Job 37:1-24
37 Ga̱jma̱a̱ numuu rúʼko̱, a̱jkiu̱nʼ nakijxi̱i̱ gakhi̱i̱,ga̱jma̱a̱ nakijxi̱i̱ náa awúu̱n tsu̱xto̱ʼ.
2 Gudxawíín májánʼ aʼwóo Dios rí nawáán gakhi̱i̱xóo ewán endxa̱ʼwá a̱jkhu̱u̱n.*
3 Ikhaa naniñuuʼ rí majngutíguíin a̱jkhu̱u̱n náa agoo mekhu,ga̱jma̱a̱ naʼni rí maxpíbínʼ+ asndu náa naguámbári̱go̱o̱ ku̱ba̱ʼ.
4 Ikhú niwáán mbá aʼwá gakhi̱i̱,aʼwóo Dios niwáán gakhi̱i̱ xóo endxa̱ʼwá a̱jkhu̱u̱n,+ga̱jma̱a̱ naxpíbínʼ má xúʼko̱ índo̱ nawáán aʼwóo.
5 Ra̱ʼkhá tháán mitsaanʼ* xóo ewán aʼwóo Dios,+naʼni rí mba̱ʼu̱ dí ikháánʼlú tséʼngo̱o̱ gákru̱ʼu̱lú.+
6 Numuu rí naʼthúu̱n idiʼ ‹Arajtaa náa tsu̱du̱u̱ ku̱ba̱ʼ›+
ga̱jma̱a̱ naʼthúu̱n ruʼwambiʼ ‹Arajtaa ga̱jma̱a̱ xúgíʼ tsiaki̱i̱ ndrígáaʼ›.+
7 Dios naʼni rí xúgíinʼ xa̱bu̱ numbaaʼ muniña̱a̱ʼ ñajunʼ rí kúwá runi̱*mu xúʼko̱ xúgíinʼ mbuyáá ñajunʼ rí naʼni.
8 Xujkhú xáná nata̱ʼa̱án náa iñúúnʼ,ga̱jma̱a̱ natri̱ʼi̱i̱n náa riñúún.
9 Nagájnuu giñámbiʼ náa rígá+ga̱jma̱a̱ giñánʼ dí na̱ʼkha̱ xígií náa norte naʼni rí maʼni migúwán.+
10 Dios nandiyuuʼ iyaʼ ga̱jma̱a̱ ikhú nagutajxi̱i̱ hielo+ga̱jma̱a̱ naʼni rí mba̱ji̱nʼ iyaʼ maʼni hielo.+
11 Xúʼko̱ ikhaa naʼni dí magiʼdoo iyaʼ du̱u̱nga̱jma̱a̱ naʼni dí maxpíbínʼ+ náa du̱u̱n.
12 Naʼni rí du̱u̱n maʼga̱ rajngutuaʼáan náa má ikhaa exnúu maʼga,du̱u̱n nuni̱ xúgíʼ dí ikhaa nakuʼmiin muni̱+ náa tsu̱du̱u̱ ku̱ba̱ʼ rí kúwá xa̱bu̱.*
13 Naʼni mu maʼni rí mamínuuʼ*+ o mu maʼni tsajkurámuuʼ ku̱ba̱ʼo mu masngájma ngajua rí tsétumuu* dí gíʼdoo, ikhaa naʼni dí rúʼko̱ marigá.+
14 Atadxawíín rígi̱ Job,añajún ga̱jma̱a̱ atatsaʼwáminaʼ náa mbá xúgíʼ dí mitsaanʼ niʼni Dios.+
15 Lá natayáá xóo Dios eʼtáñajuunʼ du̱u̱nga̱jma̱a̱ xóo eʼni dí maxpíbínʼ náa du̱u̱n xáʼ.
16 Lá natayáá xóo ejkha̱ du̱u̱n ráʼ.+
Rígi̱ nindxu̱u̱ ñajunʼ mitsaanʼ dí niʼni bi̱ ra̱ʼkhá tháán gíʼdoo ku̱ma̱.+
17 Nakrua̱ʼa̱a̱ʼ náá numuu rí giñánʼ dí na̱ʼkha̱ xígií náa sur+naʼni rí maʼni wíí ku̱ba̱ʼ ga̱jma̱a̱ náá numuu rí naʼni magigoo xtíñaaʼ ráʼ.
18 Lá majmáán ikháán mataxtriga̱ mekhu+xóo mbá niwanʼ rí ajua̱nʼ xóo eʼni Dios ráʼ.
19 Arathúxu dí gíʼmaa muriʼñáán,ikháanʼxu̱ xándoo muriʼñáán numuu dí kuwáanʼxu̱ náa mikína.
20 Lá mbaʼyóoʼ mathu̱u̱n Dios dí nandoʼ matamínáʼ ga̱jmu̱ʼ ráʼ.
O xtáa mbáa tsáa niʼthí rí ndayóoʼ miʼthán dxe̱ʼ.+
21 Xa̱bu̱ tsíyoo gúyáá agiuuʼ a̱jkha̱ʼ,maski ajndu nambiʼii náa mekhuíí,asndu índo̱ nanújngoo mbá giñánʼ rí na̱jkha̱ kagu̱u̱ du̱u̱n.
22 Xígií náa norte nambiʼi mbá aguʼ dí xóo oro kaʼnii,rí xóo naxpíbíinʼ Dios+ ra̱ʼkhá tháán mitsaanʼ.
23 Tséʼngo̱o̱ gákru̱ʼu̱lú xóo kaʼnii bi̱ gíʼdoo xúgíʼ Tsiaki̱i̱,+ra̱ʼkhá tháán mba̱a̱ tsiaki̱i̱ gíʼdoo,+nditháan tséʼni dí ra̱májánʼ+ ga̱jma̱a̱ naʼni má xúʼko̱ dí jmbu.+
24 Ikha jngóo xa̱bu̱ gíʼmaa dí mamiñún kuyáá,+
numuu rí Dios tsíyoo gáʼñúún bi̱ naku̱mu̱ún dí ra̱ʼkhá tháán ejmañún”.*+
