Job 6:1-30
6 Ikhú Job niriʼña̱a̱ ga̱jma̱a̱ ajngáa rígi̱:
2 “¡Ra̱ʼkhá tháán májánʼ gáʼni á mu maʼngo̱o̱ mixtagiéwan xúgíʼ rí namínúuʼ+majngutaʼmáʼ náa balanza ga̱jma̱a̱ gamiéjunʼ rí nagíʼnuʼ!
3 Dí xúgi̱, dí namínúuʼ itháan ki̱wu̱n ki xóo jui̱ʼi̱ dí rígá náa lamáa.*
Ikha jngóo tándxa̱ʼwo̱o̱ edxu̱ʼ rí ni̱tha̱.+
4 Numuu dí flechas ndrígóo bi̱ gíʼdoo xúgíʼ Tsiaki̱i̱ nijuaʼda ngañúún,naku̱mu̱ʼ xóo nagatuʼúún veneno ndrígóo flecha rí xtáá ra̱ga̱nʼ.+Dios xtáa raxmína̱ʼ ga̱jma̱á nindxu̱ʼ xóo eni̱ soldados ga̱jma̱a̱ ra̱ʼkhá tháán emíñúʼ.
5 Lá mandxa̱ʼwá rí naxkidxu̱u̱ mbáa búrru xáná+ á mu rígá ra̱jxa̱ mi̱khu̱ ráʼ.O, lá mandxa̱ʼwá rí namínúuʼ mbáa xedi̱ á mu rígá dí mi̱khu̱ ráʼ.
6 Lá ma̱ndoo miʼtsu mbá ganitsu rí na̱nguá miʼtsí á mu ragíʼdoo idú ráʼ.O, lá maʼni a̱jkia̱a̱nʼ migi̱i̱n iyooʼ iná rí na̱nguá miʼtsí ráʼ.
7 Na̱nguá nigúguá ganitsu xóo rúʼko̱.
Nindxu̱u̱ xóo ganitsu rí nichúu.
8 ¡Ra̱ʼkhá tháán májánʼ gáʼni á mu nambánuu rí na̱nda̱ʼa̱,ga̱jma̱a̱ á mu Dios naxnúʼ dí ra̱ʼkhá tháán eyoʼ!
9 ¡Ra̱ʼkhá tháán májánʼ gáʼni á mu Dios nandoo makujmbiri̱gu̱u̱n,makrui̱ya̱ʼ ñawúunʼ ga̱jma̱a̱ maxíñu̱u̱n!+
10 Mú maski ajndu xúʼko̱ gárígá, maʼni̱i̱ a̱jkiu̱nʼ,asndu makijxu̱u̱n rí nadxuʼ maski ajndu tséwi̱ji̱i̱ ra̱ʼkhu̱,numuu dí ikhúún nditháan táni gaʼduunʼ ajngóo bi̱ Kaʼwii.+
11 Lá gúʼdoo xóó tsiaki̱i̱ mu maʼngo̱ʼ má xúʼko̱ ráʼ.+
Lá marigá mbá rí magúʼthu̱u̱n dí maxtáá má xúʼko̱ ráʼ.
12 Lá itsí nindxu̱ʼ ráʼ.
Lá ajua̱nʼ* nindxu̱u̱ xuyuʼ ráʼ.
13 Lá rígá mbá dí ma̱ndoo ma̱ni̱ mu mambáyuminaʼxúgi̱ dí nindrigú káyúʼ xúgíʼ rí gúʼdoo xáʼ.
14 Bi̱ naʼni gaʼduunʼ masngájmuu rí nandoo kaʼyoo* xa̱bu̱ numbaaʼ ga̱jma̱a̱,+naʼni gaʼduunʼ gamíi ndrígóo bi̱ gíʼdoo xúgíʼ Tsiaki̱i̱.+
15 A̱ngui̱nʼ nini̱ñu̱nʼ+ numuu rí nindxu̱únxóo iya mañu rí nijuiya̱a̱ʼ náa idiʼ, rí nda̱wa̱á nujndo̱o̱ʼ.
16 Iya mañu naʼni miʼsmba ga̱jma̱a̱ hielo,ga̱jma̱a̱ náa awúu̱n kajti hielo rí nijuiya̱a̱ʼ.
17 Mú índo̱ nanújngoo mbiʼi, naguámbá iyaʼ ga̱jma̱a̱ nandáti̱ga̱a̱.Índo̱ naʼni mijkha, nujndo̱o̱ʼ.
18 Iya mañu na̱jkha̱ i̱mba̱ ríʼkhá,na̱jkha̱nú náa ku̱ba̱ʼ mijxooʼ* ga̱jma̱a̱ ikhí má naguámbáa.
19 Xa̱bu̱ Temá+ bi̱ nagún kamba̱a̱ nduyáʼ,xa̱bu̱ Saba*+ bi̱ nagún kamba̱a̱ nuguáʼthi̱i̱n.
20 Nati̱ñu̱u̱nʼ numuu dí nikumu̱ún dí gajkhun muxkamaa iyaʼ.Naguánú ikhí i̱ndó mu majmáa a̱jkiu̱ún.
21 Xúʼko̱ nindxa̱la ikháanʼ xúgi̱ e̱yo̱o̱ ikhúún,+ndi̱ya̱a̱la xóo gamíi rí namínúuʼ ga̱jma̱a̱ namíñala.+
22 Lá ikhúún ni̱tala, ‹Gu̱xnu̱ʼ mbá regalo›,
o ninda̱ʼa̱la rí mu̱xnu̱ʼ dí kuaʼdáá ráʼ.
23 Lá ninda̱ʼa̱la rí mu̱ni̱ kríñu̱u̱nʼ náa xngáñúunʼ mbáa bi̱ sia̱nʼ ga̱jmu̱ʼ ráʼ.O dí mu̱ni̱ kríñu̱u̱nʼ náa bi̱ nuni̱ ngínún ráʼ.
24 Gusngóʼla ga̱jma̱a̱ ikhúún nda̱a̱ rí gátha,+gumbáyuʼla makro̱ʼo̱ʼ rí nikiéʼkhúnʼ.
25 ¡Ajngáa rí gajkhun tséʼni gawáanʼ!+
Mú, dí lá gámbáyúʼ rí nuxprígúʼ ikháanʼ rá.+
26 Lá kuwáanʼ ruríya̱ʼ awan xóo muxprígúʼ rí na̱tha̱,ajngáa rí naʼthí mbáa xa̱bu̱ bi̱ nánguá eʼngo̱o̱ a̱jkiu̱u̱n,+ dí na̱jkha̱ kayóo giñánʼ ráʼ.
27 ¡Ikháanʼla, asndu muríyaʼ suerte* ga̱jma̱a̱ numuu mbáa a̱ʼdá wáʼa,+ga̱jma̱a̱ asndu mugujua̱a̱ mbáa mígiala!+
28 Ikha jngóo dí xúgi̱, gutangáanʼla gúyoʼ,numuu dí ikhúún xáni̱ nduwáanʼla.
29 Gutangáanʼla mundxa̱ʼwa̱míjna̱, mbá péñu,* xútala mbaʼ muta̱á dí raʼkhí ga̱jma̱a̱ numuʼ.Xúʼko̱, gutangáanʼla mundxa̱ʼwa̱míjna̱, numuu dí táni nimbá dí ra̱májánʼ.
30 Lá ra̱ju̱nʼ naʼthí dí ra̱májánʼ ráʼ.
Lá tséʼngo̱ʼ gáyóo ndiéjunʼ dí ra̱májánʼ ráʼ.
