Job 15:1-35
15 Elifaz+ xa̱bu̱ Temán niriʼña̱a̱ ga̱jma̱a̱ ajngáa rígi̱:
2 “Lá ma̱ndoo dí mbáa xa̱bu̱ bi̱ najmañuu mariʼña̱a̱ ga̱jma̱a̱ ajngáa dí ragíʼdoo numuu ráʼ.O lá maʼni majtíí náa a̱jkiu̱u̱n rí nandxa̱ʼwáminaʼ* dí nindxu̱u̱ ra̱májánʼ xáʼ.
3 Nda̱a̱ dí eyambáá mbá kayuuʼ dí mbáa bi̱ najmañuu maxprígúu mbáa ga̱jma̱a̱ ajngáa dí ragíʼdoo numuu,ga̱jma̱a̱ dí naʼthíí xáʼni marigá mbá dí májánʼ.
4 Numuu dí ikháán natani̱ dí gamíi ndrígóo Dios ni xágiʼdoo numuu,ga̱jma̱a̱ natani̱ dí xa̱bu̱ ni xúndxa̱ʼwa̱míjna̱ wéñuuʼ ga̱jma̱a̱ numuu Dios.
5 Numuu dí aʼkháanʼ naʼniaaʼ dí marata̱*ga̱jma̱a̱ asndu tsu̱ma̱á etayáʼ xóo marata̱ mu matani̱ nduwaʼ.
6 Ajngáa dí naratá nasngájma rí xtaʼdáá aʼkháanʼ, raʼkháa ikhúún etha̱a̱nʼ,ajngáa dí naratá naʼthí dí raʼkhí ga̱jma̱a̱ numaaʼ.+
7 Lá ikháán nindxa̱a̱ʼ timbáa xa̱biya̱ bi̱ nigumaa ráʼ.Lá ikháán nigumán ginií ki xóo bíjní ráʼ.
8 Lá natadxawíín dí Dios naʼtámíjná gajmíi̱n ángeles ráʼ.O lá mbáwíín ikháán ejmañaaʼ ráʼ.
9 Ndiéjunʼ lá wéñuuʼ etayáá dí ikháanʼ tséya̱a̱xu rá.+
Ndiéjunʼ lá ekrua̱ʼa̱a̱ʼ dí ikháanʼ tsékru̱ʼu̱xu rá.
10 Náa ikháanʼxu̱ kúwá xa̱bu̱ bi̱ guáʼdáá xngiʼxún ga̱jma̱a̱ xabuanii,+itháán má wanii ikhiin ki xóo ana̱a̱ʼ.*
11 Lá tséʼtháanʼ mbaʼa ajngáa Dios mu maʼni̱i̱ a̱jkia̱a̱nʼ ráʼ.O lá tséʼni̱i̱ a̱jkia̱a̱nʼ ajngáa wabaʼ dí najuiʼtháanʼ ráʼ.
12 Náá numuu rí natani̱ xó má eyoo a̱jkia̱a̱nʼ rá.Ga̱jma̱a̱ náá numuu rí nakiʼnán xtayuxu rá.
13 Numuu rí nakásngaña̱a̱nʼ xtayáá Dios,ikha jngóo xígi̱ kaʼnii erathá.
14 Xú káʼnii gándoo dí mbáa xa̱bu̱ numbaaʼ mani̱ndxu̱u̱ kaʼwii,o xú káʼnii gándoo dí bi̱ nagumaa náa mbáa a̱ʼgu̱ mani̱ndxu̱u̱ májáanʼ rá.+
15 Natayáá ráʼ. Dios tséku̱mu̱u̱ kaʼñún ángeles ndrígióo,*ga̱jma̱a̱ asndu mekhu na̱nguá kaʼwu eʼyoo ikhaa.+
16 ¡Iwáá lá mbáa xa̱bu̱ bi̱ naʼni rí tsaga ga̱jma̱a̱ dí ikhaa nawi̱yu̱u̱ʼ kaʼyoo,+mbáa xa̱bu̱ bi̱ ra̱ʼkhá tháán egua̱ʼa̱ maʼni dí ra̱májánʼ, xóo eʼni mbáa bi̱ nakándawuuʼ maga̱a̱n iyaʼ!
17 Atadxawíín, rígá mbá dí nandoʼ matha̱a̱nʼ.
Matha̱a̱nʼ mbá dí ikhúún ndi̱yo̱o̱,
18 dí nithi bi̱ najmañún ga̱jma̱a̱ na̱nguá nirkaʼwúúndí nidxawíín nithi anu̱ún.+
19 I̱ndó ikhiin nijuixnún ku̱ba̱ʼga̱jma̱a̱ nimbáa xa̱bu̱ na̱ʼkha̱á na̱nguá ninújngoo ikhí.
20 Xa̱bu̱ ra̱májáanʼ bi̱ naʼni ngíníi eʼwíinʼ namínúuʼ xúgíʼ mbiʼi rí xtáa,naraʼnuu xkujndu náa mbá xúgíʼ tsiguʼ rí xtáa.
21 Naʼdxawuun aʼwá gamíi,+índo̱ xtáa tsímáá nuni̱ ngínáa kuʼwáʼ.
22 Ikhaa naku̱mu̱u̱ rí xáʼngo̱o̱ gákríya̱a̱ʼ náa dí wíji̱ mamínuuʼ,+numuu dí rígá mbá espada rí gíʼthu̱u̱n maxíyáa.
23 Mbaʼ jngruigo̱o̱ rayáʼ ganitsu...,* ga̱jma̱a̱ ikhaa naʼthí: Náá rígá ganitsu rá.
Ndaʼyoo májánʼ dí na̱ʼkha̱ mijngii mbiʼi dí wíji̱ mamínuuʼ.
24 Gamiéjunʼ ga̱jma̱a̱ ga̱ʼkhu̱ tséniña̱a̱ʼ runi̱miñíí,naguwáʼ náa ikhaa xóo mbáa rey bi̱ inu muxmijná gajmiún.
25 Numuu dí ikhaa nakujxi̱ ñawúunʼ mu maʼnimíñuu Diosga̱jma̱a̱ naʼniminaʼ rí matsíjmaa bi̱ gíʼdoo xúgíʼ Tsiaki̱i̱,
26 ikhaa naʼnimbamínáʼ náa Dios ga̱jma̱a̱ asndu nagáyúu ejkha̱ maxmína̱ʼ ga̱jma̱a̱,kayá escudo rí mi̱du̱ ga̱jma̱a̱ rí gújkhúʼ.
27 Niʼni mba̱ʼu̱ xuwiʼ inuu,ga̱jma̱a̱ niʼni mba̱ʼu̱ xuwiʼ tsaguuʼ,
28 ikhaa xtáa náa xuajin dí maguma gámbáa,ga̱jma̱a̱ náa guʼwá dí maguanáa,dí maʼga̱nú mani̱ndxu̱u̱ mbá ru̱tsu̱u̱ itsí.
29 Xáʼga̱nú magiʼdoo ni má xájoo dí gíʼdoo,ga̱jma̱a̱ mbá xúgíʼ dí gíʼdoo mandáti̱ga̱a̱ náa tsu̱du̱u̱ ku̱ba̱ʼ.
30 Xákríya̱a̱ʼ náa dí wíji̱ mamínuuʼ,ikhaa mani̱ndxu̱u̱ xóo mbá ixi̱ rí nikha ñawúunʼ* ga̱jma̱a̱ mbá riʼyu̱u̱ aguʼ,ga̱jma̱a̱ mbá xi̱ʼ dí nagájnuu náa rawuunʼ Dios maʼni mbátíga̱a̱.+
31 Ragíʼmaa maʼni nduwaminaʼ ni má ragíʼmaa maku̱mu̱u̱ kaʼyoo náa dí ragíʼdoo numuu,numuu dí á mu naʼni xúʼko̱ kaʼnii magruigúu dí ragíʼdoo numuu.
32 Xájyúuʼ má dí magíʼnuu rígi̱,ga̱jma̱a̱ ñawúunʼ xáʼga̱nú majmi̱di̱.+
33 Mani̱ndxu̱u̱ xóo ixi̱ uva dí najngutígú xndúu nákha xóó tséʼgo̱o̱,ga̱jma̱a̱ xóo mbá ixi̱ olivo dí najngutígú riʼyu̱u̱.
34 Numuu dí xákúwá bi̱ maguwáʼ náa xa̱bu̱ ra̱míjíinʼ,*+ga̱jma̱a̱ aguʼ matsikáa guʼwá xtíin ndrígu̱ún bi̱ nundrigú regalo mu muni̱ dí ra̱májánʼ.
35 Nundxa̱ʼwa̱míjna̱ dí raʼkhí ga̱jma̱a̱ nuni̱ má xúʼko̱ dí naʼni gawúúnʼ eʼwíinʼ,ga̱jma̱a̱ náa a̱jkiu̱ún gíwánʼ dí muni̱ nduwaʼ”.
Mbaʼa nota
^ O “giñánʼ dí na̱ʼkha̱ xígií náa nagájnuu a̱jkha̱ʼ”. Nandoo gáʼthúu̱n giñánʼ mijkha dí naxnúu náa ku̱ba̱ʼ mijxooʼ.
^ O “nakiéʼkháanʼ naʼniratoo rawaanʼ”.
^ O “tátiáaʼ”.
^ Náa ajngáa hebreo naʼthí, “bi̱ kaʼwiin”.
^ Náa ajngáa hebreo naʼthí, “pan”.
^ Xóo muʼthá, asndu ndiéjunʼ má rí gíʼthu̱u̱n maʼni̱i̱ a̱jkiu̱u̱n.
^ O “apóstatas”.
