Job 4:1-21
4 Ikhú Elifaz+ xa̱bu̱ Temán niriʼña̱a̱ ga̱jma̱a̱ ajngáa rígi̱:
2 “Á mu mbáa gáʼniminaʼ dí maʼtháanʼ, lá xáʼngo̱o̱ a̱jkia̱a̱nʼ ráʼ.
Mú, tsáá lá gáʼngo̱o̱ a̱jkiu̱u̱n dí xáʼthí nimbá rá.
3 Gajkhun má dí ikháán nirasngúún mbaʼin,ga̱jma̱a̱ nitani̱i̱ a̱jkiu̱ún xa̱bu̱ bi̱ nikáguabiinʼ.
4 Niraxnún tsiaki̱i̱ ga̱jma̱a̱ ajngáaʼ bi̱ nikáguabiinʼ,*ga̱jma̱a̱ niraxnún tsiaki̱i̱ bi̱ ndiyóoʼ dí mixtambáñún.
5 Mú dí xúgi̱, ikháán xtaa ratagíʼníí rígi̱ ga̱jma̱a̱ naʼni néʼnga̱a̱ʼ,ikháán xtaa xígi̱ kaʼnii, ga̱jma̱a̱ tséʼngo̱o̱ a̱jkia̱a̱nʼ.
6 Lá tséku̱ma̱a̱ʼ xtayáá Dios maski ajndu ra̱ʼkhá tháán etayamajkuíí ráʼ.
Lá nda̱a̱ dí xtaʼti̱i̱n náa Dios maski ajndu nariejún jmbu má xúʼko̱+ náa ikhaa xáʼ.
7 Mbá péñu,* atani̱ dí marmáʼáan a̱jkia̱a̱nʼ: Lá xtáa mbáa xa̱bu̱ májáanʼ bi̱ nikháñuu wapháá ráʼ.
Lá nitadxawíín mbá miʼtsú dí niguma gámbíin xa̱bu̱ bi̱ nuni̱ dí májánʼ ráʼ.
8 Ikhúún nijkhánú ndi̱yo̱o̱ dí, bi̱ nuri̱ya̱ʼ awan* muni̱ dí ra̱májánʼga̱jma̱a̱ bi̱ nudu dí tsingíná, rúʼko̱ má erajxi̱i̱.
9 Nakháñún índo̱ Dios nakuʼma mbá giñámbiʼ náa ikhiinga̱jma̱a̱ nandáti̱gi̱i̱n índo̱ ikhaa nakásnga̱ñu̱u̱nʼ, rí nindxu̱u̱ xóo giñámbiʼ.
10 León nandxa̱ʼwá, ga̱jma̱a̱ mbáa león gújkuiiʼ najmangu̱u̱ʼ,mú asndu iñúúnʼ león bi̱ gújkuíinʼ* najmigu.
11 León nakháñuu índo̱ tséxkamaa bi̱ mikhu̱u̱,ga̱jma̱a̱ e̱ji̱i̱n león nagadríʼiin.
12 Ikhú ngu̱ʼwa̱á nigruígú mbá ajngáaga̱jma̱a̱ wáwáa nidxawuun náa cháʼwunʼ.
13 Mbruʼun índo̱ xtáá ragú, nigúndaa mbá xúgíʼ dí naʼni maxmiéjunʼ,índo̱ xa̱bu̱ nunuʼ midu̱u̱n,
14 niʼni rí mamiñúʼ dí asndu nigúʼwúnga̱jma̱a̱ niʼni dí mbá xúgíʼ itsuʼ maxuʼwúun.
15 Nirígá mbá* dí ninújngoo náa inuʼ,ga̱jma̱a̱ niʼni xaa xtóʼ.
16 Ikhú niwi̱ji̱,mú na̱nguá ni̱ʼkha̱ maniʼníiʼ,
ga̱jma̱a̱ ndi̱yo̱o̱ dí ikhí rígá mbá dí wíji̱,ga̱jma̱a̱ índo̱ wíí kri̱ga̱, nidxawuun mbá aʼwá:
17 ‹Lá ma̱ndoo mbáa xa̱bu̱ numbaaʼ mani̱ndxu̱u̱ itháan májáanʼ ki xóo Dios ráʼ.
Lá ma̱ndoo mbáa xa̱bu̱ mani̱ndxu̱u̱ itháan mikaʼwii ki xóo bi̱ Niʼnii ráʼ.›
18 Natayáá ráʼ. Ikhaa tséku̱mu̱u̱ kaʼñún xa̱bi̱i̱ga̱jma̱a̱ ndaʼyoo náa dí nakiéʼkúún ángeles* ndrígióo.
19 ¡Iwáá lá bi̱ kúwíin náa guʼwá dí niguma ga̱jma̱a̱ ku̱ba̱ʼ rá,guʼwá dí nigi̱ʼi̱ rajkhúu náa yujndaʼ,+bi̱ tséʼni mingíjyúuʼ magixbiri̱gi̱i̱n xóo mbáa ruxi!*
20 Nduya dí miʼcha̱, mú dí wakíʼ nagixmbiri̱gi̱i̱n mbá kayuuʼ,nandáti̱gi̱i̱n asndu kámuu rí nimbáa tséʼyoo.
21 Nindxu̱ún xóo mbá guʼwá xtíin dí nagudiri̱ga̱a̱, numuu dí nuxmajuíi ñuñuu.
Nakháñún xóo xa̱bu̱ bi̱ raguáʼdáá ku̱ma̱, bi̱ na̱nguá nijmañún.
Mbaʼa nota
^ O “bi̱ nijngrádíin”.
^ O “Atani̱ mbá rí májánʼ”.
^ Náa ajngáa hebreo naʼthí, “nuxnáá xku̱bi̱”.
^ O “bi̱ guáʼdáá xtátsiu̱ún náa aphúún”.
^ O “bi̱ nagún kuñu̱u̱n ajngóo”.
^ Ruxi bugi̱ nindxu̱u̱ xóo ruxi bi̱ xtáa náa Israel, mbáa xujkhúʼ chíʼgíiʼ bi̱ gíʼdoo a̱jkhu̱ xniuunʼ bi̱ xóo bijphí kaʼnii ga̱jma̱a̱ ikhaa na̱ʼkhu̱ xtíin.
