Job 3:1-26
3 Nda̱wa̱á dí Job nigíʼnuu xúgíʼ rígi̱, nigíʼdúu niʼthí ma̱ngaa niʼtátsrígú mbiʼi dí nigumaa.+
2 Job niʼthí:
3 “Gandáti̱ga̱a̱ mbiʼi rí nigumún,+ma̱ngaa mbruʼun índo̱ mbáa niʼthí, ‹¡Nigumaa mbáa dxámá!›.
4 Mbiʼi rúʼko̱ gáʼni̱i̱ mikína.
Rí Dios bi̱ xtáa rijma̱a̱ xármáʼáan a̱jkiu̱u̱n kaʼyooga̱jma̱a̱ rí xámbiʼi nimbá aguʼ, náa mbiʼi rúʼko̱.
5 Gi̱khu̱u̱ rí naʼni mikína mbiʼ, mbiʼi rúʼko̱.
Garugoo mbá du̱u̱n dí gíʼdoo ruʼwa, mbiʼi rúʼko̱.
Gaʼnimíñúu mbá xúgíʼ dí naʼni rí mbiʼi maʼni mikína.
6 Mbruʼun rúʼko̱ garugoo..., rí mikína mbiʼ+ga̱jma̱a̱ ni má xáʼdxuun náa mbá xúgíʼ mbiʼidí rígá náa mbá tsiguʼ ni má xárígá náa mbá xúgíʼ gu̱nʼ.
7 ¡Xúʼko̱! Ra̱ʼkhá tháán májánʼ gáʼni á mu tségumaa nimbáa mbruʼun rúʼko̱,ga̱jma̱a̱ xáwáán rí nadxún.
8 Gutatsríguíi mbruʼun rúʼko̱ bi̱ nutatsríguíi mbiʼi,bi̱ maʼngu̱u̱n muxkajui̱i̱ Leviatán.*+
9 Gaʼni mikínii a̱ʼgua̱a̱n bi̱ tri̱gi̱i̱n índo̱ najtsi mbiʼi rúʼko̱,gaʼni dí mbruʼun rúʼko̱ mani̱ndxu̱u̱ ndíí dí magiʼthu̱u̱n agiuuʼ mbiʼiga̱jma̱a̱ ni má xáʼyoo agiuuʼ a̱jkha̱ʼ índo̱ najtsi.
10 Numuu dí mbruʼun rúʼko̱ tárugoo xtíjyúu ru̱dúʼ*+ni má tárkaʼwu náa iduʼ gamiéjunʼ.
11 Ndíjkha rí tákháñuʼ índo̱ nigumún rá.
Ndíjkha rí tákháñuʼ índo̱ nigájnuʼ náa xtíjyúu ru̱dúʼ rá.+
12 Ndíjkha rí nindri̱gún ragómiuu xá.Ga̱jma̱a̱ ndíjkha rí nixni̱xuʼ cháʼdúu xá.
13 Á mu nikháñuʼ tsímáá xtáá ra̱ya̱a̱ jxu̱ʼ xúgi̱,+ga̱jma̱a̱ xtáá ragú ni má nda̱a̱ dí eʼni maxmiéjunʼ+
14 gajmíʼ reyes bi̱ nikúwá náa tsu̱du̱u̱ ku̱ba̱ʼ ga̱jma̱a̱ bi̱ nixnúún consejo,bi̱ nini̱ iñá wajinʼ rí xúgi̱ niguma gámbáa,*
15 o gajmíʼ príncipes bi̱ niguáʼdáá oro,bi̱ asndu nini̱ majthíí náa guʼwún plata.
16 O ndíjkha rí tágrájkhu̱únxó má e̱ji̱n bi̱ nditháan túyáá aguʼ rá.
17 Náa iñá wajinʼ asndu xa̱bu̱ bi̱ nuni̱ dí ra̱májánʼ nánguá exmiéjúúnʼ.Ikhí ndu̱ya̱a̱ jxu̱ún bi̱ néʼngu̱u̱n.+
18 Ikhí bi̱ nikúwá náa guʼwá e̱jua̱nʼ kúwá tsímáá mbá jnduʼ,nánguá edxawíín aʼwóo bi̱ natsudiin rí muñajunʼ.
19 Ikhí bi̱ ragíʼdoo numuu ga̱jma̱a̱ bi̱ gíʼdoo numuu nindxu̱ún mbrígu̱ún,+ma̱ngaa ñumbáá nánguá gíʼdaa patriúun.
20 Náá numuu rí Dios naniñuuʼ maxtáa má xúʼko̱ bi̱ namínúuʼ* rá.Náá numuu rí naniñuuʼ maxtáa bi̱ xtáa ngíná xá.+
21 Ndíjkha rí tsékáñún bi̱ ra̱ʼkhá tháán eñún makhañún rá.+
Bi̱ nduyáʼ itháan makhañún ki xóo mbuyáʼ rí gíʼdoo numuu dí rígá ngu̱ʼwa̱.
22 Ikhiin ra̱ʼkhá tháán gáʼdxún,makuwá gagi índo̱ gúxkamaa iñá wajinʼ.
23 Náá numuu rí Dios naniñuuʼ maxtáa*xa̱bu̱ bi̱ nindáti̱ga̱a̱ náa kambo̱o̱, bi̱ niruguamáʼáan xá.+
24 Ikhaa dí makuíʼtsú natsiná+ga̱jma̱a̱ iyooʼ iduʼ nagadíí xóo iyaʼ.+
25 Numuu dí nigíʼnuʼ dí ra̱ʼkhá tháán emíñúʼ eʼni,ga̱jma̱a̱ rí naʼni mamiñúʼ, ikhaa nigíʼnuʼ.
26 Na̱nguá xtáá tsímáá, naxmiéjunʼ ni má tséya̱a̱ jxu̱ʼ...Nagíʼnuʼ má xúʼko̱ gamiéjunʼ”.
