Job 40:1-24
40 Jeobá niriʼñuu má xúʼko̱ Job:
2 “Lá gíʼmaa dí mbáa xa̱bu̱ bi̱ naʼtánuma magiʼdu̱u̱ ga̱jma̱a̱ bi̱ gíʼdoo xúgíʼ Tsiaki̱i̱ ráʼ.+
Gariʼña bi̱ nandoo maxprígúu Dios”.+
3 Job niriʼñuu Jeobá:
4 “Atayáá, ikhúún nda̱a̱ rí nindxu̱ʼ,+
dí gándoo gáriʼñaaʼ rá.
Marugoo rawunʼ ga̱jma̱a̱ ñawúnʼ.+
5 Ni̱tha̱ mbá miʼtsú, mú ni xáriʼña rá,ni̱tha̱ rí maʼni a̱jma̱ nuthu, mú ni xáta má rá”.
6 Ikhú Jeobá niriʼñuu Job náa mbá giñámbiʼ:+
7 “Mbá péñu,* atanirataminaʼ ga̱jma̱a̱ atani̱ xóo eʼni mbáa xa̱biya̱:Ikhúún marajxa̱a̱ʼ ga̱jma̱a̱ ikháán matriʼñuʼ.+
8 Lá mataxruígu̱u̱n mu marata̱ dí tséni̱ dí májánʼ ráʼ.
Lá marata̱ dí gúʼdoo aʼkhúnʼ mu xúʼko̱ makujmaa dí ikhí dí naratá ikháán ráʼ.+
9 Lá gíʼdoo tsiaki̱i̱ ñawáanʼ xóo ñawúunʼ Dios bi̱ gajkhun ráʼ.+Lá ma̱ndoo dí aʼwáaʼ mawáán xóo aʼwóo ikhaa dí nawáán xóo endxa̱ʼwa̱ a̱jkhu̱u̱n* ráʼ.+
10 Mbá péñu, atasngájma rí xtaʼdáá tsiaki̱i̱ ga̱jma̱a̱ rí xkujíínʼ,atagúwáanʼ gamajkhu ga̱jma̱a̱ rí mitsiʼyá.
11 Atatsíñááʼ magajnúu xúgíʼ dí nakásnga̱ña̱a̱ʼ,atayáá dí naʼni xa̱bu̱ bi̱ naʼnimbamínáʼ ga̱jma̱a̱ atagíiʼ mbayííʼ.
12 Atayáá dí nuni̱ xúgíinʼ bi̱ nuni̱ mbaʼumíjna̱ ga̱jma̱a̱ atani̱ majti̱i̱nʼga̱jma̱a̱ ataxúmbiri̱gi̱i̱n xa̱bu̱ ra̱míjíinʼ náa kúwá.
13 Atarkaʼwiin xúgíinʼ náa yujndaʼga̱jma̱a̱ atruʼúún* náa ngu̱ʼwa̱.
14 Á mu natani̱ xúʼko̱, asndu ikhúún ma̱ta̱* dí ñawún májáanʼmaʼngo̱o̱ maʼni kríña̱a̱nʼ.
15 Atatsaʼwáminaʼ ga̱jma̱a̱ numuu xujkhúʼ Behemot,* ikhúún ni̱ni̱i̱ ikhaa ga̱jma̱a̱ ikhúún má ni̱ni̱i̱ mangáán.
Ikhaa na̱ʼkhu̱ ra̱jxa̱ xó má eʼni xedi̱.
16 ¡Atayáá nguáthá tsiaki̱i̱ gíʼdoo itsu̱ níxtuunga̱jma̱a̱ atayáá nguáthá tsiaki̱i̱ gíʼdoo níjtú awúu̱n!
17 Ikhaa naʼni jmbi̱i̱ tsiliúuʼ xóo mbá ixi̱ cedro,ga̱jma̱a̱ níjtú xtiyuuʼ karngujxi̱.
18 Itsu̱u̱ nindxu̱u̱ xóo tubo dí niguma ga̱jma̱a̱ cobre,ga̱jma̱a̱ rajkhúu nindxu̱u̱ xóo hierro.
19 Ikhaa nindxu̱u̱ xujkhúʼ bi̱ itháán nagájnuriyo̱o̱ʼ náa mbá xúgíinʼ xujkhúʼ bi̱ niʼnii Dios,i̱ndó bi̱ Niʼnii ma̱ndoo makuʼmaminaʼ náa ikhaa ga̱jma̱a̱ espada.
20 Rí na̱ʼkhu̱ najma̱a̱ náa kúbá,náa nutsíin xúgíinʼ xujkhú xáná.
21 Nabóoʼ ndayáa jxu̱u̱ʼ náa agoo xtáʼdu̱u̱ iná tsuwanʼ,narkaʼwuminaʼ náa awúu̱n e̱ʼi̱n* dí rígá náa na̱ma̱ʼ.
22 Kraʼaa náa agoo xtáʼdu̱u̱ iná tsuwanʼga̱jma̱a̱ náa mbájndi ikhaa rígá ixi̱ dí mbiʼyuu álamo dí rígá náa mata.*
23 Índo̱ nagájnuu yambo̱o̱, na̱nguá emíñúu.
Nda̱a̱ gamíi xtáa, maski ajndu mañu Jordán+ nasmbujmuu náa inuu.
24 Lá ma̱ndoo dí mbáa maguguaa índo̱ xtáa rayejxi̱o maʼni iñúuʼ rakhóo ga̱jma̱a̱ mbá gancho* xáʼ.
