Job 41:1-34

  • Dios naʼthí ga̱jma̱a̱ numuu Leviatán (1-34)

41  Lá maʼnga̱a̱ʼ ikháán matríya̱a̱ʼ mbáa Leviatán*+ ga̱jma̱a̱ mbá xkramáʼ* ráʼ.O matru̱ʼwa̱a̱ raju̱u̱n ga̱jma̱a̱ mbá ñuñuu xáʼ.  2  Lá majmáán mataxuʼdájngaa mbá ñuñuu* náa rakhóoo matani̱ iñúuʼ itsu̱ rawuunʼ ga̱jma̱a̱ mbá gancho* xáʼ.  3  Lá maʼtákáñaaʼ dí magáwíinʼ a̱jkia̱a̱nʼ xtayáá xáʼ.O maʼtháanʼ ga̱jma̱a̱ ajngáa wabaʼ xáʼ.  4  Lá mambanúu ga̱jma̱á nindxa̱a̱ʼmu mani̱ndxu̱u̱ ñumbáá ndrígáaʼ asndu kámuu xáʼ.  5  Lá maratsíi̱n ga̱jma̱a̱ʼ xóo gátasijmiáanʼ mbáa ñu̱ʼu̱o matru̱ʼwa̱a̱ ga̱jma̱a̱ mbá ñuñuu mu mutsijmiún waʼxiaanʼ xáʼ.  6  Lá mutsi̱i̱ bi̱ nugujua̱ mu magujua̱a̱ xígií xáʼ. Lá muxuiʼtamijnaá xuyuuʼ bi̱ nugujua̱ ráʼ.  7  Lá maʼnga̱a̱ʼ matani̱ dí majuaʼdáʼ náa edxu̱u̱ kudú* dí nurawíin ga̱jma̱a̱ e̱gi̱ʼo dí majuaʼdáʼ arpón*+ náa xuyuuʼ xáʼ.  8  Á mu natrugua̱a̱ mbá miʼtsú.¡Marmáʼáan a̱jkia̱a̱nʼ xóo nitaxmína̱ʼ ga̱jma̱a̱ʼ, nditháan ni xátangaán matrugua̱a̱!  9  Á mu naku̱ma̱a̱ʼ rí mbóoʼ mbiʼi maʼnga̱a̱ʼ matani̱ ga̱jma̱a̱ʼ ndíí nindxu̱u̱ rúʼko̱. I̱ndó rí ma̱ta̱ya̱a̱ maʼnimíñaanʼ. 10  Nimbáa tséʼkha̱ a̱jkiu̱u̱n dí maʼni majmangu̱u̱ʼ. Ikha jngóo tsáá gáʼngo̱o̱ ma̱ni̱ ga̱jmu̱ʼ rá.+ 11  Lá xtáa mbáa bi̱ rígá dí nixnuʼ mu xúʼko̱ mbaʼyóoʼ martanga̱a̱ mangúún ráʼ.+ Xúgíʼ dí rígá náa agoo mekhu ndrígóʼ ikhúún.+ 12  Ma̱ngaa ma̱ta̱ ga̱jma̱a̱ numuu rajkhúu,tsiaki̱i̱ ndrígóo ga̱jma̱a̱ xóo májánʼ ki̱ʼni̱ xuyuuʼ. 13  Tsáá lá nirígúu dí nañewu̱u̱n tso̱xto̱o̱ xá. Tsáá lá gáto̱ʼo̱o̱ náa rawuunʼ xá. 14  Tsáá lá eʼngo̱o̱ ermbáʼtoo rawuunʼ* xóo ermbáʼtoo mbá xkrugua rá. Iñuuʼ dí wájun mbá eniiʼ ra̱ʼkhá tháán gamíi. 15  Náa tsu̱du̱u̱ gíʼdoo mbawíí xtáxúoo*jxa̱ʼ kúgoo mbá xúgíʼ. 16  Ra̱ʼkhá tháán jxa̱ʼ kajua̱a̱dí asndu giñánʼ tséto̱ʼo̱o̱. 17  Jxa̱ʼ kajua̱a̱,jxa̱ʼ kuajtuminaʼ rí xándoo matani̱ wájíiʼ. 18  Índo̱ nandijuíi giñánʼ náa rakhóo, ikhú iyaʼ dí nagájnuu ikhí naxpíbínʼ xóo aguʼ,ga̱jma̱a̱ iduu nindxu̱u̱ xóo agiuuʼ a̱jkha̱ʼ índo̱ najtsi. 19  Nangujuíi aguʼ náa rawuunʼga̱jma̱a̱ naxpíbínʼ. 20  Nagájnuu gúní náa rakhóoxóo mbá horno náa najti má xúʼko̱ rajxa̱ mbi̱jua̱ mu mi̱kha. 21  Jxu̱u̱ʼ naʼni dí mi̱kha chámbuʼga̱jma̱a̱ nagájnuu aguʼ náa rawuunʼ. 22  Ra̱ʼkhá tháán migújkhúʼ rexo̱o̱,ga̱jma̱a̱ xúgíinʼ bi̱ nuniʼniiʼ namíñúún eʼni. 23  Xtá awúu̱n ra̱ʼkhá tháán migújkhúʼ,nindxu̱u̱ xóo hierro dí xándoo matrakuájíiʼ. 24  A̱jkiu̱u̱n ra̱ʼkhá tháán migújkhúʼ xóo mbá itsí,xúʼko̱, ra̱ʼkhá tháán migújkhúʼ xóo mbá tsi̱nu̱.* 25  Índo̱ natu̱jxu̱u̱, asndu bi̱ xkujiinʼ namíñúún,ga̱jma̱a̱ índo̱ naxprígúmina̱a̱ʼ, na̱jkha̱ a̱jkiu̱ún. 26  Xáʼni makhañúu nimbá espada dí muxnáá ga̱jma̱a̱,ni má kudú, ni má dardo, ni má inuu flecha.+ 27  Ikhaa ndaʼyoo dí hierro nindxu̱u̱ xóo ra̱jxa̱,ga̱jma̱a̱ cobre ndaʼyoo xóo ixi̱ niʼga. 28  Xájkatíyáaʼ ragáyúu gáʼni mbá flecha,ikhaa ndaʼyoo rí itsí rí nudajmaa ga̱jma̱a̱ xkrájtsí nindxu̱u̱ xóo ra̱jxa̱ nijndooʼ. 29  Ikhaa ndaʼyoo rí mbá ixi̱ nindxu̱u̱ xóo mbá iná nijndooʼ,ga̱jma̱a̱ nanduʼwájmaa rí xóo nawáán mbá kudú chíʼmbaʼ.* 30  Awúu̱n nindxu̱u̱ xóo xuíʼtóo rayaʼ dí mixíníʼga̱jma̱a̱ naxmájtaa náa gaʼcha̱ʼ xóo eʼni xajpa dí najuiʼnu̱ ga̱jma̱a̱ tsígáʼ.+ 31  Ikhaa naʼni dí iyaʼ mi̱jnu̱ʼ magaʼá, xóo egaʼá mbá daan,ga̱jma̱a̱ naniʼñuu lamáa* xóo mbá daan náa ga̱jnu̱ʼ aceite rí nagaʼá. 32  Náa na̱jkha̱ rajnguʼúun naʼni rí iyaʼ maʼni xngoʼóo, bi̱ gáʼyoo mandxaʼwáminaʼ dí iyaʼ gíʼdoo xngiʼxá. 33  Ndawa̱a̱ nimbáa náa tsu̱du̱u̱ ku̱ba̱ʼ xóo ikhaa,mbáa xujkhúʼ bi̱ nigumaa mu xámíñuu. 34  Asndu najmangu̱u̱ʼ eʼñúún xujkhúʼ bi̱ naku̱mu̱ún rí xkujiinʼ. Ikhaa nindxu̱u̱ rey náa xúgíinʼ xujkhúʼ mbaʼwi̱i̱n bi̱ kúwá xanáá”.

Mbaʼa nota

^ Mbáa nindxu̱u̱ cocodrilo.
^ O “anzuelo”.
^ Náa ajngáa hebreo naʼthí, “mbá ra̱jxa̱ mbaʼ”.
^ Náa ajngáa hebreo naʼthí, “mbá tsuwanʼ”.
^ O “lanza”.
^ Arpón nindxu̱u̱ mbá a̱jua̱nʼ dí xóo kudú kaʼnii dí najmún mu murawíin ga̱jma̱a̱ e̱gi̱ʼ bi̱ mbaʼwi̱i̱n.
^ Náa ajngáa hebreo naʼthí, “inuu”.
^ O mbáa “Tsémíñúu numuu dí gíʼdoo mbá eniiʼ xtáxúoo”.
^ Atayáá glosario, tsi̱nu̱.
^ O “jabalina”.
^ O “mar”.

Copyrights ndrígóo i̱yi̱i̱ʼ rígi̱