Job 20:1-29
20 Zofar+ xa̱bu̱ naamatita niriʼña̱a̱ ga̱jma̱a̱ ajngáa rígi̱:
2 “Dí ra̱ʼkhá tháán exmiéjunʼga̱jma̱a̱ dí nánguá e̱ʼngo̱o̱ a̱jkiu̱nʼ, naʼniuʼ dí mariʼña̱a̱.
3 Nidxawuun dí niratá wéñúʼga̱jma̱a̱ dí nakro̱ʼo̱ʼ naʼniuʼ dí mariʼña̱a̱.
4 Mbáa ikháán natayáá má rígi̱,numuu rí asndu má nákha xa̱bu̱ numbaaʼ ni̱jkha̱nú nixtáa,* nirígá xígi̱,+
5 dí nandxaʼwá rí nadxuu xa̱bu̱ ra̱májáanʼ mbá xnga̱á ejyúuʼ,ga̱jma̱a̱ dí naxtáa gagi xa̱bu̱ ra̱májáanʼ* tséjyúuʼ mba̱yu̱u̱ʼ.+
6 Maski ajndu rí naʼnimbamínáʼ na̱jkha̱nú asndu mekhuííga̱jma̱a̱ edxu̱u̱ nartumuu asndu náa du̱u̱n,
7 ikhaa mandáti̱ga̱a̱ asndu kámuu xóo egíʼnuu ambóo,bi̱ nduyáá nákha ginii murajxi̱: ‹Náá xtáa xá.›
8 Mambumún kuyáá xóo embumún eʼni mbá xnuʼndaa, ga̱jma̱a̱ ni xúxkamaa,ni xármáʼáan a̱jkiu̱ún kuyáá xó má tsérmáʼáan a̱jkiu̱ún eʼni mbá xnuʼndaa.
9 Bi̱ ndiyáá nákha ginii, ni xúyáá itháan,ga̱jma̱a̱ náa nixtáa ni xúyáá.+
10 E̱ji̱i̱n munimíjna̱ dí xa̱bu̱ ngíníi muniu̱u̱n dí májánʼ,ga̱jma̱a̱ mina̱a̱ʼ má ikhaa gártanga̱a̱ rí gíʼdoo.+
11 Itsu̱u̱ gíʼdoo tsiaki̱i̱, xóo tsiaki̱i̱ rí gíʼdoo mbáa dxámá,mú tsiaki̱i̱ rígi̱ mambáa índo̱ gáʼgáa náa iñá wajinʼ.*
12 Á mu dí ra̱májánʼ ndaʼyoo rí taun,á mu dí narkaʼwu náa agoo raju̱u̱n,
13 á mu ndaʼyoo dí miʼtsí ga̱jma̱a̱ tséniñuuʼ,gídáʼ má xúʼko̱ náa rawuunʼ eʼni,
14 ikhú, dí mi̱khu̱ maʼni miga̱ʼ náa awúu̱n,ga̱jma̱a̱ náa xuyuuʼ maʼga̱nú mani̱ndxu̱u̱ xóo iya ndawuuʼ a̱bu̱nʼ mbiiʼ.*
15 Ni̱ʼkhu̱ jngúu dí gíʼdoo, mú majxiri̱ya̱a̱ʼ,Dios maríya̱a̱ʼ náa awúu̱n.
16 Ikhaa maʼxúuʼ iya ndawuuʼ a̱bu̱nʼ mbiiʼ,a̱bu̱nʼ mikhu̱u̱ ga̱jma̱a̱ ikhaa makhañúu.
17 Ikhaa nditháan ni xágáan yaʼdú ga̱jma̱a̱ jyááʼrí na̱jkha̱ kúʼúun xóo iyaʼ.
18 Martanga̱a̱ dí gíʼdoo, rí asndu xákhu,xáʼni maxtáa gagi dí gágájnuu náa rí nagujua̱.+
19 Numuu dí nikujmbiri̱ga̱a̱ ga̱jma̱a̱ niniñati̱ga̱a̱ xa̱bu̱ ngínáa,niguanúu ga̱jma̱a̱ mbá guʼwá dí ikhaa táʼni.
20 Mú xárígá dí tsímáá náa a̱jkiu̱u̱n,dí gíʼdoo xámbáyuu mu maʼni kríyamínáʼ.
21 Xápíduunʼ nimbá mu mayéʼga̱a̱,ikha jngóo dí naʼngo̱o̱ naʼni, xájyúuʼ mba̱yu̱u̱ʼ.
22 Índo̱ gágiʼdoo itháan, ra̱ʼkhá tháán gáxmiéjuunʼ,ma̱ʼkha̱nú gamiéjunʼ náa ikhaa.
23 Índo̱ ikhaa gáxtáa raʼni majtíí awúu̱n,Dios makuʼma náa ikhaa rí nakásngañu̱u̱ʼ rí nindxu̱u̱ xóo aguʼ,maxídirámuuʼ náa ikhaa xóo ruʼwa.
24 Índo̱ gága̱yúu gáʼni ajua̱nʼ dí nuxmijná ga̱jma̱a̱ dí hierro,fléchóo mbá xkamídá dí cobre majuaʼdá jngayii.
25 Ikhaa naxmátríya̱a̱ʼ mbá flecha náa tsu̱du̱u̱,mbá ajua̱nʼ dí naxpíbínʼ naxmátri̱ya̱a̱ʼ náa xkígóo,*ga̱jma̱a̱ ikhú ra̱ʼkhá tháán emíñúu.+
26 Dí gíʼdoo magadíí náa mikína,mbá aguʼ dí nimbáa táxpíñu̱u̱nʼ matsikhá,bi̱ naguanún náa guʼwá xtíin ndrígóo maguáʼníí gamiéjunʼ.
27 Mekhu masngájma dí nikiéʼkúun,ku̱ba̱ʼ maʼthí dí niʼni.
28 Mbá yambo̱o̱ maʼga kayóo goʼwóo,mbá yambo̱o̱ rí xkujyuʼ mbiʼi dí makásngañu̱u̱ʼ Dios.
29 Rígi̱ rí Dios nayéjxi̱i̱ dí makhánáa xa̱bu̱ bi̱ ra̱májáanʼ,mbá herencia rí Dios maxnúu ikhaa”.
