Job 8:1-22
8 Ikhú Bildad+ xa̱bu̱ Súah+ niriʼña̱a̱ ga̱jma̱a̱ ajngáa rígi̱:
2 “Asndu nguáná gátatsiʼñááʼ raratá xígi̱ kaʼnii rá.+
¡Ajngáa dí naratá ragíʼdoo numuu!*
3 Lá maʼni Dios dí ra̱májánʼ ráʼ.Bi̱ gíʼdoo xúgíʼ Tsiaki̱i̱ maʼni má xúʼko̱ rí májánʼ.
4 Á mu dí e̱jña̱a̱ʼ nixudamíjna̱ aʼkhá náa ikhaa,ikha jngóo naniñuuʼ dí mumíniiʼ ga̱jma̱a̱ numuu dí túnimbu̱u̱n.*
5 Mú, á mu natambáyúminaʼ náa Dios,+ga̱jma̱a̱ naratakáñíí bi̱ gíʼdoo xúgíʼ Tsiaki̱i̱ rí magáwíinʼ a̱jkiu̱u̱n kaʼyaaʼ,
6 á mu dí gajkhun nda̱a̱ aʼkháanʼ ga̱jma̱a̱ nindxa̱a̱ʼ xa̱bu̱ májáanʼ,+ikhaa mañewa̱a̱nʼ*ga̱jma̱a̱ maʼni dí maraxtaa májánʼ mbu̱júu̱ xó má nákha ginii.
7 Maski ajndu nákha ginii ninindxa̱a̱ʼ mbáa xa̱bu̱ ngínáa,mú nda̱wa̱á maʼga̱nú mbajoo dí xtaʼdáá.+
8 Mbá péñu,* atrajxu̱u̱n wajin xiʼñúxuga̱jma̱a̱ atagíʼ edxa̱a̱ʼ matadxawíín dí wajin xiʼñúúnʼ niguánú ndiyáá,+
9 numuu dí ikháanʼxu̱ ndiʼkúú nigumáanʼxu ri̱xi̱, nda̱a̱ rí eya̱a̱xu̱,ga̱jma̱a̱ mbiʼi ndrígúxu̱ náa tsu̱du̱u̱ ku̱ba̱ʼ nindxu̱u̱ xóo mbá ndájkua̱.
10 Lá xúsngáaʼ ga̱jma̱a̱ xúthaanʼrí ikhiin nduyáá* xáʼ.
11 Lá mba̱ja̱a̱ papiro náa na̱ma̱ʼ á mu nda̱a̱ iyaʼ ráʼ.
Lá mba̱ja̱a̱ rajxa̱ mbi̱jua̱* á mu nda̱a̱ iyaʼ ráʼ.
12 Índo̱ xtáa rarudíin, nákha xóó tséruburiya̱ʼ,mujndooʼ, itháan má nacha̱ gújndooʼ ikhaa ki xóo i̱ʼwáʼ iná.
13 Xígi̱ kaʼnii gúgíʼníín xúgíinʼ bi̱ nambumún kuyáá Dios,numuu rí nándáa dí gíʼthu̱u̱n xa̱bu̱ ra̱májáanʼ.*
14 Xa̱bu̱ bi̱ ra̱májáanʼ, nikumu̱u̱ kaʼyoo náa rí tséjyúuʼ eguámbáa,xó má eguámbá xmbújúu* xinaʼ.
15 Mambáyúminaʼ náa xmbúju, mú xáʼngo̱o̱ gámbáyúu,maʼniminaʼ maguajtuun, mú xájyúuʼ gútu.
16 Nindxu̱u̱ xóo mbá planta dí nda̱ja̱a̱ náa agiuuʼ a̱jkha̱ʼ,ga̱jma̱a̱ ñawúunʼ rígá náa mbá xúgíʼ jardín.*+
17 Naruwamina̱a̱ʼ ajmu̱u̱ náa mbá ru̱tsu̱u̱ itsí,ndayáʼ goʼwóo náa majñu̱u̱ʼ itsí.*
18 Mú índo̱ gúruburiya̱ʼ náa kiʼdu,náa niwi̱ji̱ ni xándoo gáʼyoo ga̱jma̱a̱ maʼthúu̱n: ‹Tséniʼníínʼ jún›.+
19 Xúʼko̱ kaʼnii gáwámbariga̱a̱,+ikhú makráʼáan i̱ʼwáʼ náa yujndaʼ.
20 Phú gajkhun rí Dios xániñúún bi̱ naguájun jmbu náa ikhaa,*mú xámbáñún* xa̱bu̱ ra̱míjíinʼ,
21 ikhaa maʼni rí matandu̱ʼwa̱ga̱jma̱a̱ matatsa̱ʼwa̱ dí nadxaanʼ mbu̱júu̱.
22 Bi̱ nawiñu̱u̱nʼ kuyaaʼ mati̱ñu̱u̱nʼ,ga̱jma̱a̱ ni xárígá guʼwá xtíin ndrígu̱ún xa̱bu̱ ra̱míjíinʼ”.
Mbaʼa nota
^ O “nindxu̱u̱ xóo giñánʼ dí naxnúu gakhi̱i̱”.
^ Náa ajngáa hebreo naʼthí, “ikhaa nigruiʼíin náa ñawúunʼ dí tsénimbu̱u̱n”.
^ O “mbajui̱i̱ mu mañewa̱a̱nʼ”.
^ O “Atani̱ mbá rí májánʼ”.
^ Náa ajngáa hebreo naʼthí, “xúriya̱ʼ ajngáa dí gíwánʼ náa a̱jkiu̱ún”.
^ O “diin”.
^ O “apóstata”.
^ Náa ajngáa hebreo naʼthí, “goʼwóo”.
^ O “ixi̱ ri̱ʼi̱”.
^ O “nayejxi̱ náa mbá guʼwá itsí”.
^ O “bi̱ raguáʼdáá aʼkhúún”.
^ Náa ajngáa hebreo naʼthí, “xáguajtuun ñawúúnʼ”.
