Job 21:1-34
21 Job niriʼña̱a̱ ga̱jma̱a̱ ajngáa rígi̱:
2 “Guʼgíʼ edxa̱la mudxawíín dí gátha,xígi̱ kaʼnii nindxu̱u̱ xóo gíʼmaa muni̱i̱la a̱jkiu̱nʼ.
3 Gaʼngo̱o̱ a̱jkia̱la índo̱ xtáá ra̱ta̱,índo̱ gámbóʼ ra̱ta̱, ma̱ndoo mutsijmúúla.+
4 Lá naxiéʼkhá ga̱jma̱a̱ numuu mbáa xa̱bu̱ numbaaʼ ráʼ.
Á mu dí xúʼko̱, lá ikhúún maʼngo̱o̱ a̱jkiu̱nʼ* ráʼ.
5 Gu̱yo̱ʼ, gu̱yo̱ʼla má xúʼko̱ rí asndu maʼniala tsiánguá,guruguáá rawanla ga̱jma̱a̱ ñawánla.
6 Índo̱ narmáʼáan a̱jkiu̱nʼ xóo nigíʼnuʼ, namínúuʼga̱jma̱a̱ naguáʼáan xúgíʼ xuyuʼ.
7 Náá numuu dí xa̱bu̱ ramíjíin kúwá má xúʼko̱,+naʼni wanii ga̱jma̱a̱ naguánú nuguáʼdáá wéñuuʼ* rá.+
8 Ikhiin naguánú nduyáá xóo enii e̱jñu̱ún,ga̱jma̱a̱ nduñún bi̱ naguwáʼ náa ikhiin.
9 Nda̱a̱ gamíi náa guʼwún, ikha jngóo tsémíñún,+ga̱jma̱a̱ Dios tséʼni rí mumíniiʼ.
10 Índo̱ toros nuxka̱, tsiaki̱i̱ má naʼni gakhi̱i̱n vacas,ga̱jma̱a̱ naguáʼdiin e̱jñu̱ún ma̱ngaa tségrájki̱ín.
11 E̱jñu̱ún jiámá nagáñún rexa̱a̱ xóo egáñún mugu̱,ga̱jma̱a̱ e̱jñu̱ún bi̱ majkhiinʼ nagún rakijxi̱i̱n.
12 Nuni̱ ajmúú xó má ewán pandereta ga̱jma̱a̱ arpa,ga̱jma̱a̱ nadxún eʼni xóo ewán flauta.+
13 Nuni̱ gagimijná náa mbá xúgíʼ mbiʼi dí kúwága̱jma̱a̱ tsímáá* egúun náa Iñá wajinʼ.*
14 Mú ikhiin nutháán Dios bi̱ gajkhun: ‹¡Ayuʼ kaníí!
Tsédxuu a̱jkiu̱xu̱ muniʼnuuʼ kamba̱a̱ʼ.+
15 Tsáá nindxu̱u̱ bi̱ gíʼdoo xúgíʼ Tsiaki̱i̱ mu dí mu̱nixu̱ ñajuunʼ rá.+
Ndiéjunʼ lá gúdáaʼxu á mu nuniʼníiʼxu xá.›+
16 Mú nda̱yo̱o̱ dí na̱nguá kajkuáa ñawúúnʼ ikhiin rí magajnúu májánʼ dí nuni̱.+
(Ikhúún tséndxaʼwamínaʼ xóo endxaʼwamíjna̱ xa̱bu̱ ra̱míjíinʼ).+
17 Nguáthá nuthu tséjuíyúuʼ agiuuʼ lámpara ndrígu̱ún xa̱bu̱ ra̱míjíinʼ rá.+
Nguáthá nuthu e̱ʼkha̱nú gamiéjunʼ náa inún xá.
Nguáthá nuthu eʼni gámbíin Dios índo̱ nakásnga̱ñu̱u̱nʼ xá.
18 Lá ninindxu̱ún mbá míʼtsú xóo ra̱jxa̱ dí na̱jkha̱ kayóo giñánʼga̱jma̱a̱ xóo náskha dí na̱jkha̱ kagu̱ giñánʼ dí naxnúu gakhi̱i̱ ráʼ.
19 Dios mayéjxi̱i̱ dí kaʼyoo mamínuuʼ mbáa xa̱bu̱ mu maʼni dí mumíniiʼ e̱ji̱i̱n.
Mú, Dios maxnúu ma̱ngaa rí kaʼyoo mu xúʼko̱ mbaʼyoo xóo miʼtsí.+
20 Ikhaa mina̱a̱ʼ gáʼyoo gamiéjunʼ rí magíʼnuuga̱jma̱a̱ dí ikhaa má mina̱a̱ʼ gágáan rí nakásnga̱ñu̱u̱nʼ bi̱ gíʼdoo xúgíʼ Tsiaki̱i̱.+
21 Numuu dí lá exmiéjuunʼ eni̱ bi̱ kúwá náa goʼwóoá mu dí nirtumuu má mbiʼyuu xá.+
22 Lá ma̱ndoo dí mbáa maxnúu ku̱ma̱* Dios,+á mu ikhaa nindxu̱u̱ bi̱ naʼnimbánuu numún asndu bi̱ guáʼdáá ñajunʼ dí mba̱ʼu̱ ráʼ.+
23 Mbáa xa̱bu̱ nakháñuu índo̱ gíʼdoo tsiaki̱i̱,+índo̱ nda̱a̱ dí eʼni maxmiéjuunʼ ga̱jma̱a̱ xtáa tsímáá,+
24 índo̱ itsu̱ tsaguuʼ gíʼdoo xtangooga̱jma̱a̱ índo̱ itsu̱u̱ gíʼdoo tsiaki̱i̱.*
25 Mú imba̱a̱ xa̱bu̱ nakháñuu dí ra̱ʼkhá tháán ngíná xtáa,ga̱jma̱a̱ nditháan táʼyoo rí nindxu̱u̱ májánʼ.
26 Mbá nájmi̱i̱n magúun mbóó náa iñá wajinʼ,*+ga̱jma̱a̱ ñu̱u̱ gúphu̱u̱n mbá nájmi̱i̱n.+
27 Ndu̱ya̱a̱la ráʼ. Nda̱yo̱o̱ májánʼ dí kuwáanʼla rundxa̱ʼwa̱míjna̱ga̱jma̱a̱ awan rí kuwáanʼla ruríya̱ʼ mu muni̱ gawúnʼ.*+
28 Numuu dí ikháanʼla nu̱ta̱ ‹Náá rígá goʼwóo xa̱bu̱ bi̱ ra̱ʼkhá tháán gíʼdoo numuu,ga̱jma̱a̱ náá rígá guʼwá xtíin náa xtáa xa̱bu̱ ra̱májáanʼ rá.›+
29 Lá tsérajxu̱u̱n xa̱bu̱ bi̱ nagún kamba̱a̱ ráʼ.
Lá tsénimbala dí ikhiin nuthi* xáʼ.
30 Lá tséni̱ mba̱a̱ a̱jkiu̱ún kuyáá xa̱bu̱ ra̱májáanʼ mbiʼi dí na̱ʼkha̱ gamiéjunʼga̱jma̱a̱ naguma kríya̱a̱ʼ índo̱ narígá majphú mba̱a̱ ga̱ʼkhu̱ ráʼ.
31 Tsáá gáʼthúu̱n dí raʼkhí xtáa raʼniga̱jma̱a̱ tsáá gáxnúu dí kaʼyoo magruigúu ga̱jma̱a̱ numuu dí niʼni xá.
32 Índo̱ gágúun kuya̱a̱ náa iñá wajinʼ,makuwá bi̱ muyejngoo náa iñá wajñuuʼ.
33 Ku̱ba̱ʼ náa majnguáan mbaʼyoo dí nindxu̱u̱ taun,+ga̱jma̱a̱ mbá xúgíinʼ xa̱bu̱ numbaaʼ magúun kidxuuʼ ikhaa,*+xó má mbaʼin nigúun ginuu nákha ikhaa xóó tséjkha̱a̱.
34 Ikha jngóo, nda̱a̱ má numuu dí muni̱i̱la a̱jkiu̱nʼ.+
¡Mbá xúgíʼ dí nuriʼña̱a̱nʼla nindxu̱u̱ minduwaʼ!”.
Mbaʼa nota
^ Náa ajngáa hebreo naʼthí, “jxu̱ʼ”.
^ O “naguáʼdáá numún”.
^ O “mbégu xúgi̱”, xóo muʼthá, nacha̱ ga̱jma̱a̱ tséʼkhu̱.
^ O “maʼsngóo”.
^ Náa ajngáa hebreo naʼthí, “ngájtsu̱u̱ itsu̱u̱ nindxu̱u̱ wabaʼ”.
^ Náa ajngáa hebreo naʼthí, “yujndaʼ”.
^ O mbáa “muniuʼ dí raʼkhí kayuuʼ”.
^ Náa ajngáa hebreo naʼthí, “tsinaʼ ndrígu̱ún”.
^ Náa ajngáa hebreo naʼthí, “ga̱jma̱a̱ ikhaa maxmájtiin mbá xúgíinʼ xa̱bu̱ numbaaʼ magúun kidxuuʼ”.
