Job 16:1-22
16 Job niriʼña̱a̱ ga̱jma̱a̱ ajngáa rígi̱:
2 “Nidxawuun má wéñuuʼ xóo rígi̱.
¡Ikhaa rí muni̱i̱la a̱jkiu̱nʼ nu̱ni̱ rí mamínuuʼ itháán!+
3 Lá maʼga̱nú mbá mbiʼi dí mambáa ajngáa dí nda̱a̱ dí ejmaa ráʼ.
Ndiéjunʼ eʼniaaʼ dí matriʼña xígi̱ kaʼnii rá.
4 Ikhúún mangúún ma̱ndoo ma̱ta̱ xó má ikháanʼla.
Á mu ikháanʼ kuwáanʼ xó má ikhúún,ikhúún mangúún ma̱ndoo ma̱ta̱ dí raʼkhí ga̱jma̱a̱ numalamaba̱a̱n edxu̱ʼ mu matsijmáanʼla.+
5 Mú xáni̱ xúʼko̱, rí phú gáni̱ maxna̱la tsiaki̱i̱ ga̱jma̱a̱ ajngáa rí gátha,ga̱jma̱a̱ maʼni̱i̱ a̱jkia̱la ajngáa rí gátha.+
6 Á mu na̱tha̱, xáʼni̱i̱ má a̱jkiu̱nʼ+ga̱jma̱a̱ á mu naniʼñúuʼ ra̱ta̱, xáwi̱ji̱i̱ má ra̱ʼkhu̱u̱n.
7 Mú rí xúgi̱ Dios niʼni rí maʼni néʼngo̱ʼ,+mbá miʼtsúú niʼni gámbíin mbá xúgíinʼ bi̱ kúwá náa goʼwóʼ.*
8 Ikhaa* nagutuwún, ga̱jma̱a̱ eʼwíinʼ nduyáá rígi̱,numuu dí ra̱ʼkhá tháán smídiún, ikha jngóo xa̱bu̱ nundxa̱ʼwa̱míjna̱ rí gúʼdoo aʼkhúnʼ.
9 Rí nakásngañu̱u̱ʼ kaʼyoʼ nindxu̱u̱ asndu xóo nirujkhún
ga̱jma̱a̱ ikhaa nawi̱yu̱u̱ʼ kaʼyoʼ,+ naʼkuduun iñuuʼ índo̱ ndaʼyoʼ.
Xa̱bu̱ sia̱nʼ ndrígóʼ asndu nandoo gíkhúʼ índo̱ ndaʼyoʼ.+
10 Nirmbaʼtáá rawúúnʼ mutsijmún,+nixnáá inuʼ mu musngajma rí tsíñún gúyoʼ,ga̱jma̱a̱ nigimbíin xúgíinʼ mu maguwáʼ gúnimiñúʼ.+
11 Dios naxnájxu̱u̱n náa ñawúúnʼ jiámága̱jma̱a̱ naniñuʼ náa ñawúúnʼ xa̱bu̱ ra̱míjíinʼ mu muni̱ ngínún.+
12 Tsímáá xtáá, mú mbá nacha̱ niʼni ngínún,+niguajtuun rexo̱ʼ ga̱jma̱a̱ nikujmbiri̱gu̱u̱n,ga̱jma̱a̱ niʼni jmbuu fléchóo mu maxnúʼ.
13 Xa̱bi̱i̱ bi̱ kuda xkamídá nurugua̱mu̱ʼu̱u̱n,+ikhaa tségáwíinʼ a̱jkiu̱u̱n kaʼyoʼ ga̱jma̱a̱ flecha ndrígóo najuada jngaa náa riñón ndrígóʼ,+naxídíí mbayííʼ náa ku̱ba̱ʼ ndiyúʼ.
14 Nindxu̱ʼ xóo mbá xtájtsí náa dí ikhaa naxkudiriyaʼ mu manújngoo nángi eʼni,ga̱jma̱a̱ na̱jkha̱ taʼmaaʼ náa tsu̱du̱ʼ xóo eʼni mbáa soldado.
15 Ni̱xmi̱ xtíin dí mi̱du̱* mu maguʼwúnʼ,+ni̱jkha̱nú niʼni ngínún* ga̱jma̱a̱ gúnʼ náa yujndaʼ.+
16 Asndu naʼni maña̱ʼ inuʼ dí nambi̱ya̱ʼ wéñuuʼ,+ga̱jma̱a̱ asndu niʼjuan iduʼ,
17 nagíʼnúʼ rígi̱ maski ajndu ikhúún na̱nguá ni̱ni̱ gawúunʼ nimbáa,ga̱jma̱a̱ dí natajkháan nindxu̱u̱ kaʼwu.
18 ¡Ku̱ba̱ʼ, xátruguáá eʼdiuʼ!+
¡Ga̱jma̱a̱ xáʼni wíí dí nandxa̱ʼwa̱!
19 Xúgi̱, xtáa mbáa náa mekhuíí bi̱ ma̱ndoo maʼthí dí ragúʼdoo aʼkhúnʼ,bi̱ ma̱ndoo maʼtambáyúʼ xtáa náa mitsídánʼ.
20 Bi̱ nambájxu̱ʼ gajmíʼ nutsijmún,+índo̱ xtáá rambi̱ya̱ʼ náa* inuu Dios.+
21 Gaxtáa mbáa bi̱ maʼtambáyúʼ náa inuu Dios,xó má gáʼni mbáa mu maʼtambáyúu xa̱bu̱ numbaaʼ ga̱jma̱a̱ náa i̱mba̱a̱.+
22 Numuu rí nánguá mba̱yu̱u̱ʼ tsiguʼ xóó maxtáága̱jma̱a̱ maʼgáaʼ náa kamba̱a̱ ni xátangu̱ún.+
