Job 35:1-16
35 Elihú niʼthí má xúʼko̱:
2 “Lá naku̱ma̱a̱ʼ dí ikhí nindxu̱u̱ índo̱ naratá,‹Ikhúún itháan mújúúnʼ ki xóo Dios ráʼ.›+
3 Numuu dí naratá: ‹Dí lá eʼniaaʼ ikháán* á mu na̱ni̱ dí májánʼ rá.
Lá xtáá itháan májánʼ numuu dí tákiéʼkhunʼ ráʼ.›+
4 Mú ikhúún mariʼñaaʼ,ga̱jma̱a̱ mariʼñúún bi̱ nambájxa̱a̱ʼ gajmiáanʼ.+
5 Atiejxi̱raʼan mekhuíí,atayáá du̱u̱n+ dí tri̱ga̱ itháán mitsídánʼ ki xóo ikháán.
6 Á mu nakiéʼkháanʼ, lá natani̱ gawíínʼ Dios ráʼ.+
Á mu nakiéʼkháanʼ má xúʼko̱, ikhaa tségawúunʼ.+
7 Ndiéjunʼ lá eraxnáá dí nindxa̱a̱ʼ xa̱bu̱ májáanʼ xá.Ndiéjunʼ lá egruigú náa ikháán xá.+
8 Dí ra̱májánʼ rí natani̱ i̱ndó naʼni gawúunʼ mbáa xa̱bu̱ numbaaʼ xó má ikháán,ga̱jma̱a̱ rí májánʼ dí natani̱, i̱ndó nambáyúu mbáa xa̱bu̱ numbaaʼ.
9 Xa̱bu̱ nundxa̱ʼwa̱ rí mixtambáñún, numuu rí naguma ngíníi wéñuuʼ,nunda̱ʼa̱ rí mixtambáñún numuu dí nuni̱ ngíníi bi̱ guáʼdáá tsiaki̱i̱.+
10 Mú nimbáa tséʼthí: ‹Náá xtáa Dios bi̱ phú Mba̱a̱ bi̱ Niʼniún,+bi̱ naʼni dí muni̱ ajmúú dí mbruʼun xá.›+
11 Itháán má naʼsngúlú+ ikháánʼlú ki xóo xujkhúʼ bi̱ kúwá náa tsu̱du̱u̱ ku̱ba̱ʼ+ga̱jma̱a̱ naʼni rí majmañulú itháán ki xóo ñu̱ʼu̱ bi̱ jngruigu̱u̱n rijma̱a̱.
12 Xa̱bu̱ nundxa̱ʼwa̱ rí mixtambáñún,mú ikhaa tsériʼñún+ ga̱jma̱a̱ numuu rí nuni̱ mbaʼumíjna̱ xa̱bu̱ ra̱míjíinʼ.+
13 Phú gajkhun rí Dios tséʼdxuun rí nutajkháan, bi̱ nuni̱í* rí numbi̱ya̱ʼ,+bi̱ gíʼdoo xúgíʼ Tsiaki̱i̱ tséʼdxawun rúʼko̱.
14 ¡Iwáá lá ikháán maʼdxawaanʼ dí nataxiéʼkhá rí tsétayáá xá!+
Asndu nadxaanʼ gíʼmaa dí maraʼti̱i̱n, numuu dí ikhaa maʼnimbánuu numaaʼ.+
15 Numuu rí na̱nguá ninda̱ʼa̱a̱ʼ cuenta índo̱ nakásnga̱ñu̱u̱nʼ,ni má na̱nguá ndiʼyoo dí ra̱ʼkhá tháán nitanimbamínáʼ.+
16 Job mbaʼ narmbáʼto̱ó rawuunʼ,tséndxa̱ʼóo edxu̱u̱, mbaʼ naʼthíí”.+
