Job 26:1-14
26 Job niriʼña̱a̱ ga̱jma̱a̱ ajngáa rígi̱:
2 “¡Xígi̱ kaʼnii etambáyíí bi̱ ragíʼdoo tsiaki̱i̱ ikháán kaʼnii rá!
¡Nitani̱ kríya̱a̱ʼ xa̱bu̱ bi̱ nánguá gíʼdoo tsiaki̱i̱ xúgi̱ rá!+
3 ¡Ra̱ʼkhá tháán májánʼ consejo niraxnáá bi̱ tséjmañuu!+
¡Ra̱ʼkhá tháán májáanʼ a̱jkia̱a̱nʼ dí nitasngájma ku̱ma̱ dí gajkhun rí xtaʼdáá!
4 Tsáá etagíminaʼ maratha̱a̱n rá.Ga̱jma̱a̱ tsáá eʼtháanʼ marata̱ xígi̱ kaʼnii rá.*
5 Bi̱ nikháñún asndu naguíʼiin,itháan má mi̱jnu̱ʼ kúwá ikhiin ki xóo iyaʼ ga̱jma̱a̱ bi̱ kúwá náa iyaʼ.
6 Náa Iñá wajinʼ,* nda̱a̱ nimbá rí ngo̱ʼo̱o̱ náa iduu Dios,*+ga̱jma̱a̱ ikhaa ndaʼyoo xúgíʼ dí rígá náa dí naguma gámbáa.*
7 Ikhaa naxtriga̱ mekhu* náa nda̱a̱ dí rígá,+ga̱jma̱a̱ ku̱ba̱ʼ nda̱a̱ rí kayóo.
8 Ikhaa nambróʼoo iyaʼ náa du̱u̱n,+mu du̱u̱n xútu ga̱jma̱a̱ rí miki̱wu̱n.
9 Narugoo xílí* náa naʼtáñajunʼ,naxtriga̱ du̱u̱n náa tsu̱du̱u̱ xíliu̱u̱.+
10 Natámáʼ mbá ndawaa náa tsu̱du̱u̱ iyaʼ, dí naruiʼta̱a̱ mekhu ga̱jma̱a̱ iyaʼ,+natíga̱ mbá náa martumuu aguʼ ga̱jma̱a̱ dí mikína.
11 Asndu naguáʼaan rajkhúu mekhu,namíñúún índo̱ naríñún.
12 Naʼba̱a̱n lamáa* ga̱jma̱a̱ tsiaki̱i̱ ndrígóo,+ga̱jma̱a̱ dí nakro̱ʼo̱o̱ najmuu mu marujkuii xujkhúʼ mba̱a̱ bi̱ xtáa náa lamáa.*+
13 Ga̱jma̱a̱ jxu̱u̱ʼ* naʼni kaʼwi̱i̱ mekhu,ñawúunʼ najuadangayiiʼ a̱bu̱nʼ bi̱ naxmájtaminaʼ.
14 ¡Gu̱ya̱a̱la! Rawu̱únʼ kambo̱o̱ nindxu̱u̱ rígi̱,+¡kááʼ mañu̱ú niwán niʼdxawíín ga̱jma̱a̱ numuu ikhaa!
Ikha jngóo, tsáá gáʼngo̱o̱ gákro̱ʼo̱o̱ xóo eʼni dí majmidá a̱jkhu̱u̱n* rá.”+
