Job 38:1-41
38 Ikhú Jeobá niriʼñuu Job náa awúu̱n giñámbiʼ:+
2 “Tsáá xtáa raʼni dí xákujmaa kaʼwu dí nandoʼ ma̱ni̱*ga̱jma̱a̱ dí mbaʼ naʼthíí rá.+
3 Mbá péñu,* atanirataminaʼ ga̱jma̱a̱ atani̱ xóo eʼni mbáa xa̱biya̱:Ikhúún marajxa̱a̱ʼ ga̱jma̱a̱ ikháán matriʼñuʼ.
4 Náá xtaa ikháán índo̱ niʼgíʼ ku̱ba̱ʼ rá.+
Atriʼñuʼ á mu naku̱ma̱a̱ʼ dí nakrua̱ʼa̱a̱ʼ.
5 Lá natayáá tsáá niʼthí nguáthá mba̱a̱ ku̱ba̱ʼ gáʼnio tsáá nitíga̱ ñuñuu náa tsu̱du̱u̱ ku̱ba̱ʼ mu magiéwan ga̱jma̱a̱ ráʼ.
6 Náá mina̱a̱ʼ nitri̱ga̱ rajkhúuo tsáá nigíʼ itsí dí magi̱ʼi̱ kayóo+
7 índo̱ a̱ʼgua̱a̱n bi̱ nambiʼiin rí miʼcha̱+ nindxa̱ʼwa̱ mbóó ga̱jma̱a̱ gagiga̱jma̱a̱ mbá xúgíinʼ e̱ji̱i̱n Dios*+ nindxa̱ʼwa̱ rí nini̱ mba̱a̱ rá.
8 Tsáá nirugoo lamáa* ga̱jma̱a̱ xkrugua,+ga̱jma̱a̱ tsáá nitíga̱ náa martumuu índo̱ niguma* rá.
9 Ikhúún mínuuʼ nixnu̱u̱n magúwúunʼ du̱u̱nga̱jma̱a̱ índo̱ nimbráʼaa du̱u̱n skuniʼ.*
10 Ikhúún mínuuʼ nitíga̱ náa martumuu lamáaga̱jma̱a̱ índo̱ nitsuaʼan xkrugoo ma̱ngaa ixi̱ dí jngútáʼa+
11 ga̱jma̱a̱ ni̱thu̱u̱n: ‹Asndu gi̱í gídxaʼnú, xánújngaaʼ itháan,gi̱i̱ náa mawi̱ji̱i̱ iyaʼ dí naʼbajxu̱u̱ náa ikháán› rá.+
12 Lá mbá miʼtsú* niratáñajuíínʼ miʼcha̱o nitasngájmáá náa mina̱a̱ʼ gájtsi+
13 mu maguajtuun náa mbá xúgíʼ rawuunʼ ku̱ba̱ʼga̱jma̱a̱ maʼbatiguíin ikhí xa̱bu̱ ra̱míjíinʼ ráʼ.+
14 Aguʼ nariʼkhuu xóo nakujmaa ku̱ba̱ʼ xó má mbá sello naguwíi xtiʼkhuu náa ku̱ba̱ʼ wabaʼga̱jma̱a̱ xúgíʼ dí rígá náa ku̱ba̱ʼ nakujmaa mitsaanʼ* xó má dí kijmaratáá ga̱jma̱a̱ xtíin.
15 Mú xa̱bu̱ ra̱míjíinʼ nagajtakáñúúnʼ agiúúnʼga̱jma̱a̱ nuxpi̱ga̱ʼ ñawúúnʼ dí nuxujxi̱.
16 Lá nirajtaa asndu náa iduu lamáa ráʼ.Lá nijnguáanʼ asndu náa itháan mi̱jnu̱ʼ iyaʼ ráʼ.+
17 Lá nisngajmaaʼ xkrugoo iñá wajinʼ xáʼ.+Lá nitayáá xkrugoo dí mikína mbiʼ* ráʼ.+
18 Lá naʼngo̱o̱ nakrua̱ʼa̱a̱ʼ nguáthá mba̱a̱ ku̱ba̱ʼ ráʼ.+
Arathúnʼ á mu natayáá xúgíʼ rígi̱.
19 Náá mina̱a̱ʼ rígá goʼwóo aguʼ rá.+
Ga̱jma̱a̱ náá rígá dí mikína,
20 mu midxu̱u̱ʼ jcháa náa mbayuuʼga̱jma̱a̱ mu matatsiʼnúuʼ kamba̱a̱ dí na̱jkha̱ náa goʼwóo xá.
21 Lá natayáá numuu dí nigumán má nákha ikhúga̱jma̱a̱ numuu rí mba̱yu̱u̱ʼ má tsiguʼ* xtaa ráʼ.
22 Lá nita̱ʼa̱a̱ʼ náa naxtagijxi̱i̱ idiʼ+o nitayáá náa naxtagijxi̱i̱ eʼtsí,+
23 dí ikhúún nigújxíi mu magúwíi majmuʼ náa mbiʼi gamiéjunʼ,mbiʼi dí muxmijná ga̱jma̱a̱ náa mbiʼi dí marigá guerra ráʼ.+
24 Asndu náá mina̱a̱ʼ egi̱ʼdu̱u̱ ewiʼtáa aguʼ*ga̱jma̱a̱ asndu náá egi̱ʼdu̱u̱ exnúu giñánʼ dí na̱ʼkha̱ xígií náa nagájnuu a̱jkha̱ʼ* dí naxnúu náa tsu̱du̱u̱ ku̱ba̱ʼ rá.+
25 Tsáá niʼni riyoo’ náa maʼga kúʼúun ruʼwambiʼga̱jma̱a̱ kambu̱ún a̱jkhu̱u̱n* ma̱ngaa du̱u̱n skuniʼ+
26 mu maxnúu ruʼwa náa ndawa̱a̱ nimbáa,náa ku̱ba̱ʼ mijxooʼ* náa ndawa̱a̱ nimbáa xa̱bu̱ numbaaʼ,+
27 mu marmajan ku̱ba̱ʼ dí niguanáa ga̱jma̱a̱ rí niguma gámbáama̱ngaa maʼni dí makráʼáan iná maxaʼ rá.+
28 Lá gíʼdaa anu̱u̱* ruʼwa ráʼ.+Tsáá lá anu̱u̱ xuájyaʼ rá.+
29 Tsáá lá ru̱dúu̱* hielo rá.Lá gíʼdaa ru̱dúu̱ idiʼ dí nagajtaa mekhuíí+
30 índo̱ náa inuu iyaʼ naʼni hielo xóo itsíga̱jma̱a̱ náa inuu iyaʼ dí itháan mi̱jnu̱ʼ naʼni̱i̱ hielo ráʼ.+
31 Lá majmáán ikháán matru̱ʼwa̱a̱ ñuñuu mbá grupo a̱ʼgua̱a̱n Kimá*o majmáán matrajkuíi ñuñuu mbá grupo a̱ʼgua̱a̱n Kesil* ráʼ.+
32 Lá maʼngo̱o̱ matani̱ dí magajnúu mbá grupo a̱ʼgua̱a̱n* náa gíʼo maraxna ikháá mbá grupo a̱ʼgua̱a̱n Ash* gajmíi̱n e̱ji̱i̱n ráʼ.
33 Lá natatsinuuʼ xtángoo rí naʼtáñajuunʼ dí rígá mekhuíí*+o lá ma̱ndoo matani̱ dí ikhiin mutañajunʼ náa tsu̱du̱u̱ ku̱ba̱ʼ xáʼ.
34 Lá ma̱ndoo matatsa̱ʼwa̱ dí muwáán aʼwáaʼ asndu náa du̱u̱ndí maʼni magadirámán mbá ruʼwambiʼ ráʼ.+
35 Lá ma̱ndoo mataxuʼmíin a̱jkhu̱u̱n magún gúni̱ ñajunʼ ndrígu̱ún
ga̱jma̱a̱ índo̱ gátangi̱ín muthaanʼ: ‹¡Gi̱i̱ kuwáanʼxu̱!› ráʼ.
36 Tsáá lá nigíwánʼ náa du̱u̱n* rí majmañaaʼ rá.+O tsáá lá niʼni makru̱ʼu̱u̱n dí rígá mekhuíí* rá.+
37 Tsáá lá itháan ejmañuu mu maguxnuu du̱u̱n rá.O tsáá gáʼngo̱o̱ gárngajxi̱i̱ rayaʼ náa ga̱jnu̱ʼ iyaʼ mekhuíí+
38 mu xúʼko̱ yujndaʼ maʼni̱i̱ ku̱ba̱ʼ xtiʼtiʼga̱jma̱a̱ ku̱ba̱ʼ rúʼko̱ mambújximina̱a̱ʼ rá.
39 Lá maʼnga̱a̱ʼ mataxíyáa mbáa xujkhúʼ mikhu̱u̱ leóno matani̱ dí magiʼmúún león bi̱ gújkuíinʼ*+
40 índo̱ nuguáʼnduti̱ga̱* náa riñúúno índo̱ naguanún náa nurkaʼwumijná mu muyama xáʼ.
41 Tsáá exníʼtsuu yu̱wa̱ʼ+índo̱ e̱ji̱i̱n nunda̱ʼa̱a̱ Dios rí mambáñúnga̱jma̱a̱ nagún gi̱i̱ ñuʼún numuu rí nda̱a̱ nimbá dí mu̱phu̱ xá.
Mbaʼa nota
^ O “consejo ndrígóʼ”.
^ O “Atani̱ mbá rí májánʼ”.
^ Náa ajngáa hebreo, ajngáa rígi̱ nandoo gáʼthúu̱n ángeles.
^ O “mar”.
^ Índo̱ nigájnuu náa xtíjyúu ru̱dúu̱.
^ O “nijmuʼ du̱u̱n skuniʼ xóo pañal ndrígóo”.
^ Náa ajngáa hebreo naʼthí, “Náa mbiʼi rí xtaa”.
^ O “nagui̱i̱”.
^ O “ndájkhoo rí nakháñún”.
^ Náa ajngáa hebreo naʼthí, “mbiʼi”.
^ O “este”.
^ O mbáa “rí naxpíbínʼ”.
^ O “bi̱gu̱”.
^ O “desierto”.
^ O “tátée”.
^ O “nánée”.
^ Mbáa nandoo gáʼthúu̱n grupo a̱ʼgua̱a̱n bi̱ mbiʼyuu Orión.
^ Mbáa nandoo gáʼthúu̱n grupo a̱ʼgua̱a̱n bi̱ mbiʼyuu Tauro.
^ Náa ajngáa hebreo naʼthí, “Mazarot”.
^ Mbáa nandoo gáʼthúu̱n grupo a̱ʼgua̱a̱n bi̱ mbiʼyuu Osa Mayor.
^ Rí nandoo gáʼthúu̱n, a̱jkha̱ʼ, gu̱nʼ, a̱ʼgua̱a̱n o i̱ʼwáʼ.
^ O mbáa “náa xa̱bu̱”.
^ O mbáa “niʼni dí makro̱ʼo̱o̱ xa̱bu̱”.
^ O “bi̱ guáʼdáá xtátsiu̱ún náa aphúún”.
^ O “nuxngutigamíjna̱”.
