Job 13:1-28
13 Xúʼko̱, iduʼ ndiʼyoo xúgíʼ rígi̱,ga̱jma̱a̱ cháʼwunʼ niʼdxawuun ga̱jma̱a̱ nijkhánú nikro̱ʼo̱ʼ.
2 Dí ikháanʼ ndu̱ya̱a̱, nda̱yo̱o̱ mangúún,ikháanʼla na̱nguá kuaʼdáá itháan numala ki xóo ikhúún.
3 Mú ikhúún, itháán má nandoʼ mathu̱u̱n bi̱ gíʼdoo xúgíʼ Tsiaki̱i̱,nandoʼ masngajmúu Dios rí nda̱a̱ aʼkhúnʼ.+
4 Mú ikháanʼla nu̱ni̱ tsagúúnʼ ga̱jma̱a̱ rí minduwaʼ,xúgiáanʼla ikháanʼ nindxa̱la médico bi̱ nda̱a̱ rí ejmiin.+
5 Á mu naguanála wíí,musngajmá rí kuaʼdáá ku̱ma̱.+
6 Mbá péñu,* gudxawííníndo̱ xtáá ra̱ta̱ mu mambáyuminaʼ.
7 Lá majmala mbiʼyuu Dios mu mu̱tha̱ dí ra̱májánʼ ráʼ.Lá majmala mbiʼyuu mu mu̱ni̱ nduwaʼ xáʼ.
8 Lá mumbáyíí xáʼ.Lá munimíjna̱ dí mutambáyíí Dios bi̱ gajkhun ráʼ.
9 Lá májánʼ gáʼni á mu nangujmáaʼla xáʼ.+
Lá mu̱ni̱ nduwaaʼ xó má gúni̱ gajmiála mbáa xa̱bu̱ numbaaʼ ráʼ.
10 Phú gajkhun dí ikhaa maxprígualaá mu nuʼgími̱jna̱ mumbáyíí Dios ga̱jma̱a̱ dí ra̱májánʼ+ o nuʼgími̱jna̱ murkaʼwumáʼánla.
11 Lá xámíñalaʼ gáʼni rí naxpíbíinʼga̱jma̱a̱ rí ma̱ʼkha̱ náa ikháanʼ gamíi ndrígóo xáʼ.
12 Ajngáa dí niraʼwi̱i̱la májánʼ mu mu̱tha̱, nda̱a̱ numuu xóo yujndaʼ,*rí ni̱tala nda̱a̱ dí ejmaa mbá kayuuʼ xó má escudo dí ki̱ʼni̱ ga̱jma̱a̱ ku̱ba̱ʼ.
13 Gaguanála wíí mu ikhúún ma̱ta̱.
¡Gagíʼnuʼ má rí gáʼyóoʼ magíʼnuʼ!
14 Náá numuu rí tsémíñúʼga̱jma̱a̱ xtáá xawii makhañúʼ rá.
15 Maski ajndu ikhaa maxíñu̱u̱n, mú magúʼthu̱u̱n má xúʼko̱ náa ikhaa,+masngajmúu rí nda̱a̱ aʼkhúnʼ.
16 Ikhú ikhaa mani̱ndxu̱u̱ bi̱ maʼni kríñu̱u̱nʼ,+numuu rí nimbáa xa̱bu̱ ra̱májáanʼ* xándoo maxnáximinaʼ náa ikhaa.+
17 Gudxawíínla tsu̱ma̱á dí gátha̱,guʼgíʼ edxa̱la dí gátha̱.
18 Gu̱ya̱a̱la, ninirataminaʼ má dí ma̱ta̱ mu mambáyuminaʼ,nda̱yo̱o̱ rí gajkhun nindxu̱u̱ rí ma̱ta̱.
19 Tsáá gági̱ʼdu̱u̱ ga̱jma̱á nindxu̱ʼ rá.
¡Makañúʼ á mu naguanúʼ wíí!*
20 Dios ndrígóʼ, kááʼ na̱nda̱ʼa̱a̱ʼ a̱jma̱ rígi̱,*mu xárkaʼwuminaʼ náa ikháán.
21 Atrígúu ñawáanʼ dí ki̱wu̱n náa ikhúúnga̱jma̱a̱ gamíi dí gúʼdoo náa ikháán xáʼnimíñúʼ.+
22 Aratá ga̱jma̱a̱ ikhúún mariʼñaaʼ,o atatsíñúnʼ ma̱ta̱ ga̱jma̱a̱ ikháán gátriʼñuʼ.
23 Ndiéjunʼ dí nikiéʼkunʼ ga̱jma̱a̱ aʼkhá dí nikuʼdáminaʼ rá.
Atasngájmuʼ náa dí raʼkhí ni̱ni̱ ga̱jma̱a̱ aʼkhá dí nikuʼdáminaʼ.
24 Náá numuu rí nitatsíñáánʼ ratayoʼ* rá.+Ga̱jma̱a̱ natayoʼ xóo xa̱bu̱ sia̱nʼ ndrígáaʼ rá.+
25 Lá mataniminaʼ matani̱ miñíín mbá iná dí na̱jkha̱ kayóo giñánʼ ráʼ.O lá mi̱dxu̱ʼ raraxkháá rajxa̱ dí nijndooʼ ráʼ.
26 Nataniraʼmáʼ má xúʼko̱ rí gakhi̱i̱ dí nataxruígu̱u̱nga̱jma̱a̱ natanda̱ʼa̱a̱ʼ cuenta ga̱jma̱a̱ numuu rí nikiéʼkhúnʼ nákha nindxu̱ʼ dxámaá.
27 Nitaxúdaaʼ rajkhúʼ náa ixi̱* rí najmún mu muni̱ rí mbáa mamínuuʼga̱jma̱a̱ natayáá xúgíʼ rí na̱ni̱,ma̱ngaa nadxu̱ʼ náa kuíji̱ rajkúʼ nijkhá.
28 Xígi̱ kaʼnii eguámbáa xa̱bu̱, xóo mbá rí naʼga,xóo xtíin rí na̱ʼkhu̱ ruxi.*
Mbaʼa nota
^ O “Gu̱ni̱ mbá rí májánʼ”.
^ Náa ajngáa hebreo naʼthí, “idiʼ”.
^ O “apóstata”.
^ O mbáa “Á mu mbáa naʼngo̱o̱, maguanúʼ wíí ga̱jma̱a̱ makhañúʼ”.
^ Náa ajngáa hebreo naʼthí, “i̱ndó a̱jma̱ rígi̱ rí xátaniuʼ”.
^ Náa ajngáa hebreo naʼthí, “natarkaʼwu inaaʼ”.
^ O “cepo”. Náa ajngáa hebreo naʼthí dí rígi̱ nindxu̱u̱ náa nuxudaʼ ñawúúnʼ, rajkhúún ga̱jma̱a̱ edxu̱ún.
^ Ruxi bugi̱ nindxu̱u̱ xóo ruxi bi̱ xtáa náa Israel, mbáa xujkhúʼ chíʼgíiʼ bi̱ gíʼdoo a̱jkhu̱ xniuunʼ bi̱ xóo bijphí kaʼnii ga̱jma̱a̱ ikhaa na̱ʼkhu̱ xtíin.
