Job 29:1-25
29 Job niʼthí xóó.* Niʼthí:
2 “Ra̱ʼkhá tháán májánʼ gáʼni á mu natanga̱a̱ gu̱nʼ rí nijngoo,nákha mbiʼi rí Dios nañewu̱nʼ,
3 nákha ikhaa naʼni dí mambiʼi lámpara ndrígóo náa ikhúúníndo̱ nijngruigo̱ʼ náa mikína,+
4 nákha mbiʼi dí nindxu̱ʼ dxámá ga̱jma̱a̱ gúʼdoo tsiaki̱i̱,nákha rí nambájxu̱ʼ ga̱jmu̱ʼ Dios naʼni rí maʼni mitsaanʼ* goʼwóʼ,+
5 nákha mbiʼi rí bi̱ gíʼdoo xúgíʼ Tsiaki̱i̱ xtáa ga̱jma̱á nindxu̱ʼ,índo̱ e̱ji̱nʼ* jngruigu̱u̱n mbájndi náa ikhúún,
6 nákha mbiʼi rí najñáa rajkúʼ náa mantequillaga̱jma̱a̱ náa itsí nagájnuu mbaji̱ʼ aceite dí najmuʼ.+
7 Nákha ikhúún nagájnuʼ náa xkrugoo xuajin+ga̱jma̱a̱ naʼgúnʼ náa xuáá,+
8 jiámá nduyoʼ ga̱jma̱a̱ nuniñu̱nʼ manújngoʼ,*asndu xabuanii natujxu̱u̱n ga̱jma̱a̱ naguájun.+
9 Príncipes naguanún wíí,nuruguáá rawúúnʼ ga̱jma̱a̱ ñawúúnʼ.
10 Xa̱bu̱ bi̱ guáʼdáá numún nándáa dí ethi,raju̱ún nakáʼma náa xákhúún.
11 Xúgíinʼ bi̱ nudxawunʼ nuthi dí májánʼ ga̱jma̱a̱ numuʼ,ga̱jma̱a̱ xúgíinʼ bi̱ nduyoʼ nutambáyúʼ.
12 Numuu dí ikhúún na̱ni̱ kríya̱a̱ʼ xa̱bu̱ ngínáa bi̱ nandxaʼwá rí mixtambáyíí,+ga̱jma̱a̱ a̱ʼdá wáʼa ma̱ngaa bi̱ ndawa̱a̱ tsáá mambáyúu.+
13 Bi̱ na̱jkha̱ rakháñun naʼni tsajkurámúúnʼ,+ga̱jma̱a̱ ikhúún na̱ni̱ rí maʼdxuu a̱jkiu̱u̱n a̱ʼgú xuáʼa.+
14 Niguʼwúnʼ rí jmbu xóo xtíin,rí májánʼ dí na̱ni̱ nindxu̱u̱ xóo xtíin mbi̱jua̱* dí naʼgíʼ ga̱jma̱a̱ mbá xtíin dí grígu edxu̱ʼ.
15 Ikhúún nijkhánú ninindxu̱ʼ xóo iduu bi̱ tsíkruigo̱o̱ga̱jma̱a̱ xóo rajkhúu bi̱ gúʼxíiʼ.
16 Ikhúún ninindxu̱ʼ xóo anu̱u̱* xa̱bu̱ ngínáa,+ndiʼyáʼ mba̱yo̱o̱ xóo gándoo gámbáyúu mu mambanúu numuu bi̱ tséniʼníiʼ.+
17 Ikhúún najkumígu itsu̱ rawuunʼ bi̱ naʼni dí ra̱májánʼ+ga̱jma̱a̱ naxmatríya̱a̱ʼ náa rawuunʼ bi̱ naʼkhu̱u̱.
18 Ni̱tha̱: ‹Náa goʼwóʼ* gákáñúnʼ,+ga̱jma̱a̱ mbiʼi rí gáxtáá mani̱ndxu̱u̱ xóo jui̱ʼi̱ dí ra̱ʼkhá tháán mbaʼa.
19 Mani̱ndxu̱ʼ xóo mbá ixi̱ rí maxkraʼa ajmu̱u̱ asndu náa iyaʼ,ga̱jma̱a̱ xuájyaʼ majngrígú náa ñawúnʼ kañiiʼ mbruʼun.
20 Xa̱bu̱ nuxnuʼ má xúʼko̱ gamajkhuga̱jma̱a̱ magúʼdoo má xúʼko̱ tsiaki̱i̱›.*
21 Xa̱bu̱ ra̱ʼkhá tháán guáʼthi̱i̱n mudxawunʼ,asndu wíí tri̱gi̱i̱n mudxawíín consejo rí gáxnu̱u̱n.+
22 Índo̱ naguámboʼ ra̱ta̱, nándáa má i̱mba̱ rí ikhiin muthi,ra̱ʼkhá tháán nanigu̱u̱nʼ mudxawíín rí na̱tha̱.*
23 Nuguáʼthu̱nʼ xóo eguáʼthi̱i̱n ruʼwa,nuxuaja̱n ma̱ja̱nʼ rawúúnʼ xóo eni̱ mu mu̱wa̱a̱n iya ruʼwa dí naxnúu nda̱wa̱á.+
24 Índo̱ asndu xnduʼwá inuʼ e̱ñu̱u̱n, naʼniún gakhi̱i̱ munimbu̱u̱n,índo̱ nduyáá inuʼ rí nadxuʼ, naʼni̱i̱ a̱jkiu̱ún.*
25 Xóo bi̱ kayá edxu̱u̱ náa ikhiin, ikhúún naxnu̱u̱n ikha,ga̱jma̱a̱ nixtáá xóo mbáa rey náa majñu̱únʼ soldado ndrígu̱ún,+xóo mbáa bi̱ naʼni rí maʼni̱i̱ a̱jkiu̱ún bi̱ kúwá ngíná.+
Mbaʼa nota
^ Náa ajngáa hebreo naʼthí, “proverbio”.
^ O “nagui̱i̱”.
^ O “bi̱ numbayúʼ”.
^ Náa ajngáa hebreo naʼthí, “nurkaʼwumijná”.
^ O “xtíin dí nda̱a̱ ñawúunʼ”.
^ O “tátée”.
^ Náa ajngáa hebreo naʼthí, “xújúnʼ”.
^ O “ma̱da̱ʼ má xúʼko̱ flecha ga̱jma̱a̱ xkamídá”.
^ Náa ajngáa hebreo naʼthí, “ajngóʼ natsowooʼ náa ikhiin”.
^ O mbáa “ikhiin tséni̱ rí maʼni mikína agiuuʼ inuʼ”.
