Job 30:1-31
30 Dí xúgi̱, bi̱ tikhu xa̱bu̱ú ki xóo ikhúún,nundu̱ʼwa̱jmún,+ikhúún xániʼñúuʼ dí anu̱ún*muxuʼmamijná náa xu̱wánʼ bi̱ nuñewu̱u̱n mugiu̱ʼ.
2 Nda̱a̱ dí nimbáyúʼ tsiaki̱i̱ ndrígu̱ún.
Niguámbá tsiaki̱i̱ ndrígu̱ún.
3 Néʼngu̱u̱n dí ngíníin ga̱jma̱a̱ néʼngu̱u̱n eʼni ewiʼ,naʼphu̱ jkhu asndu ndiéjunʼ má dí nuxkamaa náa ku̱ba̱ʼ mijxooʼdí niguma gámbáa ga̱jma̱a̱ dí niguanáa.
4 Nduyáaʼ iná dí miríná náa majñu̱u̱ʼ xtáʼdu̱u̱ iná,naʼphu̱ ajmu̱u̱ xtáʼdu̱u̱ iná.
5 Nuxkawíin náa xuajin,+xa̱bu̱ nundxaʼwajmiin xóo eni̱ gajmiún mbáa kuʼwáʼ.
6 Kúwá náa mata,náa iñúuʼ ku̱ba̱ʼ ga̱jma̱a̱ náa iñúuʼ tsíñu.
7 Nundxa̱ʼwa̱ asndu náa xtáʼdu̱u̱ inága̱jma̱a̱ asndu jxa̱ʼ egimbíin náa xtáʼdu̱u̱ iná tsuwanʼ.
8 Xóo e̱jñu̱ún xa̱bu̱ bi̱ tséndxa̱ʼwa̱a̱ májánʼ edxu̱únga̱jma̱a̱ bi̱ raguáʼdáá numún, bi̱ nixkawíin* náa xuajin.
9 Mú dí xúgi̱ asndu nutsijmún ga̱jma̱a̱ ajmúú dí nuni̱,+ni̱jkhánú ninindxu̱ʼ mbá dí ikhiin nutsijmaa.*+
10 Nawiñu̱u̱nʼ e̱ni̱ ga̱jma̱a̱ natsíngu̱u̱nʼ náa ikhúún,+tsémíñún mu̱phu̱ ndújthááʼ inuʼ.+
11 Numuu rí Dios niʼni dí makáguabúúnʼ* ga̱jma̱a̱ niʼni ma̱jtiu̱u̱nʼ,ikha jngóo dí tséniña̱a̱ʼ* rutsijmún.
12 Náa níjñú mújúnʼ natujxu̱u̱n xóo eni̱ xa̱bu̱ bi̱ mbaʼin,nuni̱ rí magajnúʼ ragayúʼga̱jma̱a̱ nundri̱ga̱ tsáʼkhá náa kambo̱ʼ mu muni̱ gámbu̱u̱n.
13 Nuni̱ gachíí kambo̱ʼga̱jma̱a̱ nuni̱ dí gamiéjunʼ ndrígóʼ maʼni itháán gakhi̱i̱,+nuni̱ rígi̱ rí asndu tséyóoʼ tsáa mambáñún.
14 Nindxu̱u̱ rí asndu xóo natu̱ʼu̱u̱n náa xtájtsí dí nijngudiriya̱ʼ,nagún má xúʼko̱ náa tapo̱o̱ dí niguma gámbáa.
15 Ra̱ʼkhá tháán emíñunʼ,gamajkhu dí nagruígú na̱jkha̱ kayóo giñánʼ,ga̱jma̱a̱ dí gúʼthu̱u̱n mixtambáyúʼ naguámbari̱ga̱a̱ xóo mbá du̱u̱n.
16 Dí xúgi̱ rá. Inu makhañúʼ,+ga̱jma̱a̱ xúgíʼ mbiʼi xtáá ramínúuʼ.+
17 Dí mbruʼun ra̱ʼkhá tháán e̱ʼkhu̱ itsuʼ,*+nditháan tséwi̱ji̱i̱ ra̱ʼkhu̱.+
18 Xtíñúʼ* naguningaa xkawiʼ,*naxngáwunʼ xóo eʼni aphuu xtíñúʼ.
19 Dios nidu̱u̱nʼ náa ku̱ba̱ʼ,niguajtu̱ún yujndaʼ ga̱jma̱a̱ idiʼ.
20 Nandxa̱ʼwa̱ rí matambáyuʼ, mú tsétriʼñunʼ,+nagújuan, mú ikháán i̱ndó natayoʼ.
21 Mú ikháán natangañi̱ín mu matani̱ ngínún+natani̱ ngínún ga̱jma̱a̱ xúgíʼ tsiaki̱i̱ ndrígóo ñawáanʼ.
22 Ikháán nataxújxu̱u̱n, nadxu̱ʼ jchún ga̱jma̱a̱ giñánʼ,ikhú natadu̱u̱nʼ gi̱i̱ ñuʼún náa giñámbiʼ.*
23 Numuu dí nda̱yo̱o̱ rí midxu̱u̱ʼ jchún náa makhañúʼ,náa guʼwá dí xúgíinʼ bi̱ nduya muxkamamijnáá.
24 Mú nimbáa xáʼni ngínáa mbáa xa̱bu̱ bi̱ xtáa ngíná,*+índo̱ xtáa randxaʼwá rí mixtambáyíí ga̱jma̱a̱ numuu rí xtáa ramínúuʼ.
25 Lá na̱nguá nimbi̱ya̱ʼ ga̱jma̱a̱ numún bi̱ ninújngún náa mbiʼi mingíjyúuʼ ráʼ.
Lá na̱nguá nixtáá ngíná ga̱jma̱a̱ numuu xa̱bu̱ ngínáa ráʼ.+
26 Maski ajndu ikhúún nigúʼthu̱u̱n dí májánʼ, mú ni̱ʼkha̱nú dí ra̱májánʼ,nigúʼthu̱u̱n aguʼ, mú ni̱ʼkha̱nú dí mikína.
27 Nixtáa ngíná a̱jkiu̱nʼ,*ga̱jma̱a̱ nirígá mbiʼi dí nimínuuʼ.
28 Gi̱i̱ ñuʼún jngruigoʼ ngíná,+ nda̱a̱ agiuuʼ a̱jkha̱ʼ.
Natujxu̱ʼ ga̱jma̱a̱ nandxa̱ʼwa̱ dí mumbayúʼ náa kúwá mbaʼin xa̱bu̱.
29 Nijkhánú ninindxu̱ʼ ndxájúún xujkhúʼ chacal,*ga̱jma̱a̱ bi̱ nambájxu̱u̱n gajmiún avestruz.+
30 Niʼni skuniʼ xtóʼ ga̱jma̱a̱ najngutígúu,+nandii niʼni dí magigoo itsuʼ.
31 Arpa ndrígóʼ i̱ndó nudi̱i̱ náa kúwá ngíná,ga̱jma̱a̱ flauta ndrígóʼ i̱ndó nudi̱i̱ náa numbi̱ya̱ʼ.
Mbaʼa nota
^ O “tátiu̱ún”.
^ Náa ajngáa hebreo naʼthí, “nixpajtiin mu murawíin”.
^ Náa ajngáa hebreo naʼthí, “mbá proverbio”, “mbá refrán”.
^ Náa ajngáa hebreo naʼthí, “nirajkhúu ñuñuu xkamídóʼ”.
^ O “nuda̱ʼ freno”.
^ Náa ajngáa hebreo naʼthí, “itsuʼ naguma iñúuʼ”.
^ Mbáa nandoo gáʼthúu̱n xuyuuʼ.
^ O mbáa “Dí ra̱ʼkhá tháán emínúuʼ naʼni dí mandujsiún”.
^ O mbáa “natani̱ mbáti̱gu̱u̱n náa aʼwóo giñámbiʼ”.
^ Náa ajngáa hebreo naʼthí, “mbá ru̱tsu̱u̱ dí niguma gámbáa”.
^ Náa ajngáa hebreo naʼthí, “Niʼba̱a̱n má xúʼko̱ awúnʼ”.
^ Xujkhúʼ bi̱ xóo xu̱wánʼ kaʼniún bi̱ najmangu̱u̱nʼ.
