Job 39:1-30
39 Lá natayáá náá mbi̱ʼi̱i̱ eguáʼdiin e̱jñu̱ún tsu̱jtu xáná ráʼ.+
Lá nitayáá xóo eguáʼdiin e̱jñu̱ún aña̱ʼ e̱ʼgú ráʼ.+
2 Lá natayáá nguáthá igu̱nʼ eʼni gakhi̱i̱n xáʼ.
Natayáá nguáná gúguáʼdiin e̱jñu̱ún xáʼ.
3 Nuguáʼnduti̱ga̱* muguáʼdiin e̱jñu̱únga̱jma̱a̱ ikhú má naguámbáa ga̱ʼkiu̱ún.
4 Naʼni gújkuíinʼ e̱jñu̱ún ga̱jma̱a̱ nanuu xanáá,nda̱wa̱á nagún ga̱jma̱a̱ nánguá etangi̱ín.
5 Tsáá niniñuuʼ búrru xáná dí mbaʼ majnguʼwúun rá.+Ga̱jma̱a̱ tsáá nirajkúu ñuñuu xá.
6 Ikhúún ni̱ni̱ dí maxtáa náa xkua̱ mijxooʼga̱jma̱a̱ niniʼñúuʼ maxtáa náa mbaaʼ dí rígá idú.
7 Búrru xáná naʼni tsíngumínáʼ náa mbá xuajin dí rígá wéñuuʼ gitsaʼwá,*ndawa̱a̱ nimbáa bi̱ mandxa̱ʼwájmaa mu maxtúmaa mañajunʼ.
8 Najngruámuuʼ náa xúgíʼ inuu bíjní mu mbayáʼ rajxa̱ mi̱khu̱,ndayáʼ xúgíʼ iná maxaʼ.
9 Lá maʼndoo mbáa xedi̱ xáná maʼni ñajuaanʼ ráʼ.+
Lá mi̱gu náa guʼwún xedia̱a̱ʼ xáʼ.
10 Lá maʼnga̱a̱ʼ matru̱ʼwa̱a̱ mbá ñuñuu xedi̱ xáná mu maʼga kúʼúun náa riyooʼ xku̱bi̱o maʼga̱ má xúʼko̱ kidxaaʼ índo̱ naraxnáá xku̱bi̱ náa xkua̱ ráʼ.
11 Lá naku̱ma̱a̱ʼ dí maʼni ñajuaanʼ dí gakhi̱i̱numuu rí gíʼdoo tsiaki̱i̱ xáʼ.
12 Lá naku̱ma̱a̱ʼ dí ma̱ndoo majmiaaʼ mu ma̱ʼkha̱a̱ kagu̱u̱ dí nijma̱a̱* náa nitaduga̱jma̱a̱ magímbóo náa dí natiejunʼ xáʼ.
13 Asndu nadxuu eʼba̱a̱n xpíjpiúu avestruz,*mú, lá nambríguii xpíjpiúu ga̱jma̱a̱ xpíjpiúu mbáa cigüeña ráʼ.+
14 Avestruz naniñuuʼ xndúu mbayííʼga̱jma̱a̱ natsígóo náa ku̱ba̱ʼ jui̱ʼi̱.
15 Nambumuu dí gamíi makujmbi̱i̱ mbáao dí mbáa xujkhú xáná gamíi makujmbiri̱go̱o̱.
16 Naʼni ngíníi e̱ji̱i̱n, xóo raʼkhíin e̱ji̱i̱n eʼni,+tséxmiéjuunʼ dí ñajunʼ ndrígóo mani̱ndxu̱u̱ ndíí.
17 Numuu rí Dios niʼni rí xájmañuu*ga̱jma̱a̱ na̱nguá niʼni dí makro̱ʼo̱o̱.
18 Mú, índo̱ natu̱jxu̱u̱ ga̱jma̱a̱ naʼba̱a̱n xpíjpiúu,natsíjmaa wáyú ga̱jma̱a̱ bi̱ kríguii.
19 Lá ikháán eraxnáá tsiaki̱i̱ dí gíʼdoo wáyú ráʼ.+
Lá majmáán ikháán matani̱ tásu rexo̱o̱ wáyú dí natu̱jxu̱u̱ eʼni giñánʼ índo̱ nagáyúu ráʼ.
20 Lá majmáán matani̱ rí makijxi̱i̱ xóo eʼni mbáa tsíʼbu* ráʼ.
Ikhaa ra̱ʼkhá tháán gamíi eʼndijchóó.+
21 Najngúpríga náa xkua̱, nadxuu ga̱jma̱a̱ tsiaki̱i̱ dí gíʼdoo,+asndu nagáyúu ejkha̱ náa nuxmijná.*+
22 Nanduʼwájmaa gamíi ga̱jma̱a̱ tsémíñúu eʼni nimbá.+
Tsétanga̱a̱ skidiʼ eʼni espada.
23 Náa dí kajti flecha najpátuma náa dí níjniúu,asndu naxpíbínʼ kudú* ga̱jma̱a̱ kudú chíʼmbaʼ* índo̱ ndaʼyoo a̱jkha̱ʼ.
24 Asndu nakijxi̱i̱ ga̱jma̱a̱ najkatíyáaʼ ragáyúu,*índo̱ naʼdxawuun dí nawáán chi̱ji̱ʼ nandoo maʼga ragáyúu.*
25 Índo̱ nawáán chi̱ji̱ʼ, naʼndijchóó.*
Asndu mitsínguánʼ eyayuu dí nuxmijnága̱jma̱a̱ naʼdxawuun xóo endxa̱ʼwa̱ bi̱ nutañajúúnʼ soldado ga̱jma̱a̱ dí xóo nundxa̱ʼwa̱ náa kúwá ruxmijná.+
26 Lá ikháán nirasngáá bi̱yú ñúʼúxóo gíʼmaa maʼga rijma̱a̱ ráʼ.
27 O lá ikháán eratañajuíínʼ bi̱yú maʼga̱ rijma̱a̱+ga̱jma̱a̱ dí maʼni xújúunʼ náa mitsídánʼ ráʼ.+
28 Dí mbruʼun naguanúu náa iñúuʼ pátsí,*xtáa náa nda̱a̱ gamíi, náa mbá tsíñu.
29 Asndu ikhí eyáʼ dí mi̱khu̱,+ra̱ʼkhá tháán mitsínguánʼ eyajxi̱.
30 E̱ji̱i̱n naʼwa̱a̱n eʼdi,ga̱jma̱a̱ náa ngúti̱gi̱i̱n bi̱ nikháñún, ikhí ejkha̱”.+
Mbaʼa nota
^ O “nuxngutigamíjna̱”.
^ O “rí nundxa̱ʼwa̱”.
^ Náa ajngáa hebreo naʼthí, “tsígáʼ”.
^ O “avestruz e̱ʼgú”.
^ Náa ajngáa hebreo naʼthí, “niʼni mambumuu rí najmañuu”.
^ Náa ajngáa hebreo naʼthí, “nagájnuu mu maʼga gátsijnuu ajua̱nʼ dí nuxmijná ga̱jma̱a̱”.
^ O “lanza”.
^ O “jabalina”.
^ Náa ajngáa hebreo naʼthí, “na̱ʼkhu̱ ku̱ba̱ʼ”.
^ O mbáa “tséʼdxawuun dí nawáán chi̱ji̱ʼ”.
^ Náa ajngáa hebreo naʼthí, “naʼthí: ¡Ajá!”.
^ Náa ajngáa hebreo naʼthí, “náa iñuuʼ mbá pátsí”.
