Job 12:1-25
12 Ikhú Job niri̱ʼña̱a̱ ga̱jma̱a̱ ajngáa rígi̱:
2 Nakujmaa kaʼwu dí ikháanʼ najmañala,*ga̱jma̱a̱ índo̱ gákáñála nimbáa bi̱ najmañuu ni xáguanúu.
3 Mú mangúún nakro̱ʼo̱ʼ.*
Ikháanʼla na̱nguá kuaʼdáá itháan numala ki xóo ikhúún.
Tsáá tséʼyoo rúʼko̱ rá.
4 Ni̱jkhánú ninindxu̱ʼ mbá rí naʼni munduʼwa̱ bi̱ nambájxu̱ʼ gajmíʼ,+mbáa bi̱ nando̱ʼo̱o̱ Dios dí mariʼñuu.+
Mbáa xa̱bu̱ májáanʼ ga̱jma̱a̱ nda̱a̱ aʼkhúun nindxu̱u̱ mbá rí naʼni munduʼwa̱.
5 Xa̱bu̱ bi̱ nda̱a̱ rí exmiéjuunʼ nandxa̱ʼwáminaʼ dí xágíʼnuu nimbá dí ra̱májánʼ.Nandxaʼwáminaʼ rí naguáʼníí dí ra̱májánʼ i̱ndó xa̱bu̱ bi̱ naguáʼníí má gamiéjunʼ.
6 Náa guʼwá xtíin ndrígu̱ún kuʼwáʼ rígá dí tsímáá,+ga̱jma̱a̱ bi̱ nuni̱ makásngañu̱u̱ʼ Dios, nda̱a̱ gamíi kúwá,+bi̱ kudiin xándú náa ñawúúnʼ.
7 Mú, mbá péñu,* atrajxu̱u̱n xujkhúʼ, ikhiin gúsngaaʼ,ga̱jma̱a̱ xujkhú xnaʼ bi̱ jngrui̱gu̱u̱n mekhuíí, ikhiin gúthaanʼ.
8 O, atayáá* dí rígá náa tsu̱du̱u̱ ku̱ba̱ʼ, rúʼko̱ gáʼsngáaʼ,ga̱jma̱a̱ egi̱ʼ bi̱ kúwá náa lamáa* ikhiin muthaanʼ.
9 Tsáá mbáa dí ikhiin tséʼyoodí rígi̱ niʼni Jeobá rá.
10 Ikhaa gíʼdoo náa ñawúunʼ vida ndrígu̱ún xúgíinʼ bi̱ nduyaga̱jma̱a̱ jxi̱ʼ ndrígu̱ún xúgíinʼ xa̱bu̱ numbaaʼ.*+
11 Lá tséʼdxawuun cháʼwuun xa̱bu̱ xóo ewán ajngáaga̱jma̱a̱ raju̱u̱n* tséʼyoo xóo miʼtsí ganitsu ráʼ.+
12 Lá na̱nguá ejmañuu xa̱bu̱ numuu dí nikhi̱i̱ ráʼ.+Lá tséʼni mikro̱ʼo̱o̱ dí mba̱yu̱u̱ʼ xtáa xáʼ.
13 Dios najmañuu ga̱jma̱a̱ gíʼdoo tsiaki̱i̱,+nakro̱ʼo̱o̱ ga̱jma̱a̱ maʼnimbánuu rí nandoo.+
14 Índo̱ ikhaa rígá rí naʼni gámbáa, xándoo maguma̱a̱,+rí ikhaa narugoo, nimbáa xa̱bu̱ xándoo mambáʼtoo.
15 Índo̱ ikhaa natsiji ruʼwa, mbá xúgíʼ nujndooʼ,+índo̱ ikhaa naʼni maxnúu ruʼwa, najnííʼ iyaʼ náa tsu̱du̱u̱ ku̱ba̱ʼ.+
16 Ikhaa gíʼdoo tsiaki̱i̱ ga̱jma̱a̱ ku̱ma̱ dí gajkhun,+náa ñawúunʼ xtáa bi̱ naniñamina̱ʼ maguma nduwaaʼ ga̱jma̱a̱ bi̱ naʼni nduwiinʼ eʼwíinʼ,
17 naʼni dí bi̱ nuxna consejo majngrui̱gu̱u̱n i̱ndó rajkhúúnga̱jma̱a̱ bi̱ nunimbaníí xkujndu maguanún xóo skágunʼ.+
18 Narajkuíi cadena dí reyes niruʼu̱u̱n xa̱bu̱,+ga̱jma̱a̱ narajkuáa náa smídún reyes mbá ñuñuu.
19 Naʼni rí ndxajkun majngruigu̱u̱n i̱ndó rajkhúún,+ga̱jma̱a̱ naʼni dí bi̱ guáʼdáá ñajunʼ dí nakujmaa rí mbajyúuʼ ni xúguáʼdáá.+
20 Naʼni rí nándáa dí gúthi bi̱ nuxna consejo bi̱ naku̱mu̱ún kuñúún,ga̱jma̱a̱ narígú káñúúnʼ rí nundxaʼwamíjna̱ xabuanii bi̱ najmañún.
21 Naʼni májti̱i̱nʼ xa̱bu̱ ñajunʼ,+ga̱jma̱a̱ naʼni rí makáguabiinʼ bi̱ guáʼdáá tsiaki̱i̱.*
22 Ikhaa naʼni makujmaa dí rígá ngo̱ʼo̱o̱ náa mikína,+ga̱jma̱a̱ naʼni mambiʼi náa ngo̱ʼo̱o̱ ga̱jma̱a̱ náa mikína.
23 Naʼni rí maʼni mba̱ʼu̱ xuajin mu maʼni gámbáa,ga̱jma̱a̱ naʼni rí maʼni mba̱ʼu̱ xuajin mu xa̱bu̱ bi̱ kúwá ikhí maʼga kiʼdiin.
24 Narígú káñúúnʼ rí nakru̱ʼu̱u̱n* bi̱ kuya̱ edxu̱u̱ náa xuajin,ga̱jma̱a̱ naʼni rí mbaʼ majnguʼúún náa ku̱ba̱ʼ mijxooʼ* náa nda̱a̱ kamba̱a̱.+
25 Jngrui̱gu̱u̱n ruxkajma xóo xa̱bu̱ bi̱ tsékruigu̱u̱n náa mikína,+ náa nda̱a̱ aguʼ,ikhaa naʼni rí mbaʼ majnguʼúún xóo eni̱ xa̱bu̱ najngi̱i̱n.+
Mbaʼa nota
^ Náa ajngáa hebreo naʼthí, “nindxa̱la xuajin”.
^ Náa ajngáa hebreo naʼthí, “gúʼdoo mbá a̱jkiu̱nʼ”.
^ O “atani̱ mbá rí májánʼ”.
^ O mbáa “aratháán”.
^ O “mar”.
^ Náa ajngáa hebreo naʼthí, “mbá xúgíʼ xuyuuʼ xa̱bu̱ numbaaʼ”.
^ Náa ajngáa hebreo naʼthí, “xákhoo”.
^ Náa ajngáa hebreo naʼthí, “narajkhúuʼ cinturiúún bi̱ guáʼdáá tsiaki̱i̱”.
^ Náa ajngáa hebreo naʼthí, “a̱jkiu̱ún”.
^ O “desierto”.
