Job 11:1-20
11 Ikhú Zofar+ xa̱bu̱ naamatita niriʼña̱a̱ ga̱jma̱a̱ ajngáa rígi̱:
2 “Lá naku̱ma̱a̱ʼ dí xáxtiʼña̱a̱ nimbá ajngáa dí niratá ráʼ.O lá dí naʼthí wéñuuʼ mbáa naʼni makujmaa rí gajkhun* dí naʼthí xáʼ.
3 Lá maguanún wíí xa̱bu̱ ga̱jma̱a̱ numuu ajngáa dí ragíʼdoo numuu dí niratá ráʼ.
Lá nimbáa xáríyáaʼ ga̱jma̱a̱ numuu dí nitatsíjma ráʼ.+
4 Numuu dí niratá: ‹Dí nasngáa nindxu̱u̱ gajkhun+ga̱jma̱a̱ kaʼwún náa idaaʼ›.+
5 ¡Mú, iwáá májánʼ gáʼni á mu Dios gáʼthíga̱jma̱a̱ narmbáʼtoo rawuunʼ mu mariʼñaaʼ.+
6 Ikhaa masngájma xóo mi̱dxu̱ʼnú majmañaaʼ,numuu rí ku̱ma̱ rí gajkhun mbaʼa rí eyoo gáʼthúu̱n.
Ikhú ikháán mi̱dxu̱ʼnú makrua̱ʼa̱a̱ʼ dí Dios tsíyoo marmáʼáan a̱jkiu̱u̱n kaʼyoo tikhuu rí nikiéʼkháanʼ.
7 Lá majmáán makrua̱ʼa̱a̱ʼ dí najmañuu Dios ráʼ.Lá majmáán ma̱ta̱ya̱a̱ xúgíʼ* ga̱jma̱a̱ numuu bi̱ gíʼdoo xúgíʼ Tsiaki̱i̱ ráʼ.
8 Dí najmañuu Dios nindxu̱u̱ itháán mitsídánʼ ki xóo mekhu, ndiéjunʼ gáʼnga̱a̱ʼ matani̱ ikháán rá.
Ga̱jma̱a̱ itháán mi̱jnu̱ʼ ki xóo Iñá wajinʼ.* Ndiéjunʼ gáʼnga̱a̱ʼ ma̱ta̱ya̱a̱ ikháán rá.
9 Itháán má mba̱a̱ ki xóo ku̱ba̱ʼga̱jma̱a̱ itháán má ma̱ja̱nʼ ki xóo lamáa.*
10 Á mu ikhaa nanújngoo, naguguaa mbáa xa̱bu̱ga̱jma̱a̱ na̱jkha̱ kayáa mu mambanúu numuu, tsáá lá gáʼngo̱o̱ gárikoo xá.
11 Numuu rí ikhaa ndaʼyoo índo̱ mbáa xa̱bu̱ nindxu̱u̱ minduwaaʼ.
Ga̱jma̱a̱ índo̱ ikhaa ndaʼyoo dí ra̱májánʼ, lá tséxnatiʼñaminaʼ mbaʼyoo xáʼ.
12 Mú mbáa xa̱bu̱ skágunʼi̱ndó makro̱ʼo̱o̱ mbá chíʼgíiʼ índo̱ búrru xáná gáʼnii mbáa xa̱bu̱.
13 ¡Á mu natagíʼdi̱i̱ natatsaʼwáminaʼ dí májánʼga̱jma̱a̱ nataxruíya̱ʼ ñawáanʼ náa Dios...!*
14 Á mu xtaa ratani̱ dí ra̱májánʼ, atatsíñááʼ ratani̱ga̱jma̱a̱ xátatsiʼñááʼ dí ra̱májánʼ marigá náa guʼwáaʼ.
15 Numuu rí xúʼko̱ xáti̱ya̱a̱ʼ* matañu̱u̱n eʼwíinʼ,ma̱ndoo mariejún jmbu rí asndu xámíñáaʼ.
16 Numuu rí ikhú mambumaaʼ rí nitamíniiʼ,marmáʼáan a̱jkia̱a̱nʼ gáʼni xóo iyaʼ dí ninújngoo.
17 Vida ndrígáaʼ maxpíbínʼ itháan ki xóo a̱jkha̱ʼ rí ta̱pha̱ mbiʼiga̱jma̱a̱ dí mikína mambiʼi xóo índo̱ najtsi.
18 Xámíñáaʼ numuu dí rígá dí xta̱ʼthi̱i̱n,matiejxi̱ mbájndi ga̱jma̱a̱ nda̱a̱ gamíi gátaba̱a̱ʼ mi̱nuʼ.
19 Mataba̱a̱ʼ mi̱nuʼ rí asndu nimbáa ndawa̱a̱ tsáa maʼni míñaanʼ,ga̱jma̱a̱ mbaʼin munimíjna̱ mu ikháán mataniu̱u̱n rí májánʼ.
20 Mú xa̱bu̱ ra̱míjíinʼ ni xákruigu̱u̱n,nánguá maguáʼdáá náa magáñún,i̱ndó rí muguáʼthi̱i̱n nindxu̱u̱ rí makhañún”.+
