Job 22:1-30
22 Ikhú Elifaz+ xa̱bu̱ Temán niriʼña̱a̱ ga̱jma̱a̱ ajngáa rígi̱:
2 “Lá ma̱ndoo mbáa xa̱bu̱ mambáyúu Dios ráʼ.
Lá ma̱ndoo dí Dios majmiuu mbáa xa̱bu̱ bi̱ najmañuu ráʼ.+
3 Lá naxmiéjuunʼ* bi̱ gíʼdoo xúgíʼ Tsiaki̱i̱ dí ikháán mani̱ndxa̱a̱ʼ mbáa xa̱bu̱ májáanʼ ráʼ.Lá rígá dí nadaaʼ, ikha jngóo dí nadxaʼ rariejún jmbu ráʼ.+
4 Lá ga̱jma̱a̱ numuu dí ra̱ʼkhá tháán etayamajkuíí, ikha jngóo maʼni matamíniiʼ,ga̱jma̱a̱ maʼga kañáán mu mambanúu numaaʼ xáʼ.
5 Lá raʼkháa ga̱jma̱a̱ numuu dí ra̱ʼkhá tháán mba̱a̱ dí ra̱májáanʼ dí natani̱ga̱jma̱a̱ dí nakiéʼkháanʼ má xúʼko̱ ráʼ.+
6 Nda̱a̱ mbá numuu dí natrígú kaʼñún rí guáʼdáá a̱ngia̱a̱nʼ bi̱ gíʼmiin náa inaaʼga̱jma̱a̱ natrígú kaʼñún xtíñún xa̱bu̱ rí asndu natatsíñún tsaʼtsiinʼ.*+
7 Tséraxnáán chíʼgíiʼ* iyaaʼ maga̱a̱n bi̱ néʼngo̱o̱ga̱jma̱a̱ tséraxnáán ganitsu mi̱khu̱ bi̱ naxkidxu̱u̱.+
8 Ku̱ba̱ʼ nindxu̱u̱ ndrígóo bi̱ gíʼdoo tsiaki̱i̱+ga̱jma̱a̱ bi̱ gíʼdoo numuu xtáa ikhí.
9 Mú ikháán i̱ndó ñawúúnʼ etaxúʼmiin magúun gu̱ʼú xuáʼaga̱jma̱a̱ natani̱ gawíínʼ* ñawúúnʼ e̱jín wáʼa.
10 Ikha jngóo náa mbájndi ikháán rígá tsáʼkhá*+ga̱jma̱a̱ gamíi dí na̱nguá xta̱ʼthi̱i̱n, naʼni mamiñáanʼ.
11 Ikha jngóo dí mikína tséniñaaʼ ma̱ta̱ya̱a̱ga̱jma̱a̱ iyaʼ rí najnííʼ narugurámáánʼ.
12 Lá na̱nguá xtáa Dios mekhuíí náa rí nindxu̱u̱ mitsídánʼ ráʼ.
Ga̱jma̱a̱ atayáá dí ra̱ʼkhá tháán mitsídánʼ tri̱gi̱i̱n xúgíinʼ a̱ʼgua̱a̱n.
13 Mú ikháán niratá: ‹Ndiéjunʼ dí phú ndaʼyoo Dios rá.
Lá ma̱ndoo maʼni mbánúu ga̱jma̱a̱ numuu mbáa náa mikína mbiʼ xáʼ.
14 Du̱u̱n nuruguama̱ʼa̱a̱n mu ikhaa xáʼyoo,índo̱ na̱jkha̱ náa mekhu rí dijndi›.
15 Lá mi̱dxu̱ʼ má xúʼko̱ náa kamba̱a̱ wayuu,náa nijngrui̱gu̱u̱n xa̱bu̱ ra̱míjíinʼ,
16 xa̱bu̱ bi̱ nikháñún mbá nacha̱á,bi̱ ni̱jkha̱ kagui̱i̱n yambo̱o̱ ráʼ.+
17 Nitháán Dios bi̱ gajkhun: ‹¡Ayuʼ kaníí!›,
ga̱jma̱a̱ ‹Dí lá gándoo gáʼniuxu bi̱ gíʼdoo xúgíʼ Tsiaki̱i̱ rá.›
18 Maski ajndu xúʼko̱, ikhaa nixnúún xúgíʼ dí májánʼ dí rígá náa guʼwún.
(Ikhúún tséndxaʼwamínaʼ dí ra̱májánʼ dí xóo xígi̱ kaʼnii).
19 Xa̱bu̱ bi̱ májáanʼ mbaʼyoo rígi̱ ga̱jma̱a̱ maʼdxuu,ma̱ngaa bi̱ ragíʼdoo aʼkhúun matsíjmii ikhiin ga̱jma̱a̱ maʼthí:
20 ‹Xa̱bu̱ sia̱nʼ ndrígúxu̱ niguma gámbíinga̱jma̱a̱ mbá aguʼ matsikhá rí naguanúu náa ikhiin›.
21 Atatsiniiʼ májánʼ Dios ga̱jma̱a̱ xúʼko̱ maraxtaa tsímáá,á mu natani̱ xúʼko̱, maguma tsajkurámáánʼ.
22 Atandrigú xtángoo ndrígóoga̱jma̱a̱ atrajxi̱i̱ náa a̱jkia̱a̱nʼ ajngáa rí naʼthí.+
23 Á mu natanga̱án náa bi̱ gíʼdoo xúgíʼ Tsiaki̱i̱, maguma tsajkurámáánʼ mbu̱júu̱.+Á mu natríya̱a̱ʼ dí ra̱májánʼ náa guʼwá xtíin ndrígáaʼ.
24 Á mu nataxídíí oro* ndrígáaʼ náa yujndaʼ,ga̱jma̱a̱ oro dí na̱ʼkha̱ náa Ofir+ náa mata* dí rígá itsí,
25 ikhú bi̱ gíʼdoo xúgíʼ Tsiaki̱i̱ mani̱ndxu̱u̱ oro ndrígáaʼga̱jma̱a̱ mani̱ndxu̱u̱ plata rí itháan májánʼ.
26 Numuu dí maʼdxaan náa bi̱ gíʼdoo xúgíʼ Tsiaki̱i̱ga̱jma̱a̱ mataxu̱jxíi edxa̱a̱ʼ náa Dios.
27 Maratakáñíí ga̱jma̱a̱ ikhaa maʼdxawaanʼ,ga̱jma̱a̱ ikháán matanimbáníí rí nitaxúdaminaʼ matani̱.
28 Xúgíʼ dí gátra̱ʼwi̱i̱ matani̱ magajnúu májánʼ,ga̱jma̱a̱ mambiʼi aguʼ náa kamba̱a̱ʼ.
29 Numuu dí á mu ikháán natanimbamínaʼ ga̱jma̱a̱ ajngáa dí naratá, maguma majti̱i̱nʼ,mú ikhaa maʼni kríya̱a̱ʼ xa̱bu̱ wabaaʼ.*
30 Ikhaa maʼni kríya̱a̱ʼ bi̱ nda̱a̱ aʼkhúun,ikha jngóo á mu kaʼwu ñawáanʼ, maguma kríña̱a̱nʼ má tsiaki̱i̱”.
