Job 32:1-22
32 Ikha jngóo ajtsíin xa̱bekha bugi̱ niniña̱a̱nʼ ruriʼñáá, numuu dí Job ndaʼyoo gajkhun dí nda̱a̱ aʼkhúun.*+
2 Mú Elihú a̱ʼdióo Barakel bi̱ nindxu̱u̱ buzita,+ bi̱ na̱ʼkha̱ náa goʼwóo Ram, nikiʼnáa wéñuuʼ. Nikásngañu̱u̱ʼ kaʼyoo Job numuu rí i̱ndó niʼthí dí májánʼ ga̱jma̱a̱ numuu ikhaa, na̱nguá niʼthí rí májánʼ ga̱jma̱a̱ numuu Dios.*+
3 Ma̱ngaa nikiʼnáa wéñuuʼ kaʼñún ajtsíin bi̱ nambájxu̱u̱ gajmíi̱n Job, numuu rí tájmañúún xóo muriʼña̱a̱, ikha jngóo nithi rí Dios gíʼdoo aʼkhúun.+
4 Elihú nigi̱ʼthu̱u̱n mu mariʼñuu Job ma̱ngaa mu mariʼñúún bi̱ nambájxu̱u̱ gajmíi̱n, numuu dí ikhiin itháan wanii ki xóo ikhaa.+
5 Índo̱ Elihú ndiʼyoo dí bi̱ mbá ajtsíin bi̱ nambájxu̱u̱ gajmíi̱n Job na̱nguá ndiyáá xóo muriʼña̱a̱, ra̱ʼkhá tháán nikásngañu̱u̱ʼ.
6 Ikhú nigíʼdu̱u̱ niʼthí Elihú a̱ʼdióo Barakel bi̱ nindxu̱u̱ buzita, niʼthí:
“Ikhúún nindxu̱ʼ dxámága̱jma̱a̱ ikháanʼ waniáaʼla má.+
Mu masngajmá rí gúʼdoo gamajkhuʼ nda̱a̱ dí ni̱tha̱,+na̱nguá ni̱tha̱ rí nda̱yo̱o̱.
7 Nindxa̱ʼwa̱mínáʼ: ‹Guthi bi̱ waniiga̱jma̱a̱ guthi bi̱ mba̱yu̱u̱ʼ má tsiguʼ kúwá xóo eʼthí mbáa xa̱bu̱ bi̱ najmañuu›.
8 Mú, raʼkháa xúʼko̱ nindxu̱u̱, espíritu santo* ndrígóo Dios eʼni dí majmañún xa̱bu̱,ga̱jma̱a̱ jxu̱u̱ʼ bi̱ gíʼdoo xúgíʼ Tsiaki̱i̱ naʼni dí makru̱ʼu̱u̱n.+
9 Raʼkháa numuu dí nikhi̱i̱ xa̱bu̱ naʼni dí majmañuuni má raʼkháa i̱ndó xabuanii naguánú nakru̱ʼu̱u̱n ndiéjunʼ nindxu̱u̱ rí májánʼ.+
10 Ikha jngóo na̱tha̱: ‹Atadxawunʼ,ikhúún mangúún matha̱a̱nʼ rí nda̱yo̱o̱›.
11 Gu̱ya̱a̱la, nigúʼthu̱u̱n dí ikháanʼla mu̱tha̱,nixtáá radxawuunʼ dí nundxa̱ʼwa̱míjna̱la+índo̱ kuwáanʼ ruʼyáʼ dí mu̱tha̱.+
12 Niʼgíʼ májánʼ edxu̱ʼ ni̱dxawanla,mú nimbáa dí ikháanʼ tájmaa masngájma dí raʼkhí dí xtáa raʼthí Job,*ni má tájmáanʼla gúriʼña̱a̱ dí niʼthí.
13 Ikha jngóo xútala: ‹Nixkamaa ku̱ma̱,Dios nindxu̱u̱ bi̱ naxprígú, raʼkháa mbáa xa̱bu̱ú›.
14 Numuu rí ajngáa gakhi̱i̱ dí niʼthí Job raʼkháa ikhúún niʼthúnʼ,ikha jngóo xáriʼñuu ga̱jma̱a̱ ajngáa xó má ikháanʼla ni̱tha̱a̱n.
15 Xa̱bu̱ bugi̱ naʼniún tsiánguá,nándáa dí muriʼña̱a̱, nándáa dí muthi.
16 Nigúʼthu̱u̱n, mú niniña̱a̱nʼ ruthi, kááʼ má wíí niguanún,nánguá niriʼña̱a̱ nimbá.
17 Ikha jngóo ikhúún mangúún mariʼña̱a̱,ma̱ta̱ rí nda̱yo̱o̱.
18 Numuu dí ra̱ʼkhá tháán gúʼdoo rí ma̱ta̱,numuu dí espíritu santo ndrígóo Dios dí rígá náa ikhúún natsudún mu ma̱ta̱.
19 Náa awúnʼ nindxu̱u̱ xóo vino rí nda̱a̱ náa magajnúu jxu̱u̱ʼ,ga̱jma̱a̱ xóo kulámbra* nuxi̱ʼ dí inu majmidá.+
20 Guniʼñúʼ ma̱ta̱ mu maʼni̱i̱ a̱jkiu̱nʼ,
mambáʼtoo rawunʼ ga̱jma̱a̱ mariʼña̱a̱.
21 Xáraʼwi̱i̱ kááʼ mbáwíí mu maniu̱u̱ dí májánʼ,+ni má xáni̱ mba̱a̱ nimbáa xa̱bu̱.
22 Numuu rí tséjmañuʼ ma̱ni̱ mba̱a̱ nimbáa,á mu xúʼko̱ gáni̱, bi̱ Niʼniún xájyúuʼ gáʼni gámbu̱u̱n.
