Job 17:1-16
17 Nánguá gúʼdoo tsiaki̱i̱, ga̱jma̱a̱ gi̱í tsékháñúʼ.Gíʼthu̱nʼ iñá wajinʼ.+
2 Nurugua̱ mu̱ʼu̱u̱n bi̱ nutsijma+ga̱jma̱a̱ iduʼ ndaʼyoo dí ra̱májánʼ dí nuni̱.
3 Mbá péñu,* arathúnʼ á mu gajkhun matambáyúʼ.
Tsáá i̱mba̱a̱ gámbáyúʼ rá.+
4 Ikháán nitruguáá edxu̱ún* xa̱bu̱ bugi̱ mu dí xákru̱ʼu̱u̱n.+Ikha jngóo tsétatsíñáánʼ dí mundrigú gamajkhu.
5 Á mu mbáa rí ikhiin nandoo maxnún rí gíʼdoo bi̱ nambájxu̱u̱ gajmíi̱n,índo̱ e̱ji̱i̱n tsíyejxi̱ kaʼwu numuu rí naxkidxu̱u̱n.
6 Dios niʼni rí mani̱ndxu̱ʼ rí mutsijmaa* xa̱bu̱,+ikha jngóo dí xúgi̱ nundujtááʼ inuʼ.+
7 Iduʼ naʼni ngidiʼ dí najmúʼ,+ñawúnʼ ga̱jma̱a̱ rajkúʼ niʼni̱i̱ i̱ndó itsu.
8 Índo̱ nduyáá rígi̱, xa̱bu̱ míjíinʼ naʼniún tsiánguá,ga̱jma̱a̱ xa̱bu̱ bi̱ nda̱a̱ aʼkhúun tsénigu̱u̱ʼ mbaʼyoo rí naʼni xa̱bu̱ ra̱májáanʼ.*
9 Xa̱bu̱ májáanʼ tséniñuuʼ kambo̱o̱+ga̱jma̱a̱ bi̱ nda̱a̱ aʼkhúun naʼni tsiakimínáʼ maʼni itháán dí májánʼ.+
10 Mú gaguwaʼla mbá xúgiáanʼ ikháanʼ ga̱jma̱a̱ guta̱la má xúʼko̱,numuu rí táxkamaa nimbáa bi̱ najmañuu náa ikháanʼla.+
11 Nánguá mba̱yu̱u̱ʼ maxtáá,+awan rí gúʼdoo, dí nandoo maʼni a̱jkiu̱nʼ, niguámbáa.+
12 Ikhiin nuthi má xúʼko̱ rí minduwaʼ, raʼkháa dí gajkhun,*nuthi má xúʼko̱: ‹Aguʼ rígá mijngii, mú i̱ndó mikína e̱yo̱o̱ ikhúún›.
13 Á mu nagúʼthu̱u̱n, Iñá wajinʼ* gánindxu̱u̱ goʼwóʼ,+matíga̱ xia̱wuʼ migú náa mikína.+
14 Mandxaʼwajmáan iñá wajinʼ:+ ‹¡Ikháán nindxa̱a̱ʼ anu̱ʼ!›.*
Ga̱jma̱a̱ ñu̱u̱ mathu̱u̱n: ‹¡Ikháanʼ nindxa̱la ru̱dúʼ* ga̱jma̱a̱ a̱ngui̱nʼ wa̱ʼxa̱ʼ!›.*
15 Ikha jngóo, náá rígá dí gúʼthu̱u̱n rá.+
Tsáá gáʼngo̱o̱ gáʼyoo dí gúʼthu̱u̱n rá.
16 Rí gúʼthu̱u̱n magajta̱a̱ náa xkrugoo Iñá wajinʼ* dí jngutáʼa jngayuu ixi̱,índo̱ xúgiáánʼ gúʼguáaʼ náa yujndaʼ”.+
Mbaʼa nota
^ O “Atani̱ mbá rí májánʼ”.
^ Náa ajngáa hebreo naʼthí, “a̱jkiu̱ún”.
^ Náa ajngáa hebreo naʼthí, “mbá proverbio náa”, “mbá refrán náa”.
^ O “apóstata”.
^ Náa ajngáa hebreo naʼthí, “nuni̱ rí mbruʼun maʼni mbiʼi”.
^ O “táteʼ”.
^ O “náneʼ”.
^ O “i̱jín go̱ʼo̱”.
^ Náa ajngáa hebreo naʼthí, “Seol”.
