Job 7:1-21
7 Lá mbáa xa̱bu̱ numbaaʼ kaxtúmaa mañajunʼ náa mbá xúgíʼ mbiʼi dí xtáa ráʼ.Ga̱jma̱a̱ lá raʼkháa mbiʼi ndrígóo nindxu̱u̱ xóo mbiʼi ndrígóo mbáa xa̱bu̱ bi̱ nañajunʼ mu mada̱a̱ʼ ráʼ.+
2 Xóo mbáa ñumbáá bi̱ ra̱ʼkhá tháán eyoo dí maʼkhíʼ mu xáʼni mijkha,ga̱jma̱a̱ xóo mbáa bi̱ nañajunʼ bi̱ gíʼthu̱u̱n dí mada̱a̱ʼ.+
3 Xúʼko̱ kaʼnii ndíí nixtáá mba̱yu̱u̱ʼ igu̱nʼga̱jma̱a̱ mbaʼa mbruʼun nixtáá raxmiéjunʼ.+
4 Índo̱ na̱bo̱ʼ, narajximínáʼ: ‹Nguáná lá gájtsi rá.›+
Mú tsíyoo gájtsi, nagutangún gi̱i̱ ñuʼún asndu índo̱ najtsi.
5 Gajchún* ñu̱u̱ náa xuyuʼ ga̱jma̱a̱ kagu̱u̱ yujndaʼ,+náa mbá xúgíʼ xuyuʼ tima ska* ga̱jma̱a̱ na̱ʼkha̱ yaʼskha.+
6 Mbiʼi ndrígóʼ nanújngoo mbá nacha̱, xóo nacha̱ eʼba̱a̱n itsu̱ rí najmuu xa̱bu̱ bi̱ naʼxmí,+mbiʼi dí xtáá, nartumuu mbá nacha̱ ga̱jma̱a̱ nda̱a̱ rí gúʼthu̱u̱n.+
7 Dios ndrígóʼ, garmáʼáan a̱jkia̱a̱nʼ dí vida ndrígóʼ nanújngoo nacha̱ xóo giñánʼ,+ga̱jma̱a̱ iduʼ ni xáʼyoo dí májánʼ.
8 Bi̱ nduyoʼ xúgi̱ ni xúyoʼ itháan,idaaʼ mbañúunʼ, mú ikhúún ni xáxtáá.+
9 Xóo mbá du̱u̱n rí nandáti̱ga̱a̱,xúʼko̱ má bi̱ najkha̱a̱ náa Iñá wajin,* tsétanga̱a̱.+
10 Nánguá xóo ma̱ndoo matanga̱a̱ mbu̱júu̱ náa goʼwóoʼ,ga̱jma̱a̱ bi̱ kúwá náa goʼwóo nambumún kuyáá.+
11 Ikha jngóo, xárugooʼ rawunʼ.
¡Ma̱ta̱ mbá xúgíʼ rí naʼni mi̱khu̱ a̱jkiu̱nʼ!*¡Maxiéʼká ga̱jma̱a̱ numuu mbá xúgíʼ dí xtáá ramínúuʼ!*+
12 Lá nindxu̱ʼ lamáa,* o nindxu̱ʼ mbáa xujkhúʼ mba̱a̱ bi̱ xtáa náa lamáamu dí mataʼgíiʼ mbáa bi̱ mañe̱wu̱nʼ ráʼ.
13 Índo̱ na̱tha̱ ‹Xiawuʼ maʼni̱i̱ a̱jkiu̱nʼga̱jma̱a̱ náa dí nagú maʼni dí maʼni̱i̱ a̱jkiu̱nʼ›,
14 ikhú, ikháán natani̱ dí maxuʼwúnʼ ga̱jma̱a̱ xnuʼndaa,ma̱ngaa natani̱ dí mamiñúʼ ga̱jma̱a̱ dí natasngájmuʼ.*
15 Itháan má májánʼ dí murugua jxu̱u̱nʼ,xúʼko̱, itháan má májánʼ dí makhañúʼ ki xóo dí maxtáá xígi̱ kaʼnii.+
16 Nawi̱yu̱ʼ eʼni vida ndrígóʼ,+ nánguá eyoʼ maxtáá itháan.
Atatsíñúnʼ maxtáá tsímáá, numuu dí mbiʼi ndrígóʼ nindxu̱u̱ xóo rujmbaaʼ.*+
17 Tsáá lá nindxu̱u̱ xa̱bu̱ numbaaʼ mu dí maxmiéjuaanʼ xtayáága̱jma̱a̱ mu magiwa̱a̱nʼ a̱jkia̱a̱nʼ xtayáá rá.+
18 Náá numuu dí natiejxi̱i̱ xúgíʼ mbiʼiga̱jma̱a̱ natandri̱ga̱ nángi eʼni tsáʼkhá náa inuu xá.+
19 Náá numuu rí tsétatsíñáánʼ ratayo̱ʼ,rí asndu tsétatsíñúʼ dí magajngúʼ iya ndawuʼ rá.+
20 Ikháán bi̱ natiejxu̱u̱n xa̱bu̱ numbaaʼ, á mu dí ni̱ni̱ mbá dí ra̱májánʼ, ndiéjunʼ lá dí ra̱májánʼ gándoo gániáanʼ ikhúún rá.+
Náá numuu dí nataniu̱ʼ xóo mbáa xa̱bu̱ sia̱nʼ rá.
Lá natayoʼ xóo mbá dí ra̱ʼkhá tháán mikiwu̱n dí katsudán mida ráʼ.
21 Náá numuu dí tsétani̱ mba̱a̱ a̱jkia̱a̱nʼ xtayoʼga̱jma̱a̱ tsémbumaaʼ dí nikiéʼkhúnʼ rá.
Gítháán má makhañúʼ ga̱jma̱a̱ maʼgáaʼ náa yujndaʼ,+ikháán mataʼñúunʼ, mú ikhúún ni xáxtáá”.
