Job 33:1-33
33 Dí xúgi̱, Job, mbá péñu* atadxawíín dí na̱tha̱,atadxawíín xúgíʼ dí natha̱a̱nʼ.
2 Mbá péñu, atagíʼ edxa̱a̱ʼ matadxawíín, mambáʼtoo rawunʼnumuu dí rígá dí matha̱a̱nʼ.
3 Dí xóo na̱tha̱ nasngájma dí náa a̱jkiu̱nʼ rígá dí gajkhun,+ga̱jma̱a̱ na̱tha̱ dí gajkhun nda̱yo̱o̱.
4 Dios niʼniún ga̱jma̱a̱ tsiaki̱i̱ ndrígóo+ga̱jma̱a̱ xi̱ʼ ndrígóo bi̱ gíʼdoo xúgíʼ Tsiaki̱i̱ niʼni dí maxtáá.+
5 Á mu najmáán, atriʼñuʼ,atanirataminaʼ marathu̱nʼ dí xtaʼdáá marata̱.
6 Atayáá, Dios bi̱ gajkhun ndaʼyoo dí ikhúún nindxu̱ʼ xó má ikháán,ikhúún mangúún nigumún ga̱jma̱a̱ ku̱ba̱ʼ.+
7 Ikha jngóo xámíñáaʼ xtayoʼ,ni má xáta̱ya̱a̱ gakhi̱i̱ wéñuuʼ ajngáa dí gátháanʼ.
8 Mú ikháán niratá náa inuʼ,xúʼko̱, nidxawuun dí niratá mbaʼa nuthu ajngáa rígi̱:
9 ‹Na̱nguá mitsagún, na̱nguá e̱ni̱ dí raʼkhí,+kaʼwún, ragúʼdoo aʼkhúnʼ.+
10 Mú Dios ndaʼyoo dí gúʼdoo aʼkhúnʼ, ikha jngóo tsíyoo gáʼyoʼ,ga̱jma̱a̱ ndaʼyoʼ xóo mbáa xa̱bu̱ sia̱nʼ.+
11 Nakudaaʼ rajkhúʼ náa ixi̱* rí najmún mu muni̱ rí mbáa mamínuuʼga̱jma̱a̱ ndaʼyoo xúgíʼ rí na̱ni̱›.+
12 Mú, raʼkhí nindxu̱u̱ dí xtaa raratá, ikha jngóo nariʼñaaʼ:
Dios nindxu̱u̱ itháán mba̱a̱ ki xóo xa̱bu̱ numbaaʼ.+
13 Náá numuu dí nataxiéʼkhá ga̱jma̱a̱ numuu xá.+
Lá ga̱jma̱a̱ numuu dí táriʼñaaʼ xúgíʼ dí niratá xáʼ.+
14 Numuu rí Dios naʼthí má xúʼko̱,mú nimbáa tségíʼ edxu̱u̱ maʼdxawuun.
15 Ikhaa naʼthúún náa rí nasngájmúún* dí mbruʼun+ga̱jma̱a̱ náa mbá xnuʼndaaʼ,índo̱ xa̱bu̱ nunuʼ midu̱u̱n náa xia̱wún.
16 Ikhú narmbáʼtoo cháʼwúún+ga̱jma̱a̱ naʼsngúún,
17 mu xúʼko̱ xa̱bu̱ muniña̱a̱ʼ runi̱ dí ra̱májánʼ+ga̱jma̱a̱ xúni̱ mbaʼumíjna̱.+
18 Dios naʼni kríya̱a̱ʼ mu xáʼga̱a̱ náa iñá wajinʼ,+naʼni kríya̱a̱ʼ mu xákáñuu ga̱jma̱a̱ espada.*
19 Índo̱ mbáa xa̱bu̱ na̱ʼkhui̱i̱ kaʼmáaʼ náa xia̱wuuga̱jma̱a̱ índo̱ na̱ʼkhu̱ má xúʼko̱ itsu̱u̱, rúʼko̱ rígá mbá dí naʼsngóo,
20 ga̱jma̱a̱ numuu rúʼko̱ dí nánguá eyoo gákuiʼtsu,asndu nánguá eyoo gíkhu̱ ganitsu dí itháán májánʼ.+
21 Ikha jngóo na̱jkha̱ randujtsíiga̱jma̱a̱ nakujmaa itsu̱u̱ dí nákha ginii tsékujmaa.
22 Na̱ʼkha̱ mijngii tiempo dí maʼga̱a̱ náa iñá wajinʼ,*ga̱jma̱a̱ bi̱ nduyáaʼ muxiyáa kúwá mijngii.
23 Á mu dí náa mbaʼin ángelesnagájnuu mbáa mu maʼtámbáyúu,ga̱jma̱a̱ mu maʼthúu̱n rí májánʼ,
24 ikhú Dios nagáwíinʼ a̱jkiu̱u̱n kaʼyoo xa̱bu̱ ga̱jma̱a̱ naʼthí:‹¡Atani̱ kríya̱a̱ʼ mu xáʼga̱a̱ náa iñá wajinʼ!+
¡Nixkamaa xóo ma̱ni̱ kríya̱a̱ʼ!+
25 Ga̱ʼni̱i̱ xuyuuʼ xó má nákha nindxu̱u̱ dxámá,+gagiʼdoo tsiaki̱i̱ xó má tsiaki̱i̱ dí gíʼdoo nákha nindxu̱u̱ dxámá›.+
26 Ikhaa maʼtákáñuu Dios+ ga̱jma̱a̱ ikhaa maʼdxuu a̱jkiu̱u̱n kaʼyoo,asndu mandxa̱ʼwá rí nadxuu índo̱ gáʼyoo inuu Dios,ikhú Dios mbaʼyoo dí xa̱bu̱ numbaaʼ buʼko̱ nindxu̱u̱ mbáa xa̱bu̱ májáanʼ.
27 Xa̱bu̱ buʼko̱ maʼthúún* eʼwíinʼ:‹Nikiéʼkhúnʼ+ ga̱jma̱a̱ táni rí májánʼ,mú támínúuʼ ga̱jma̱a̱ numuu dí raʼkhí ni̱ni̱.*
28 Ikhaa niʼni kríñu̱u̱nʼ* mu xáʼgáaʼ náa iñá wajinʼ,+ga̱jma̱a̱ maxtáá má xúʼko̱›.
29 Dios naʼni xúgíʼ rígi̱ mbaʼa nuthuga̱jma̱a̱ numuu mbáa xa̱bu̱,
30 mu ma̱ʼkha̱a̱ kayáa dí ni̱jkha̱a̱ náa iñá wajinʼga̱jma̱a̱ maxtáa gagi dí mbaʼyoo aguʼ.+
31 ¡Atagíʼ edxa̱a̱ʼ matadxawunʼ, Job!
Aguanáaʼ wíí, mu ikhúún ma̱ta̱ má xúʼko̱.
32 Atriʼñuʼ á mu rígá rí nandaaʼ marata̱.
Aratá numuu rí nandoʼ masngajmá rí ikhí nindxu̱u̱ dí naratá.
33 Á mu nda̱a̱ dí marata̱, atadxawunʼ dí ikhúún gátháanʼ,aguanáaʼ wíí ga̱jma̱a̱ ikhúún gásngáaʼ mu majmañaaʼ”.
Mbaʼa nota
^ O “atani̱ mbá rí májánʼ”.
^ O “cepo”. Náa ajngáa hebreo naʼthí dí rígi̱ nindxu̱u̱ náa nuxudaʼ ñawúúnʼ, rajkhúún ga̱jma̱a̱ edxu̱ún.
^ O “visión”.
^ O “mbá a̱jua̱nʼ”.
^ O “Ikhaa nakuʼmaminaʼ náa iñá wajinʼ”.
^ Náa ajngáa hebreo naʼthí, “maʼni ajmúú náa”.
^ O mbáa “ga̱jma̱a̱ rúʼko̱ támbáyúʼ”.
^ Náa ajngáa hebreo naʼthí, “niʼtsiríñu̱u̱nʼ”.
