Job 23:1-17
23 Job niriʼña̱a̱ ga̱jma̱a̱ ajngáa rígi̱:
2 “Xúgi̱ ma̱ngaa maxiéʼkhá má xúʼko̱,+tsiaki̱i̱ ndrígóʼ niguámbá numuu dí natsi̱ná wéñuuʼ.
3 ¡Ra̱ʼkhá tháán májánʼ gáʼni á mu nda̱yo̱o̱ náa maxkamaa Dios!+
Ikhú maʼgá náa xtáa.+
4 Náa inuu Dios ma̱ta̱ náá numuu dí ragúʼdoo aʼkhúnʼma̱ngaa rígi̱ masngajmá ga̱jma̱a̱ rí gátha,
5 maʼngo̱ʼ mba̱yo̱o̱ dí ikhaa gáriʼñuʼga̱jma̱a̱ mandxa̱ʼwa̱mínáʼ dí ikhaa gáʼthúnʼ.
6 Lá Dios majmuu tsiaki̱i̱ ndrígóo mu magi̱ʼdu̱u̱ ga̱jma̱á nindxu̱ʼ ráʼ.
Xáʼni xúʼko̱, ikhaa magíʼ edxu̱u̱ maʼdxawunʼ.+
7 Ikhí xa̱bu̱ jmbii ma̱ndoo maʼnimbánuu numuu ga̱jma̱a̱ Dios,ga̱jma̱a̱ bi̱ naʼnimbánuu xkujndu mbóó míʼtsú gáʼnimbánuu numuʼ.
8 Mú, á mu na̱jkhá xígií náa nagájnuu a̱jkha̱ʼ,* ikhaa ndawa̱a̱ ikhíga̱jma̱a̱ á mu natangu̱ún, xáʼngo̱ʼ gáxkamaa.
9 Índo̱ na̱jkhá náa ñawún xti̱yu̱ʼ náa xtáa rañejunʼ, tséʼngo̱ʼ gáyóo,ikhú ikhaa natangayi̱i̱ náa ñawún mújúnʼ ga̱jma̱a̱ xóó tséʼngo̱ʼ gáyóo.
10 Mú ikhaa ndaʼyoo náá kamba̱a̱ nigua̱jtúun.+
Nda̱wa̱á dí ikhaa gáguámbóo ragrui̱ga̱ tsáʼkhá náa inuʼ, mani̱ndxu̱ʼ xóo oro dí májánʼ.+
11 Najngríga̱ náa dí ikhaa mijngii nijngri̱ga̱,ni̱jkhá má xúʼko̱ náa kambo̱o̱ ga̱jma̱a̱ nditháan tágájnuri̱yo̱ʼ.+
12 Táni tsíngumínáʼ náa xtángoo dí naʼthí,
nigújxi̱ ngajo̱ʼ ajngáa dí niʼthí,+ itháan ki xóo dí nixtando̱ʼo̱ʼ* ma̱ni̱.
13 Índo̱ ikhaa naraʼwíí mbá rí maʼni, tsáá gáʼngo̱o̱ gárikoo xá.+
Índo̱ rígá mbá rí nandoo maʼni, ikhaa naʼni.+
14 Numuu rí maʼnimbánuu kájxi̱ dí nandoo maʼni ga̱jma̱a̱ numuʼ,ga̱jma̱a̱ mbaʼa dí nandxa̱ʼwáminaʼ maʼniuʼ.
15 Ikha jngóo naxmiéjunʼ ga̱jma̱a̱ numuu ikhaa,índo̱ nandxa̱ʼwa̱mínáʼ ga̱jma̱a̱ numuu, itháan má namíñúʼ.
16 Dios naʼni rí makáguabúúnʼ,ga̱jma̱a̱ bi̱ gíʼdoo xúgíʼ Tsiaki̱i̱ niʼnimíñúʼ.
17 Inuʼ kúgoo ga̱jma̱a̱ dí mikína mbiʼ,mú maski ajndu xúʼko̱, ikhúún ma̱ta̱ má xúʼko̱.
