Job 19:1-29
19 Job niriʼña̱a̱ ga̱jma̱a̱ ajngáa rígi̱:
2 “Asndu nguáná gúniʼñááʼ ru̱ni̱ xkájkiunʼla+ga̱jma̱a̱ ru̱ta̱ ajngáa rí naʼni gawúunʼ a̱jkiu̱nʼ.*+
3 Nindxa̱ʼwa̱jmúún má mbá gu̱wa̱ʼ nuthu,ga̱jma̱a̱ tsétiyala rí tségáwíinʼ a̱jkia̱la kuyoʼ.+
4 Á mu dí gajkhun rígá mbá dí nikiéʼkhunʼikhúún má gáni̱ numa̱a̱.
5 Á mu tséniʼñááʼla ru̱ni̱ mbaʼumíjna̱ náa ikhúúnga̱jma̱a̱ nu̱tala rí kaʼyoʼ magíʼnuu majthi̱ʼ rígi̱,
6 gu̱ya̱a̱la dí Dios nindxu̱u̱ bi̱ niʼni nduwúúnʼ,ikhaa nigugúún ga̱jma̱a̱ amaʼ dí naxtugui̱i̱n ga̱jma̱a̱ xujkhúʼ.
7 ¡Gudxawíínla! Xtáá randxa̱ʼwa̱ ‹¡Nini̱ gawúnʼ!›, mú nimbáa tsériʼñuʼ,+xtáá randxa̱ʼwa̱ dí mumbayúʼ, mú tségumún rí májánʼ.+
8 Ikhaa nirugoo kambo̱ʼ ga̱jma̱a̱ mbá xtájtsí, na̱nguá xóo manújngoʼ,niʼni dí maʼni mikína náa kambo̱ʼ.+
9 Ikhaa nirígúu gamajkhu dí gúʼdooga̱jma̱a̱ nirígúu corona dí grígu edxu̱ʼ.
10 Najkumígiún mbá xúgíʼ asndu maʼni gámbúun,naruburiyaʼ dí gúʼthu̱u̱n xóo extuburiyaʼ mbá ixi̱.
11 Dí nakásngañu̱u̱ʼ kaʼyoʼ natsikhúnga̱jma̱a̱ ikhaa ndaʼyoʼ xóo xa̱bu̱ sia̱nʼ.+
12 Soldádiu̱u̱ nurugua̱mu̱ʼu̱u̱nga̱jma̱a̱ nagriguiin mbájndi náa guʼwá xtíin ndrígóʼ.
13 Niʼni rí a̱ngui̱nʼ matsíngu̱u̱nʼ náa ikhúúnga̱jma̱a̱ bi̱ nuniʼniúúnʼ matsíngu̱u̱nʼ náa ikhúún.+
14 Bi̱ nambájxu̱ʼ májánʼ gajmíʼ* nigúunga̱jma̱a̱ bi̱ ikhúún naniʼnúuʼ májánʼ nimbumún kuyoʼ.+
15 Bi̱ naguanún náa goʼwóʼ+ ga̱jma̱a̱ ñumbáá ndrígóʼ nduyoʼ xóo mbáa bi̱ tséniʼniiʼ,ga̱jma̱a̱ nduyoʼ xóo mbáa xa̱bu̱ na̱ʼkha̱á.
16 Nandxa̱ʼo̱o̱ bi̱ nambáyúʼ, mú tsériʼña,ga̱jma̱a̱ natakáñuu rí magáwíinʼ a̱jkiu̱u̱n kaʼyoʼ.
17 Nawi̱yu̱u̱ʼ a̱ʼgiu̱ʼ rí nda̱ya̱ jxu̱ʼ,+ga̱jma̱a̱ a̱ngui̱nʼ* nawiñu̱u̱nʼ eʼni xóo ndajtsiúnʼ.
18 Asndu e̱ji̱n majkhiinʼ nutsijmún,índo̱ nduyoʼ* nugi̱ʼdi̱i̱ nundu̱ʼwa̱jmún.
19 Xúgíinʼ bi̱ itháan nambájxu̱ʼ gajmíʼ nawiñu̱u̱nʼ kuyoʼ,+ga̱jma̱a̱ bi̱ ikhúún nindoʼ ka̱ñu̱u̱n tsíñún gúyoʼ.+
20 Nándáa xuyuʼ, i̱ndó xtóʼ ga̱jma̱a̱ itsuʼ kri̱gu̱u̱n,+ga̱jma̱á xtájkháan e̱ni̱ kríyamínáʼ náa rí gamíi makhañúʼ.
21 Gagáwíinʼ a̱jkia̱la kuyoʼ, mígiúʼ, gagáwíinʼ a̱jkia̱la kuyoʼ,numuu rí Dios niʼni ma̱mínuuʼ.*+
22 Náá numuu dí nu̱ni̱ ngínún má xúʼko̱ xó má eʼni Dios,+ga̱jma̱a̱ tséniʼñááʼ ru̱ni̱ gawúnʼla* rá.+
23 ¡Májánʼ gáʼni á mu nagumarámáʼ ajngáa dí na̱tha̱!¡Májánʼ gáʼni á mu nagumarámáʼ náa mbá libro!
24 ¡Ra̱ʼkhá tháán májánʼ gáʼni á mu nagumarámáʼ asndu kámuu náa itsíga̱jma̱a̱ mbá cincel* dí hierro ga̱jma̱a̱ plomo...!
25 Numuu rí ikhúún nda̱yo̱o̱ májánʼ dí bi̱ maʼtsiríñu̱u̱ʼ+ xtáa,ikhaa ma̱ʼkha̱ itháan nda̱wa̱á ga̱jma̱a̱ mawi̱ji̱ náa tsu̱du̱u̱ ku̱ba̱ʼ.*
26 Nda̱wa̱á dí xuyuʼ niʼni gachúu nandii,nákha xóó xtáá ndaya, mba̱yo̱o̱ Dios.
27 Mínu̱u̱ʼ gáyóo,mba̱yo̱o̱ ga̱jma̱a̱ iduʼ, raʼkháa i̱mba̱a̱ xa̱bu̱ gáʼyoo.+
¡Mú naku̱mu̱ʼ dí ra̱ʼkhá tháán néʼngo̱ʼ!*
28 Ikháanʼla nu̱ta̱ ‹Xú káʼnii e̱ʼni̱ dí mamínuuʼ xá.›,+
rí asndu xóo ikhúún e̱ni̱ dí marigá xkujndu kaʼnii.
29 Ikháanʼla gíʼmaa mamiñála gáʼni espada,+numuu dí espada naʼni mumíniiʼ bi̱ nuni̱ dí ra̱májánʼ,ikháanʼ gíʼmaa mbu̱ya̱a̱ dí xtáa mbáa bi̱ naʼnimbánuu xkujndu”.+
Mbaʼa nota
^ O “Bi̱ ka̱ñu̱u̱n”.
^ Náa ajngáa hebreo naʼthí, “e̱ji̱i̱n xtíjyúʼ”. Xóo muʼthá, xtíjyúu ru̱dúʼ.
^ Náa ajngáa hebreo naʼthí, “ndiʼkúú egújxúunʼ”.
^ Náa ajngáa hebreo naʼthí, “ñawúunʼ Dios nigugún”.
^ Náa ajngáa hebreo naʼthí, “tségiʼmala ga̱jma̱a̱ xuyuʼ”.
^ Náa ajngáa hebreo naʼthí, “náa yujndaʼ”.
^ O “Riñón ndrígóʼ nánguá eñajunʼ májánʼ”.
