ve ati ken taaikyôngo u Senai.+
20 I nger ônov mba Ruben ati, ka mba ve due ken waniunda u Iserael je la,+ i nger ve ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve asange asange,
21 nahan iyenge i mba i nger ve ati ken ipyaven u Ruben yô, lu 46,500.
22 I nger ônov mba Shimion+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve asange asange,
23 nahan iyenge i mba i nger ve ati ken ipyaven u Shimion yô, lu 59,300.
24 I nger ônov mba Gadi+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
25 nahan iyenge i mba i nger ve ati ken ipyaven u Gadi yô, lu 45,650.
26 I nger ônov mba Yuda+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
27 nahan iyenge i mba i nger ve ati ken ipyaven u Yuda yô, lu 74,600.
28 I nger ônov mba Isakar+ ati sha icombor ve man sha uya mba uter vev. Nomso mba hii anyom 20 yem hemen mba vea fatyô u nyôron shoja cii yô, i ôr iyenge ve,
29 nahan iyenge i mba i nger ve ati ken ipyaven u Isakar yô, lu 54,400.
30 I nger ônov mba Sebulon+ ati sha icombor ve man sha uya mba uter vev. Nomso mba hii anyom 20 yem hemen mba vea fatyô u nyôron shoja cii yô, i ôr iyenge ve,
31 nahan iyenge i mba i nger ve ati ken ipyaven u Sebulon yô, lu 57,400.
32 I nger ati a ônov mba Yosev mba hen Eferaim,+ sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
33 nahan iyenge i mba i nger ve ati ken ipyaven u Eferaim yô, lu 40,500.
34 I nger ati a ônov mba Manase+ sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
35 nahan iyenge i mba i nger ve ati ken ipyaven u Manase yô, lu 32,200.
36 I nger ônov mba Benyamin+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
37 nahan iyenge i mba i nger ve ati ken ipyaven u Benyamin yô, lu 35,400.
38 I nger ônov mba Dan+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
39 nahan iyenge i mba i nger ve ati ken ipyaven u Dan yô, lu 62,700.
40 I nger ônov mba Asher+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
41 nahan iyenge i mba i nger ve ati ken ipyaven u Asher yô, lu 41,500.
42 I nger ônov mba Nafetali+ ati sha icombor ve man sha uya mba uter vev. Nomso mba hii anyom 20 yem hemen, mba vea fatyô u nyôron shoja cii yô, i ôr iyenge ve,
43 nahan iyenge i mba i nger ve ati ken ipyaven u Nafetali yô, lu 53,400.
44 Mose nger ve ati, un vea Aron man mbavesen mba ken Iserael mba 12 mbara. Hanma ve tile sha ityough ki ya u ter u nan.
45 Mbaiserael mba hii anyom 20 yem hemen, mba vea fatyô u nyôron shoja i Iserael cii, i nger ve ati sha uya mba uter vev.
46 Iyenge i mba i nger ve ati la cii, kohol lu 603,550.+
47 Kpa Mbalevi yô,+ i nger ve ati vea ve imôngo sha ipyaven u uter vev ga.+
48 Nahan Yehova kaa a Mose ér:
49 “Ka mba ken ipyaven u Levi tseegh u nger ve ati ga ye, shi de we ingyegh ve ken ingyegh ki Mbaiserael mbagenev mbara ga.+
50 Ver Mbalevi ve nengen sha tabernakel u Shiada la,+ man sha ikyav nav cii, kua sha hanma kwagh na cii.+ Ve tôôn tabernakel la kua ikyav nav cii,+ shi ve eren tom her,+ ve haan afo ve kasen tabernakel la.+
51 Shighe u i gbe u a mough a tabernakel la cii, Mbalevi ve sough un;+ shi shighe u i gbe u a hide a tim tabernakel la cii yô, Mbalevi ve tim un. Or u i ne nan ian ga* u nan ze ikyua yô, i wua nan.+
52 “Hanma Oriserael nana tim tenti u nan hen ape i kaa ér nana tim la, hanma or hen ape kwe*+ u nan lu ker u haa akum akum la.
53 Mbalevi cii ve haa afo ve kase tabernakel u Shiada la, sha er iyugh ia va sha nongo u Iserael ga yô;+ i lu tom u Mbalevi u nengen sha* tabernakel u Shiada la.”+
54 Ior i Iserael er hanma kwagh u Yehova kaa Mose la cii. Ve er nahan vough.
