Job 34:1-37
34 Ikhú Elihú niʼthí má xúʼko̱. Niʼthí:
2 “Gudxawíín rí na̱tha̱, ikháanʼ bi̱ najmañala,gudxawunʼ, ikháanʼ rí najmañala wéñuuʼ.
3 Numuu rí cháʼwuun xa̱bu̱ ndaʼyoo xóo ewán ajngáa,ga̱jma̱a̱ raju̱u̱n* ndaʼyoo xóo miʼtsí ganitsu.
4 Guʼyáʼ má ikháánʼlú mbuʼyáá ndiéjunʼ dí jmbu,ga̱jma̱a̱ guʼyáá má ikháánʼlú ndiéjunʼ dí májánʼ.
5 Numuu dí Job niʼthí: ‹Ikhí dí na̱tha̱,+mú Dios tándoo gáʼniuʼ rí májánʼ.+
6 Lá ma̱ndoo ma̱ni̱ nduwaʼ mu xúʼko̱ magumún rí májánʼ ráʼ.
Rakáʼnii maʼni̱i̱ náa nigawúnʼ maski ajndu táni nimbá dí raʼkhí›.+
7 Lá xtáa imba̱a̱ xa̱bu̱ xóo Job,bi̱ naʼga̱a̱n dí nutsijmaa xóo eʼga̱a̱n iyaʼ ráʼ.
8 Ikhaa na̱jkha̱ kidxúúnʼ bi̱ nuni̱ dí ra̱májánʼga̱jma̱a̱ ndayáʼ mambajxúu gajmíi̱n xa̱bu̱ ra̱míjíinʼ.+
9 Numuu dí niʼthí: ‹Xa̱bu̱ nda̱a̱ rí edaaʼrí nagíminaʼ maʼni rí maʼdxuu a̱jkiu̱u̱n Dios›.+
10 Ikha jngóo gudxawunʼla, xa̱bu̱ bi̱ nakru̱ʼu̱u̱n:
¡Xándoo rí Dios bi̱ gajkhun maʼni dí ra̱májánʼ,+xándoo rí bi̱ gíʼdoo xúgíʼ Tsiaki̱i̱ maʼni mbá dí raʼkhí!+
11 Numuu rí ikhaa maʼni numa̱a̱ mámbáa xa̱bu̱ xó má rí naʼni+ga̱jma̱a̱ maʼni rí ikhaa má gámínuuʼ ga̱jma̱a̱ numuu rí naʼni.
12 Nakujmaa kaʼwu rí Dios tséʼni dí ra̱májánʼ,+bi̱ gíʼdoo xúgíʼ Tsiaki̱i̱ naʼni má xúʼko̱ rí májánʼ.+
13 Tsáá lá nirajkuáa ñawúunʼ mu mañewu̱u̱n ku̱ba̱ʼga̱jma̱a̱ tsáá lá nigíiʼ mu maʼtáñajuunʼ mbá xúgíʼ numbaaʼ* xá.
14 Á mu nawi̱yu̱u̱ʼ kaʼñún xa̱bu̱ numbaaʼga̱jma̱a̱ narígúu vida ndrígu̱ún, ma̱ngaa naríya̱a̱ʼ xi̱ʼ náa ikhiin,+
15 mbá miʼtsúú gákháñún mbá xúgíinʼ xa̱bu̱ numbaaʼga̱jma̱a̱ maguajthi̱ín yujndaʼ.+
16 Ikha jngóo á mu nakrua̱ʼa̱a̱ʼ atagíʼ edxa̱a̱ʼ matadxawíín rígi̱,atadxawíín májánʼ rí na̱tha̱.
17 Lá majmaa maʼtáñajunʼ mbáa bi̱ tsíyoo gáʼyoo rí májánʼ ráʼ.O lá marata̱ dí magíʼnuu mbáa xa̱bu̱ ñajunʼ bi̱ naʼtáñajunʼ májánʼ ráʼ.
18 Lá maratha̱a̱n mbáa rey ‹Nda̱a̱ dí ejmáán ján›
o maratha̱a̱n mbáa xa̱bu̱ bi̱ gíʼdoo numuu ‹Xa̱bu̱ ra̱májáanʼ nindxa̱a̱ʼ ján›.+
19 Xtáa mbáa bi̱ na̱nguá eʼñún mixtiʼkuiin príncipes ga̱jma̱a̱ eʼwíinʼ xa̱bu̱,ikhaa tséʼniuu itháán májánʼ xa̱bu̱ bi̱ gíʼdoo ki xóo xa̱bu̱ ngínáa,+numuu dí mbá xúgíinʼ ikhiin niʼnii ga̱jma̱a̱ ñawúunʼ.+
20 Nda̱a̱ tsu̱ma̱ ma̱ndoo makhañún+ índo̱ tikhu nduʼun,+ra̱ʼkhá tháán gamíi eguíʼiin ga̱jma̱a̱ nakháñún,asndu bi̱ guáʼdáá tsiaki̱i̱ naguma gámbíin, mú raʼkháa xa̱bu̱ú eʼni.+
21 Numuu rí iduu Dios ndaʼyoo xúgíʼ kambo̱o̱ xa̱bu̱,+ga̱jma̱a̱ ndaʼyoo xúgíʼ dí naʼni.
22 Nda̱a̱ nimbá náa mikínambiʼnáa ma̱ndoo murkaʼwumijná bi̱ nuni̱ dí ra̱májánʼ.+
23 Numuu rí Dios na̱nguá nigíʼ mbá mbiʼi mu nimbáa xa̱bu̱maʼga náa ikhaa mu manda̱ʼa̱a̱ cuenta.
24 Naʼni gámbáa xa̱bu̱ ñajunʼ dí asndu tséyáʼ mbaʼyoo ga̱jma̱a̱ numuuga̱jma̱a̱ nagruigi̱i̱n eʼwíinʼ muni̱ ñajunʼ ndrígóo.+
25 Numuu dí ikhaa ndaʼyoo dí kúwá runi̱,+naʼngo̱o̱ naxmínaʼ gajmíi̱n dí mbruʼun ga̱jma̱a̱ nakujmbiri̱gi̱i̱n.+
26 Numuu rí nindxu̱ún xa̱bu̱ ra̱míjíinʼ,ikha jngóo naxnún náa inún mbá xúgíinʼ,+
27 numuu rí niniña̱a̱nʼ+ga̱jma̱a̱ nánguá eni̱ xóo eʼthí xtángoo ndrígóo.+
28 Ga̱jma̱a̱ numún ikhiin, xa̱bu̱ ngíníi nundxa̱ʼwa̱ náa Dios mu mambáñún,ga̱jma̱a̱ ikhaa naʼdxawuun rí nundxa̱ʼwa̱ bi̱ tséjmiin gúmbayúmíjná.+
29 Índo̱ Dios naguanúu wíí, tsáá gándoo gáʼthí dí magíʼnuu xá.
Índo̱ narkaʼwu inuu, tsáá gándoo gáʼyoo xá.
Tséʼniuu á mu narkaʼwu inuu náa xa̱bu̱ xuajin o náa mbáwíí xa̱bu̱, ikháá má dí gárígá:
30 Xándoo maʼtáñajunʼ mbáa xa̱bu̱ ra̱májáanʼ*+ni má xándoo maʼni ngíníi xa̱bu̱ xuajin.
31 Lá ma̱ndoo mbáa maʼthúu̱n Dios:‹Nini̱ ngínún maski ajndu táni nimbá dí ra̱májánʼ› rá’.+
32 Lá maʼthí ikhaa, ‹atasngájmuʼ mba̱yo̱o̱ dí nikiéʼkhúnʼ,á mu ni̱ni̱ dí raʼkhí, ni xátangaán ma̱ni̱ mbu̱júu̱ ráʼ.
33 Lá gíʼmaa dí ikhaa maʼni numa̱a̱ʼ xó má ikháán eyaaʼ maski ajndu nitani̱ gaʼduunʼ dí ikhaa niraʼwíí maʼni xáʼ.
Ikháán má tayáá rúʼko̱, raʼkháa ikhúún,
ikha jngóo arathúnʼ ga̱jma̱a̱ numuu rúʼko̱ dí natayáá májánʼ.
34 Xa̱bu̱ bi̱ nakru̱ʼu̱u̱n ga̱jma̱a̱ bi̱ najmañún,bi̱ gúdxawunʼ muthunʼ:
35 ‹Job mbaʼ naʼthíí,+ga̱jma̱a̱ ajngáa rí naʼthí nasngájma dí tsékro̱ʼo̱o̱›.
36 ¡Gamínuuʼ má xúʼko̱ Job* xó má eʼngo̱o̱ mu makujmaa xóo nindxu̱u̱,numuu dí nariʼña xóo xa̱bu̱ ra̱míjíinʼ!
37 Raʼkháa i̱ndó gíʼdoo aʼkhúun, ma̱ngaa tséʼnimbo̱o̱.+¡Naxnúu ñawúunʼ rí natsíjma náa inuxu̱ʼga̱jma̱a̱ naʼthí má xúʼko̱ dí raʼkhí ga̱jma̱a̱ numuu Dios bi̱ gajkhun!”.+
