Job 27:1-23
27 Job niʼthí xóó.* Niʼthí:
2 “¡Xó má gajkhun xtáa Dios, bi̱ niʼni gaʼduunʼ maʼniuʼ dí májánʼ,+xó má gajkhun xtáa bi̱ gíʼdoo xúgíʼ Tsiaki̱i̱, bi̱ niʼni makiʼnún,+
3 xúgi̱ dí kaʼníí nda̱ya jxu̱ʼga̱jma̱a̱ dí xi̱ʼ ndrígóo Dios rígá náa ikhúún,+
4 rawunʼ xáʼthí dí ra̱májánʼ,ni má ra̱ju̱nʼ xáʼni nduwaʼ!
5 ¡Nditháan xáta dí ikháanʼ nindxa̱la xa̱bu̱ míjíinʼ!
¡Asndu índo̱ gákáñúnʼ, xániʼñúuʼ ragújún* jmbu!+
6 Ma̱ta̱ má xúʼko̱ dí nindxu̱ʼ xa̱bu̱ májáanʼ, ga̱jma̱a̱ xániʼñúuʼ ra̱ni̱+ dí májánʼa̱jkiu̱nʼ xáʼthúnʼ dí gúʼdoo aʼkhúnʼ* índo̱ kaʼníí xtáá.*
7 Bi̱ gíʼdún sia̱nʼ gaguma ngínáa xóo xa̱bu̱ ra̱májáanʼ,ga̱jma̱a̱ bi̱ nuni̱ ngínún gaguma ngíníi xóo xa̱bu̱ ra̱míjíinʼ.
8 Dí lá xóó gíʼthu̱u̱n xa̱bu̱ ra̱májáanʼ* índo̱ naguma gámbáa,+índo̱ Dios narígú káyuuʼ vida ndrígóo rá.
9 Lá maʼdxawuun Dios índo̱ gándxaʼwá rí mixtambáyíí,índo̱ nda̱a̱ tsu̱ma̱ gákágaa gamiéjunʼ náa inuu xáʼ.+
10 Lá maʼdxuu xa̱bu̱ ra̱májáanʼ ga̱jma̱a̱ numuu bi̱ gíʼdoo xúgíʼ Tsiaki̱i̱ ráʼ.
Lá maʼtákáñuu Dios xúgíʼ mbiʼi xáʼ.
11 Ikhúún masngála ga̱jma̱a̱ numuu tsiaki̱i̱ ndrígóo* Dios,xárka̱ʼwu̱ nimbá, mata̱la xúgíʼ ga̱jma̱a̱ numuu bi̱ gíʼdoo xúgíʼ Tsiaki̱i̱.
12 Ndu̱ya̱a̱ lá ráʼ. Á mu dí xúgiáanʼ ikháanʼla rígá dí niwasngájmala,*náá numuu rí nu̱tala dí ragíʼdoo numuu rá.
13 Rígi̱ dí Dios niyéjxi̱i̱ makhánáá xa̱bu̱ ra̱májáanʼ,+mbá herencia dí bi̱ gíʼdoo xúgíʼ Tsiaki̱i̱ naxnún xa̱bu̱ ra̱míjíinʼ.
14 Maski ajndu muguáʼdiin mbaʼin e̱jñu̱ún, makhañún ga̱jma̱a̱ espada,+ga̱jma̱a̱ bi̱ gáguwáʼ náa ikhiin xáguáʼdáá wéñuuʼ ganitsu.
15 Bi̱ gáguanún makhañún ga̱jma̱a̱ nandii ga̱jma̱a̱ majuiʼdi̱ín,guʼñu̱ún bi̱ gáguanún xúmbi̱ya̱ʼ ga̱jma̱a̱ numún.
16 Maski ajndu nugimbóó plata xóo yujndaʼ,ga̱jma̱a̱ nugimbóó xtíin dí itháan májánʼ xóo ku̱ba̱ʼ.
17 Maski ajndu xa̱bu̱ ra̱májáanʼ gágímbóó,mú xa̱bu̱ májáanʼ gágíʼ,+ga̱jma̱a̱ xa̱bu̱ bi̱ ragíʼdoo aʼkhúun marui̱ʼta̱a̱ plata.
18 Guʼwá rí ikhaa naʼni nindxu̱u̱ wabaʼ xóo náa nawiʼthíin ruxi,*xóo guʼwá+ dí naʼni bi̱ nayejngoo.
19 Gíʼdoo índo̱ gáʼga̱a̱ gígu, mú xágujxi̱i̱ nimbá,índo̱ gámbáʼta̱a̱ iduu, nándáa dí rígá.
20 Nda̱a̱ tsu̱ma̱ gákágaa mbá gamíi náa ikhaa xóo índo̱ najnííʼ iyaʼ,dí mbruʼun maʼga kayáa mbá giñámbiʼ.+
21 Maʼga kayáa mbá giñánʼ dí na̱ʼkha̱ xígií náa nagájnuu a̱jkha̱ʼ* ga̱jma̱a̱ ikhaa mandáti̱ga̱a̱,maxmátri̱ya̱a̱ʼ náa rí xtáa.+
22 Makijxitaʼmáaʼ náa ikhaa dí asndu xágáwíinʼ a̱jkiu̱u̱n kaʼyoo,+índo̱ ikhaa xtáa raʼniminaʼ mu maʼni kríyamínáʼ náa giñámbiʼ.+
23 Asndu naxnúu ñawúunʼ dí natsíjmaa,ga̱jma̱a̱ najuíyúu+ asndu náa xtáa.*
Mbaʼa nota
^ Náa ajngáa hebreo naʼthí, “proverbio”.
^ O “xárígúu náa ikhúún dí”.
^ O “xáʼthúnʼ nángí eʼni dí ni̱ni̱”.
^ O “nimbá mbiʼi náa xtáá”.
^ O “apóstata”.
^ O mbáa “ñawúunʼ”.
^ O “visión”.
^ Ruxi bugi̱ nindxu̱u̱ xóo ruxi bi̱ xtáa náa Israel, mbáa xujkhúʼ chíʼgíiʼ bi̱ gíʼdoo a̱jkhu̱ xniuunʼ bi̱ xóo bijphí kaʼnii ga̱jma̱a̱ ikhaa na̱ʼkhu̱ xtíin.
^ O “este”.
^ O mbáa “Asndu nuxnáá ñawúúnʼ dí nutsijmaa ga̱jma̱a̱ nujuiyíí asndu náa kúwá”.
