Numeri 29:1-40
29 “‘Ken uwer u sha utaankaruhar sha iyange i hiihii la yô, er nen icighanmkohol. De eren nen ma tom u taver ga.+ Ka iyange i tôngon busa.+
2 Na nen Yehova nagh ku nanden i lu ihyuma i dedoo,* sha gumbua môm man nomiyôngo môm kua agumaiyôngo ataankarahar a lun inyom i môm i môm, ve cii ve de lu a ihyogholough iyol ga,
3 kua nagh vev ku sha samuyia uikyaren utar-ken-pue u efa, u mwem ma kengese ma i nongo mkurem sha mi yô, sha ci u nombua la, kua uikyaren uhar-ken-pue sha nomiyôngo,
4 man ikyaren i môm-ken-pue sha hanma gumiyôngo ken agumaiyôngo a ataankarahar la cii,
5 kua anivo môm sha ci u nagh ku isholibo, sha er a na iwom sha ci wen yô.
6 Kwagh ne a lu u seer sha nagh ku nanden ku i ne hanma uwer, kua nagh ku sha samuyia ku sha mi+ man nagh ku nanden ku i ne hanma shighe, kua nagh ku sha samuyia ku sha mi la,+ a iniav vev mbi kwaghman imôngo,+ er ka i gba u a naan mbi nahan, i lu nagh ku i ne Yehova sha usu sha u i lu ihyuma i dedoo* yô.
7 “‘Ken uwer u sha utaankaruhar ne ayange pue yô, ne er icighanmkohol,+ er nen ayol a en ican.* De eren nen ma tom ga.+
8 Na nen Yehova nagh ku nanden i lu ihyuma i dedoo,* sha gumbua môm man nomiyôngo môm, kua agumaiyôngo ataankarahar a lun inyom i môm i môm, ve cii ve de lu a ihyogholough iyol ga.+
9 Man nagh vev ku sha samuyia ku mwem ma kengese ma i nongo mkurem sha mi yô, i lu uikyaren utar-ken-pue sha ci u nombua la, man uikyaren uhar-ken-pue sha ci u nomiyôngo môm la,
10 kua ikyaren i môm-ken-pue sha hanma gumiyôngo ken agumaiyôngo a ataankarahar la cii,
11 kua anivo môm sha ci u nagh ku isholibo, u seer sha nagh ku isholibo ku ku lu iwom la,+ man nagh ku nanden ku i ne hanma shighe la, kua nagh ku sha samuyia ku sha mi, a iniav vev mbi kwaghman imôngo.
12 “‘Sha iyange i sha 15 i uwer u sha utaankaruhar la, er nen icighanmkohol. De eren nen ma tom u taver ga, shi er nen iniongo i Yehova ayange ataankarahar.+
13 Shi na nen nagh ku nanden,+ i lu nagh ku i ne Yehova sha usu sha ci u ihyuma i dedoo* yô, i lu sha agumabua 13 man anomaiyôngo 2 man agumaiyôngo 14 a lun inyom i môm i môm, ve cii ve de lu a ihyogholough iyol ga.+
14 Nagh vev ku sha samuyia ku mwem ma kengese ma i nongo mkurem sha mi yô, i lu uikyaren utar-ken-pue sha ci u hanma nombua ken anomabua a 13 la cii, kua uikyaren uhar-ken-pue sha ci u anomaiyôngo a 2 la seer seer,
15 man ikyaren i môm-ken-pue sha ci u hanma gumiyôngo ken agumaiyôngo a 14 la cii,
16 man anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi, man nagh ku kwaghman ku sha mi kpaa.+
17 “‘Sha iyange i sha uhar la, i lu agumabua 12, man anomaiyôngo 2 kua agumaiyôngo 14 a a lu inyom i môm i môm yô, ve cii ve de lu a ihyogholough iyol ga.+
18 Shi na nen iniav mbi sha samuyia man iniav mbi kwaghman mbi sha anomabua man anomaiyôngo man agumaiyôngo la, sha iyenge ve vough vough, er i vanden nan nahan,
19 kua anivo môm sha ci u nagh ku isholibo, u seer sha nagh ku nanden ku i vanden nan la, a nagh ku sha samuyia ku sha mi man iniav vev mbi kwaghman mbi sha mi imôngo.+
20 “‘Sha iyange i sha utar la, na nen anomabua 11 man anomaiyôngo 2 man agumaiyôngo 14 a a lu inyom i môm i môm yô, ve cii ve de lun a ihyogholough iyol ga,+
21 shi na nen iniav mbi sha samuyia man iniav mbi kwaghman mbi sha anomabua man anomaiyôngo man agumaiyôngo la, sha iyenge ve vough vough, er i vanden nan nahan,
22 kua anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi man nagh ku kwaghman ku sha mi kpaa.+
23 “‘Sha iyange i sha unyiin la, na nen anomabua 10 man anomaiyôngo 2 man agumaiyôngo 14 a a lu inyom i môm i môm yô, ve cii ve de lu a ihyogholough iyol ga,+
24 shi na nen iniav mbi sha samuyia man iniav mbi kwaghman mbi sha anomabua man anomaiyôngo man agumaiyôngo la, sha iyenge ve vough vough er i vanden nan nahan,
25 kua anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi man nagh ku kwaghman ku sha mi kpaa.+
26 “‘Sha iyange i sha utaan la, na nen anomabua 9 man anomaiyôngo 2 man agumaiyôngo 14 a lun inyom i môm i môm, ve cii ve de lu a ihyogholough iyol ga,+
27 shi na nen iniav mbi sha samuyia man iniav mbi kwaghman mbi sha agumabua man anomaiyôngo man agumaiyôngo la sha iyenge ve vough vough, er i vanden nan nahan,
28 kua anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi man nagh ku kwaghman ku sha mi kpaa.+
29 “‘Sha iyange i sha ataratar la, na nen anomabua 8 man anomaiyôngo 2 kua agumaiyôngo 14 a lun inyom i môm i môm, ve cii ve de lu a ihyogholough iyol ga,+
30 shi na nen iniav mbi sha samuyia man iniav mbi kwaghman mbi sha anomabua man anomaiyôngo man agumaiyôngo la sha iyenge ve vough vough, er i vanden nan nahan,
31 kua anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi man iniav mbi kwaghman mbi sha mi kpaa.+
32 “‘Sha iyange i sha utaankaruhar la, na nen anomabua 7 man anomaiyôngo 2 kua agumaiyôngo 14 a lun inyom i môm i môm, ve cii ve de lu a ihyogholough iyol ga,+
33 shi na nen iniav mbi sha samuyia man iniav mbi kwaghman mbi sha agumabua man anomaiyôngo man agumaiyôngo la, sha iyenge ve vough vough, er i vanden nan nahan,
34 kua anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi man nagh ku kwaghman ku sha mi kpaa.+
35 “‘Sha iyange i sha anigheni la, er nen icighanmkohol, de eren nen ma tom u taver ga.+
36 Na nen nagh ku nanden, i lu nagh ku i ne Yehova sha usu sha ci u ihyuma i dedoo* yô, i lu sha nombua môm man nomiyôngo môm kua agumaiyôngo ataankarahar a a lu inyom i môm i môm yô, ve cii ve de lu a ihyogholough iyol ga,+
37 shi na nen iniav mbi sha samuyia man iniav mbi kwaghman mbi sha nombua man nomiyôngo man agumaiyôngo la, sha iyenge ve vough vough, er i vanden nan nahan,
38 kua anivo môm sha ci u nagh ku isholibo, u seer sha nagh ku nanden ku i ne hanma shighe la, kua nagh ku sha samuyia ku sha mi man nagh ku kwaghman ku sha mi kpaa.+
39 “‘Ka akaa a ne naan Yehova shighe u ne lu eren uiniongo enev mba sha ashighe ashighe,+ u seer sha iniav yenev mbi iceghzwa+ man iniav mbi ne ne a ishima yen la,+ sha u i lu iniav yenev mbi nanden+ kua iniav yenev mbi sha samuyia+ man iniav yenev mbi kwaghman+ man iniav yenev mbi bem la je ne.’”+
40 Mose ôr Mbaiserael hanma kwagh u Yehova kaa un cii.
Ngeren mba shin kpe
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
^ Shin “er nen uuma enev ican.” I nenge ér, ishember i “or eren iyol i nan ican” la, ngi hemban ôron kwagh u or nyumen iyol i nan akaa kpishi, kua u hôron kwaghyan kpaa.
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
