Job 14:1-22
-
Job nariʼña̱a̱ má xúʼko̱ (1-22)
-
Xa̱bu̱ na̱nguá mba̱yu̱u̱ʼ xtáa ga̱jma̱a̱ gíʼdoo wéñuuʼ xkujndu (1)
-
“Mbá ixi̱ ma̱ndoo muguáʼthi̱i̱n dí marudíinʼ” (7)
-
“Itháán májánʼ á mu natarkaʼwúún náa Iñá wajinʼ” (13)
-
“Á mu mbáa xa̱bu̱ nakháñuu, lá ma̱ndoo matanga̱a̱ maxtáa xáʼ.” (14)
-
Dios ra̱ʼkhá tháán gándoo matanga̱a̱ mbaʼyoo mbu̱júu̱ rí niʼni ga̱jma̱a̱ ñawúunʼ (15)
-
14 Xa̱bu̱ bi̱ nigumaa náa a̱ʼgu̱,na̱nguá mba̱yu̱u̱ʼ xtáa,+ ga̱jma̱a̱ gíʼdoo wéñuuʼ xkujndu.+
2 Xa̱bu̱ nindxu̱u̱ xóo mbá ri̱ʼi̱ dí najmi̱di̱ ga̱jma̱a̱ nda̱wa̱á nujnduxtáa,*+nagáyúu xóo mbá ndájkua̱ ga̱jma̱a̱ nandáti̱ga̱a̱.+
3 Maski ajndu xúʼko̱ natiejxi̱i̱ ikhaa,ga̱jma̱a̱ nadxu̱ʼ jcháa mambanúu numuu.+
4 Tsáá gándoo gáʼni dí náa mbáa bi̱ na̱nguá kaʼwii ma̱ʼkha̱ mbáa bi̱ kaʼwii rá.+
¡Nimbáa xándoo maʼni!
5 Á mu dí kíxnu̱ú mbiʼi ndrígóo xa̱bu̱,ga̱jma̱a̱ gu̱nʼ rí xtáa rígá náa ñawáanʼ,nitatíga̱ mbá awan rí xándoo manújngoó.+
6 Atatsíñááʼ ratiejxi̱i̱ ikhaa, atatsíñááʼ mbayáa jxu̱u̱ʼ,asndu índo̱ gáramuuʼ mbiʼi rí nañajunʼ xó má eʼni mbáa bi̱ nañajunʼ mu madaaʼ.+
7 Á mu nurujtu mbá ixi̱
ma̱ndoo muguáʼthi̱i̱n dí marudíinʼ mbu̱júu̱,ga̱jma̱a̱ ñawúunʼ mbaʼya má xúʼko̱.
8 Á mu ajmu̱u̱ naʼga náa ku̱ba̱ʼga̱jma̱a̱ xmindiuuʼ nakháñuu.
9 Índo̱ gáʼni jmañu̱u̱ʼ ikhú marudíinʼga̱jma̱a̱ magu̱u̱ ñawúunʼ xóo mbá ixi̱ nuxi̱ʼ.
10 Mú índo̱ xa̱bu̱ nakháñuu ga̱jma̱a̱ ikhí má kri̱ga̱a̱, nándáa rí ma̱ndoo maʼni,índo̱ xa̱bu̱ numbaaʼ nakátiya̱a̱ʼ jxu̱u̱ʼ, náá ejkha̱ xá.+
11 Lamáa* nagájnuu i̱yu̱u̱ ga̱jma̱a̱ naguámbága̱jma̱a̱ iya mañu naguámbá ga̱jma̱a̱ nujndooʼ.
12 Xúʼko̱ má xa̱bu̱ nabóoʼ ga̱jma̱a̱ tsétujxi̱i̱.+
Asndu índo̱ mekhu ni xárígá, xájui̱i̱,ni má xúxkajui̱i̱ dí naʼgu.+
13 ¡Itháán májánʼ á mu natarkaʼwúún náa Iñá wajinʼ*+ga̱jma̱a̱ natarkaʼwúún asndu índo̱ gánújngoo rí nakásngaña̱a̱nʼ!Itháán májánʼ gáʼni á mu natagíʼ mbiʼi mu marmáʼáan a̱jkia̱a̱nʼ xtayoʼ.+
14 Á mu mbáa xa̱bu̱ nakháñuu, lá ma̱ndoo matanga̱a̱ maxtáa xáʼ.+
Magúʼthu̱u̱n xúgíʼ mbiʼi dí gáxtáá rañajunʼ xóo ñumbááasndu índo̱ gáʼkha̱nú dí maguma kríñu̱u̱nʼ.*+
15 Ikháán matatsaʼwo̱ʼ ga̱jma̱a̱ ikhúún mariʼñaaʼ.+
Ra̱ʼkhá tháán gáʼndaaʼ matangaán ma̱ta̱ya̱a̱ mbu̱júu̱ ñajunʼ dí nitani̱ ga̱jma̱a̱ ñawáanʼ.
16 Mú, rí xúgi̱ natraxnuu má xúʼko̱ xúgíʼ náa najngríga̱,i̱ndó natayáá náa rí nakiéʼkúnʼ.
17 Dí raʼkhí rí na̱ni̱ kajkuáa náa mbá búxá dí kaxtoʼóo jxa̱ʼ,ga̱jma̱a̱ ikháán natruguáá rí nakiéʼkúnʼ ga̱jma̱a̱ rí brakha.
18 Xó má mbá kúbá nangajxi̱i̱ ga̱jma̱a̱ najngudiri̱ga̱a̱,ga̱jma̱a̱ mbá itsí nagájnuu náa gíʼ.
19 Xó má iyaʼ naʼni rí ma̱ʼguuʼ itsíga̱jma̱a̱ iyaʼ rí xkujyuʼ na̱jkha̱ kagu̱u̱ ku̱ba̱ʼ:Xúʼko̱ ikháán nitani̱ gámbáa rí gíʼthu̱u̱n xa̱bu̱ numbaaʼ.
20 Naratáñajuíínʼ má xúʼko̱ asndu índo̱ nakháñuu,+natri̱ʼkui̱i̱ xóo kiejxu̱u̱ ga̱jma̱a̱ nataxúʼmaa maʼga̱a̱ náa iñá wajinʼ.
21 Nuxnún gamajkhu e̱ji̱i̱n, mú ikhaa na̱nguá eʼyoo,naguma majti̱i̱nʼ e̱ji̱i̱n, mú ikhaa na̱nguá eʼyoo.+
22 I̱ndó naku̱mu̱u̱ na̱ʼkhu̱ índo̱ kaʼníí gíʼdoo xuyuuʼ ga̱jma̱a̱ itsu̱u̱,i̱ndó namínúuʼ nákha xtáa ndaʼya”.
