Job 10:1-22
10 Nawi̱yu̱ʼ eʼni vida ndrígóʼ.+
Ma̱ta̱ dí ra̱ʼkhá tháán ngíná eʼni a̱jkiu̱nʼ.
¡Nandoʼ rí Dios mbaʼyoo xóo ngíná xtáá!
2 Mathu̱u̱n Dios: ‹Xáta̱ya̱a̱ dí gúʼdoo aʼkhúnʼ.
Arathúnʼ náá numuu rí nataniuʼ xóo mbáa bi̱ tsíyoo gáʼyoʼ.
3 Lá rígá mbá rí natada̱a̱ʼ dí natani̱ ngínún,ga̱jma̱a̱ rí tsíyaaʼ gáta̱ya̱a̱ dí nitani̱ ga̱jma̱a̱ ñawáanʼ ráʼ.+Mú, májánʼ tayáá awan* ndrígóo xa̱bu̱ ra̱májáanʼ.
4 Lá idaaʼ nindxu̱u̱ xó má idún xa̱bu̱ numbaaʼ,*o natayáá xó má eyáá xa̱bu̱ numbaaʼ ráʼ.
5 Lá mbiʼi ndrígáaʼ nindxu̱u̱ xó má mbiʼi ndrígu̱ún xa̱bu̱ numbaaʼ ráʼ.O tsiguaaʼ nindxu̱u̱ xóo tsiguuʼ mbáa xa̱bu̱,+
6 mu majngruiga̱a̱ʼ ratayáʼ náa dí nikiéʼkhúnʼga̱jma̱a̱ mataʼyáʼ má xúʼko̱ aʼkhá ndrígóʼ ráʼ.+
7 Ikháán má natayáá dí ragúʼdoo aʼkhúnʼ,+ga̱jma̱a̱ dí nimbáa xáʼngo̱o̱ gáʼni kríñu̱u̱nʼ náa ñawáanʼ.+
8 Nitaniu̱u̱n ga̱jma̱a̱ ñawáanʼ,+mú dí xúgi̱ nandaaʼ matani̱ gámbu̱u̱n mbá kayuuʼ.
9 Mbá péñu,* garmáʼáan a̱jkia̱a̱nʼ dí nitaniu̱u̱n ga̱jma̱a̱ ku̱ba̱ʼ,+lá dí xúgi̱ nandaaʼ matani̱ dí matangu̱ún náa yujndaʼ ráʼ.+
10 Lá na̱nguá nitaxídimuʼúún xóo yaʼdú náa awúu̱n ru̱dúʼ*ga̱jma̱a̱ ikhí má nitaniu̱u̱n* ráʼ.
11 Nitani̱ dí maguʼwúnʼ xtóʼ ga̱jma̱a̱ xuyuʼ,ma̱ngaa nitaniu̱u̱n ga̱jma̱a̱ itsu̱ ma̱ngaa níjthú.+
12 Niraxnúʼ vida ga̱jma̱a̱ nindaaʼ xtayoʼ,*ikháán nitie̱wu̱nʼ* tsu̱ma̱á wéñuuʼ.+
13 Ngu̱ʼwa̱á nitatsaʼwáminaʼ dí mataniu̱ʼ xígi̱ kaʼnii,*
nda̱yo̱o̱ májánʼ dí rígi̱ na̱ʼkha̱ náa ikháán.
14 Á mu ikhúún gákuʼdáminaʼ aʼkhá, ikháán ma̱ta̱ya̱a̱+ga̱jma̱a̱ xátani̱ mba̱a̱ a̱jkia̱a̱nʼ xtayáá dí nikiéʼkhúnʼ.
15 Á mu gúʼdoo aʼkhúnʼ, ¡ngínún lá ikhúún!
Maski ajndu ragúʼdoo aʼkhúnʼ, xákujxí edxu̱ʼ,+numuu dí ra̱ʼkhá tháán eti̱yu̱ʼ ga̱jma̱a̱ xtáá ramínúuʼ.+
16 Á mu nakujxí edxu̱ʼ, ikháán matru̱gu̱u̱n, xóo eʼni mbáa león índo̱ naguguaa bi̱ mikhu̱u̱,+ga̱jma̱a̱ mbu̱júu̱ má najmaaʼ tsiaki̱i̱ ndrígáaʼ mu matani̱ ngínún.
17 Na̱dxa̱ʼ xtiin eʼwíinʼ testigos mu mataxruígu̱u̱n,natani̱ mbajoo rí nakásnga̱ña̱a̱ʼ xtayoʼ,ga̱jma̱a̱ ikhú má i̱mba̱ má i̱mba̱ gamiéjunʼ eraʼnuu.
18 Á mu dí xúʼko̱, náá numuu dí nitríñu̱u̱n náa awúu̱n ru̱dúʼ rá.+
Májánʼ niʼni á mu nikháñuʼ nákha xóó nimbáa tséʼyoʼ.
19 Á mu dí nikháñuʼ náa awúu̱n ru̱dúʼ, xúʼko̱ niʼni dí nijkháaʼ mbájmbu náa iñá wajinʼ,ga̱jma̱a̱ mani̱ndxu̱u̱ xóo nditháan táxtáá›.
20 Lá raʼkháa na̱jkha̱ ratumuu mbiʼi ndrígóʼ ráʼ.+Ganiñuʼ Dios dí maxtáá tsímáá, ganiñuuʼ rayejxu̱ʼ, mu xúʼko̱ mba̱ya̱a̱ wáa jxu̱ʼ,*+
21 inu má maʼgáaʼ, ga̱jma̱a̱ ni xátangu̱ún+náa ku̱ba̱ʼ dí mikína mbiʼ,*+
22 náa ku̱ba̱ʼ rí mbájkhu mikína,mbá ku̱ba̱ʼ dí narugoo ndájkua̱ ga̱jma̱a̱ náa nda̱a̱ awan,náa dí asndu aguʼ nindxu̱u̱ xóo mikína”.
Mbaʼa nota
^ Náa ajngáa hebreo naʼthí, “consejo”.
^ Náa ajngáa hebreo naʼthí, “xuwiʼ”.
^ O “Atani̱ mbá rí májánʼ”.
^ O “náneʼ”.
^ Náa ajngáa hebreo naʼthí, “nitani̱ rí magutajxu̱ún xóo queso”.
^ O “nitiewa̱a̱n vida ndrígóʼ”, “nitiewa̱a̱n xi̱ʼ ndrígóʼ”.
^ Náa ajngáa hebreo naʼthí, “Xúgíʼ rígi̱ nitarkaʼwu náa a̱jkia̱a̱nʼ”.
^ O “mu xúʼko̱ maʼdxuʼ mbá chíʼgíiʼ”.
^ O “ndájkhoo rí nakháñún”.
