Job 18:1-21
18 Bildad+ xa̱bu̱ suhita niriʼña̱a̱ ga̱jma̱a̱ ajngáa rígi̱:
2 “Nguáná gúniʼñááʼ* ru̱tala xígi̱ kaʼnii rá.
Gundxaʼwamíjna̱ májánʼ ginii, nda̱wa̱á gúʼtámíjná.
3 Náá numuu rí ndu̱yu̱xu xóo xujkhúʼ+ga̱jma̱a̱ xóo xa̱bu̱ skágunʼ* rá.
4 Maski ajndu natani̱ gawúminaʼ ga̱jma̱a̱ numuu dí nakásnga̱ña̱a̱ʼ,lá maguanáa ku̱ba̱ʼ ga̱jma̱a̱ numaaʼo magi̱jxi̱ngoo itsí mba̱ʼu̱ náa tri̱ga̱ ráʼ.
5 Gajkhun má dí agiuuʼ xa̱bu̱ ra̱májáanʼ majuiʼyúuʼ,ga̱jma̱a̱ riʼyu̱u̱ agiuuʼ ni xámbiʼi.+
6 Aguʼ dí rígá náa guʼwá xtíin ndrígóo majuiʼyúuʼ,ga̱jma̱a̱ lámpara dí frájkha ikhí majuiʼyúu.
7 Nánguá gíʼdoo tsiaki̱i̱ mu maʼgaga̱jma̱a̱ awan ndrígóo na̱jkha̱ kayáa dí mamínuuʼ.+
8 Numuu dí ikhaa maʼga̱ náa kri̱ga̱ mbá amaʼ,ga̱jma̱a̱ amaʼ rúʼko̱ gáxtámbróʼoo rajkhúu.
9 Mbá tsáʼkhá maguajtuun rajkhúu,ga̱jma̱a̱ mbá ñuñuu maxtugua̱a̱ ga̱jma̱a̱.+
10 Ngu̱ʼwa̱á kri̱ga̱ mbayííʼ mbá ñuñuu mu maxtugua̱a̱ ga̱jma̱a̱,ma̱ngaa náa kambo̱o̱ gíʼ mbá tsáʼkhá.
11 Asndu náá má ejkha̱ rígá dí naʼnimíñúu+ga̱jma̱a̱ naku̱mu̱u̱ dí asndu xóo gamíi rúʼko̱ na̱jkha̱ raxkoo índo̱ nagáyúu.
12 Nánguá gíʼdoo tsiaki̱i̱,ga̱jma̱a̱ gamiéjunʼ+ maʼni dí maguáʼáan.*
13 Mba̱wi̱í ska kagu̱ náa mbá xúgíʼ xtóo,náa mbá xúgíʼ xuyuuʼ niguma gachíí ga̱jma̱a̱ mbá nandii mbiiʼ.*
14 Nuxmatri̱ya̱a̱ʼ náa guʼwá xtíin ndrígóo náa nda̱a̱ gamíi xtáa,+ga̱jma̱a̱ nutsudaaʼ dí maʼga̱ asndu náa makhañúu.*
15 Xa̱bu̱ naguwaáʼ gákúwíin náa goʼwóo,*ga̱jma̱a̱ azufre* gátsikháa goʼwóo.+
16 Mujndooʼ ajmu̱u̱ga̱jma̱a̱ ñawúunʼ mujnduxtáa.
17 Mambumún kuyáá náa tsu̱du̱u̱ ku̱ba̱ʼ,ga̱jma̱a̱ mbiʼyuu xájmaʼnuuʼ náa calle.
18 Xtáa náa aguʼ, mú maʼga kiʼyáa náa mikína,ga̱jma̱a̱ majuixkri̱ya̱a̱ʼ náa tsu̱du̱u̱ ku̱ba̱ʼ.*
19 Xágiʼdaa nimbáa a̱ʼdióo ni má bi̱ naguwáʼ náa ikhaa náa majñu̱únʼ xa̱bu̱ xuajin,ga̱jma̱a̱ nimbáa xákríya̱a̱ʼ náa dí ikhaa xtáa.*
20 Índo̱ gáʼga̱nú mbiʼi dí mamínuuʼ, xa̱bu̱ bi̱ kúwá xígií náa narámaaʼ a̱jkha̱ʼ* mamiñúnga̱jma̱a̱ xa̱bu̱ bi̱ kúwá xígií náa nagájnuu a̱jkha̱ʼ* ra̱ʼkhá tháán gámíñún.
21 Rígi̱ dí nagíʼnuu goʼwóo bi̱ naʼni dí ra̱májánʼga̱jma̱a̱ náa xtáa bi̱ tséniniiʼ Dios”.
Mbaʼa nota
^ Mbáa nandoo gáʼthí ga̱jma̱a̱ numuu Job o bi̱ nindxu̱ún xóo ikhaa.
^ O mbáa “tsagiin”.
^ O “marájmbúuʼ”.
^ Náa ajngáa hebreo naʼthí, “a̱ʼdá giʼniuu rí nakháñulú”.
^ Náa ajngáa hebreo naʼthí, “náa rey ndrígu̱ún dí gamíi”.
^ Náa ajngáa hebreo naʼthí, “Mbá dí raʼkháa ndrígóo marigá náa goʼwóo”.
^ Gi̱i̱ ajngáa azufre nandoo gáʼthúu̱n xuíʼtóo itsí rí gíʼdoo agiuuʼ.
^ O “náa ku̱ba̱ʼ rí na̱jma̱a̱”.
^ O “náa dí mbá xnga̱á xtáa”.
^ O “oeste”.
^ O “este”.
