Job 28:1-28
28 Rígá náa nurawíi plataga̱jma̱a̱ rígá náa nurawíi oro dí naguma kaʼwi̱i̱,+
2 náa ku̱ba̱ʼ nagájnuu hierroga̱jma̱a̱ náa itsí nagájnuu* cobre.+
3 Xa̱bu̱ na̱jkha̱ kayóo aguʼ náa mikína,náa mikína mbiʼ, na̱jkha̱ asndu náa nartumuumu mbayáʼ itsí dí gíʼdoo numuu.
4 Naʼndii iñáʼ mitsínguánʼ náa na̱nguá kúwíin xa̱bu̱,náa ndawa̱a̱ tsáa ejkha̱, náa tségún xa̱bu̱,tikhuun xa̱bu̱ nuguájtaan ga̱jma̱a̱ ñuñuu ga̱jma̱a̱ jngríguíin xa̱bu̱ ruñajunʼ.
5 Náa inuu ku̱ba̱ʼ najma̱a̱ ganitsu,mú náa awúu̱n kanda̱wo̱o̱ʼ xóo aguʼ.*
6 Náa itsí rígá zafiro,ga̱jma̱a̱ náa yujndaʼ rígá oro.
7 Nimbáa xujkhú xnaʼ bi̱ na̱ʼkhu̱ xuwiʼ tséʼya maʼga̱nú asndu ikhí,ni má milano skuniiʼ tséʼyoo.
8 Nimbáa xujkhú xáná bi̱ namajngu̱u̱ʼ táʼga ikhí,león gújkuiiʼ* tájngruigo̱o̱ ikhí.
9 Ga̱jma̱a̱ ñawúunʼ xa̱bu̱ naxnúu itsí gújkhúʼ,narngájxi̱ kúbá asndu níxtuun.
10 Náa itsí naʼni náa maʼga iyaʼ,+ga̱jma̱a̱ iduu ndaʼyoo xúgíʼ rí nindxu̱u̱ mitsaanʼ.*
11 Narugoo iduu iyaʼga̱jma̱a̱ xúʼko̱ nakujmaa rí gíʼdoo numuu dí rígá ngu̱ʼwa̱.
12 Mú dí majmañaaʼ náá gáʼnga̱a̱ʼ gátaxkamaa rá.+Ga̱jma̱a̱ náá e̱ʼkha̱ dí makrua̱ʼa̱a̱ʼ rá.+
13 Nimbáa xa̱bu̱ na̱nguá eʼngo̱o̱ gáʼyoo nguáthá gíʼdoo numuu,+ga̱jma̱a̱ xándoo mataxkamaa náa ku̱ba̱ʼ dí kúwá bi̱ nduya.
14 Iyaʼ mi̱jnu̱ʼ nuthi: ‹¡Nda̱a̱ gi̱i̱!›.
Ga̱jma̱a̱ lamáa* naʼthí: ‹¡Na̱nguá rígá gi̱i̱!›.+
15 Xándoo maratsi̱ ga̱jma̱a̱ oro dí májánʼ.Ni má xándoo maxtiʼkhu ga̱jma̱a̱ mbá ru̱tsu̱u̱ plata.+
16 Xándoo majuiʼtsi̱ ga̱jma̱a̱ oro dí na̱ʼkha̱ náa Ofir,+ni má itsí ónice dí mitsaanʼ ga̱jma̱a̱ zafiro.
17 Oro ga̱jma̱a̱ vidrio xándoo maguma mbríguii ga̱jma̱a̱ ikhaa,ni má xándoo matriʼkhu ga̱jma̱a̱ mbá xua̱a̱ dí niguma ga̱jma̱a̱ oro dí májánʼ.*+
18 Iwáá lá coral* ga̱jma̱a̱ itsí xngiyaʼ,+numuu dí mbá amaʼ náa kajtíí dí majmañaaʼ gíʼdoo itháan numuu ki xóo mbá amaʼ náa kajtíí perla.
19 Itsí topacio+ dí na̱ʼkha̱ náa Cus xándoo maguma mbríguii ga̱jma̱a̱,ni má xándoo majuiʼtsi̱ ga̱jma̱a̱ oro dí májánʼ.
20 Mú, náá mina̱a̱ʼ e̱ʼkha̱ dí majmañaaʼ rá.Ga̱jma̱a̱ náá e̱ʼkha̱ dí makrua̱ʼa̱a̱ʼ rá.+
21 Nirígá ngu̱ʼwa̱ náa mbá xúgíinʼ bi̱ nduya+ga̱jma̱a̱ nirígá ngu̱ʼwa̱ náa xujkhú xnaʼ bi̱ jngruigu̱u̱n rijma̱a̱.
22 Dí naguma gámbáa ga̱jma̱a̱ dí nakháñún xa̱bu̱ nuthi:‹Kááʼ nidxáwíínʼxu ga̱jma̱a̱ numuu dí majmañaaʼ›.
23 I̱ndó Dios ndaʼyoo xóo gátaxkamaa,i̱ndó ikhaa eʼyoo náá rígá,+
24 numuu dí ikhaa ndaʼyoo asndu náa naguámbári̱go̱o̱ ku̱ba̱ʼga̱jma̱a̱ ndaʼyoo xúgíʼ dí rígá náa agoo mekhu.+
25 Índo̱ ikhaa niʼthí nguáthá mba̱a̱ tsiaki̱i̱ gágiʼdoo giñánʼ*+ga̱jma̱a̱ nigiéwan iyaʼ,+
26 índo̱ nigíʼ mbá xtángoo ga̱jma̱a̱ numuu ruʼwa,+mbá kambo̱o̱ giñámbiʼ, du̱u̱n skuniʼ ga̱jma̱a̱ a̱jkhu̱u̱n,*+
27 ikhú Dios ndiʼyoo dí majmañaaʼ ga̱jma̱a̱ niʼthí ndiéjunʼ nindxu̱u̱,ma̱ngaa niʼni dí mawi̱ji̱ jxa̱ʼ dí majmañaaʼ ga̱jma̱a̱ ndiyáʼ mbaʼyoo á mu gíʼdoo numuu.
28 Ga̱jma̱a̱ niʼthúu̱n xa̱bu̱:
‹¡Atayáá! Dí mamiñáanʼ xtayáá Jeobá: Rúʼko̱ nindxu̱u̱ dí majmañaaʼ,+rí xátani̱ dí ra̱májánʼ, rúʼko̱ nindxu̱u̱ dí makrua̱ʼa̱a̱ʼ›”.+
Mbaʼa nota
^ Náa ajngáa hebreo naʼthí, “natsowooʼ”.
^ Nakujmaa rí nandoo gáʼthúu̱n, ñajunʼ dí nurawíi mina.
^ O “león bi̱ gíʼdoo xtátsiu̱u̱n náa aphuu”.
^ O “nagui̱i̱”.
^ O “mar”.
^ O “niguma kaʼwi̱i̱”.
^ Rígi̱ nindxu̱u̱ itsí mitsaanʼ dí rígá náa lamáa.
^ Náa ajngáa hebreo naʼthí, “nguáthá ki̱wu̱n gáʼni giñánʼ”.
^ O “bi̱gu̱”.
