Job 31:1-40
31 Nimbánuʼ ga̱jmu̱ʼ iduʼ.+
Rí nditháan xáyejxu̱u̱ mbáa dxáʼgú* ga̱jma̱a̱ dí xándxa̱ʼwamínáʼ dí tsaga ga̱jma̱a̱ numuu ikhaa.+
2 Á mu dí xúʼko̱ gáni̱, ndiéjunʼ lá gáyéjxi̱i̱ maxnúʼ Dios bi̱ xtáa mekhuíí rá.Ndiéjunʼ lá herencia gágruígúu náa bi̱ gíʼdoo xúgíʼ Tsiaki̱i̱, bi̱ xtáa rijma̱a̱ rá.
3 Nuguáʼthi̱i̱n gamiéjunʼ bi̱ nuni̱ dí ra̱májánʼga̱jma̱a̱ bi̱ nuni̱ dí raʼkhí mumíniiʼ.+
4 Lá tséʼyoo kambo̱ʼ Dios ráʼ.+Ga̱jma̱a̱ tséʼyoo xúgíʼ dí na̱ni̱ xáʼ.
5 Lá mbá míʼtsú ni̱ni̱ nduwaʼ* ráʼ.
Lá mbá míʼtsú ni̱ni̱ nduwaaʼ mbáa ráʼ.+
6 Gagiéwún Dios ga̱jma̱a̱ mbá balanza dí nagiéwan májánʼ,+ikhú ikhaa mbaʼyoo dí ragúʼdoo aʼkhúnʼ.+
7 Á mu nagájnuriyoʼ náa kamba̱a̱,+á mu a̱jkiu̱nʼ naniñamina̱ʼ maʼga kayáa iduʼ+o á mu ñawúnʼ naguma gachíí,
8 rí ikhúún gádu imba̱a̱ gíkhu̱,+ga̱jma̱a̱ gaxtuburiya̱ʼ rí ikhúún nadu.*
9 Á mu mbáa a̱ʼgu̱ niʼngo̱o̱ niʼnirájáaʼ a̱jkiu̱nʼ+ga̱jma̱a̱ á mu nixtáá rayama+ náa xkrugoo bi̱ xtáá mijngii ga̱jmu̱ʼ,
10 á mu xúʼko̱ gáni̱, a̱ʼgiu̱ʼ ga̱ʼnu̱ tsígáʼ mu mi̱khu̱ imba̱a̱ xa̱biya̱ga̱jma̱a̱ eʼwíinʼ xa̱bekha gúbúúnʼ gajmiún ikhaa.*+
11 Numuu dí ra̱ʼkhá tháán ma̱jti̱ʼ gánindxu̱u̱ á mu xúʼko̱ gáni̱,mbá aʼkhá dí mbaʼyóoʼ mamínuuʼ gúni̱ bi̱ nunimbaníí xkujndu.+
12 Mani̱ndxu̱u̱ xóo mbá aguʼ dí matsikhá ga̱jma̱a̱ maʼni gámbáa,*+dí matsikhá xúgíʼ rí gúʼdoo.*
13 Á mu ni̱ni̱ gaʼduunʼ maniu̱u̱n rí májánʼ bi̱ numbayúʼ,índo̱ nirígá mbá dí nixieʼkhá ga̱jma̱a̱ numuʼ,
14 ndiéjunʼ gándoo gáni̱ índo̱ Dios gáʼnimbánuu numuʼ ga̱jma̱a̱ numuu dí ni̱ni̱* rá.
Ndiéjunʼ gáriʼñuu índo̱ gánda̱ʼa̱a̱ cuenta xá.+
15 Lá raʼkháa bi̱ niʼniún náa awúu̱n* ru̱dúʼ* niʼnii mangiin xá’.+
Lá raʼkháa ikha̱á má nindxu̱u̱ bi̱ niʼniáanʼ nákha xóó tségumáanʼxu ráʼ.+
16 Á mu na̱ni̱ gaʼduunʼ maxnu̱u̱n xa̱bu̱ ngíníi dí nandún,+o na̱ni̱ dí gu̱ʼú xuáʼa makuwá ngíná,*+
17 á mu mbáwún ekhu ganitsu ndrígóʼga̱jma̱a̱ tséxnu̱u̱n mu̱phu̱ e̱jín wáʼa,+
18 (numuu dí asndu nákha nindxu̱ʼ dxámá, a̱ʼdá wáʼa ndi̱ja̱a̱ ga̱jma̱á nindxu̱ʼ rí asndu xóo ikhúún ninindxu̱ʼ anu̱u̱,*ga̱jma̱a̱ asndu nákha chíʼgiúúnʼ,* ninindxu̱ʼ bi̱ nixnúu ikha a̱ʼgú xuáʼa),
19 á mu kááʼ ndi̱yo̱o̱ mbáa naguáʼáan dí nakrámu̱u̱ʼ, numuu dí na̱nguá gíʼdoo xtíñuu,o á mu kááʼ ndi̱yo̱o̱ mbáa xa̱bu̱ ngínáa bi̱ nda̱a̱ dí magúwúunʼ,+
20 á mu ikhaa táʼni tsajkurámúúnʼ,*+índo̱ xtáa ragiga̱a̱ ga̱jma̱a̱ mugu̱ún mugiu̱ʼ,
21 á mu ninimiñúu a̱ʼdá wáʼa ga̱jma̱a̱ mbá puñete,+índo̱ ndiyóoʼ dí mambáyúu náa xkrugoo xuajin,*+
22 á mu na̱ni̱ xúʼko̱ gaxpátríyaʼ ñawúnʼ asndu náa xpajpoʼ,ga̱jma̱a̱ ga̱wiʼtájngaa ñawúnʼ asndu náa gúʼxúʼ.
23 Mú ikhúún táni nimbá rígi̱, numuu dí namíñúʼ eʼni gamiéjunʼ dí na̱ʼkha̱ náa Diosga̱jma̱a̱ ikhúún xáʼngo̱ʼ gágujún náa inuu, numuu dí ikhaa naxpíbíinʼ.
24 Á mu niku̱mu̱ʼ ka̱yo̱o̱ oroo ni̱thu̱u̱n oro dí májánʼ ‹¡Ikháán nindxa̱a̱ʼ bi̱ naku̱mu̱ʼ ka̱yo̱o̱!›,+
25 á mu ninimbamínáʼ ga̱jma̱a̱ numuu dí ra̱ʼkhá tháán gúʼdoo,+náa mbaʼa rí ndiʼyáʼ magúʼdoo,+
26 á mu ndi̱yo̱o̱ dí a̱jkha̱ʼ* nambiʼiio gu̱nʼ xngiyaaʼ na̱jkha̱ náa mekhuíí+
27 ikhú a̱jkiu̱nʼ nigíʼdu̱u̱ niʼni nduwúúnʼga̱jma̱a̱ nixnu̱u̱n mbá beso ga̱jma̱a̱ ñawúnʼ mu mbayamajkúún,+
28 rúʼko̱ ma̱ngaa mani̱ndxu̱u̱ aʼkhá rí mbaʼyóoʼ mamínuuʼ gúni̱ bi̱ nunimbaníí xkujndu,numuu dí á mu xúʼko̱ gáni̱ ma̱ni̱ gaʼduunʼ rí naniʼniiʼ Dios bi̱ gajkhun bi̱ xtáa mekhuíí.
29 Lá nixtáá gagi mbá miʼtsú numuu dí niguma gámbáa xa̱bu̱ sia̱nʼ ndrígóʼ ráʼ.+Lá nidxuʼ dí magíʼnuu mbá dí ra̱májánʼ xáʼ.
30 Nditháan tániʼñúuʼ dí rawunʼ makiéʼkhúunrí maʼtátsríguíi ga̱jma̱a̱ manda̱ʼa̱ rí makhañúu.+
31 Xa̱bu̱ bi̱ kúwá náa guʼwá xtíin ndrígóʼ nithi:‹Tsáá gáʼngo̱o̱ gáxkamaa mbáa bi̱ tágiʼmuu ga̱jma̱a̱ ganitsu ndrígóo* Job rá.›+
32 Nimbáa xa̱bu̱ na̱ʼkha̱á tséguanúu mi̱gu rexa̱a̱ rí mbruʼun,+ikhúún nagruíguíi náa goʼwóʼ xa̱bu̱ bi̱ na̱jkha̱ kamba̱a̱.
33 Lá mbá miʼtsú niniminaʼ markaʼwu dí raʼkhí ni̱ni̱, xóo eni̱ eʼwíinʼ xa̱bu̱,+dí markaʼwu aʼkhúnʼ náa búxoo xtíñúʼ ráʼ.
34 Lá nimíñúʼ xóo eni̱ xa̱bu̱ bi̱ mbaʼin,o lá nimíñúʼ dí bi̱ kúwá náa mijngii xtáá muni̱ májtiu̱u̱nʼ ráʼ.Lá gamíi niʼni dí ni xáta ga̱jma̱a̱ dí maguanúʼ náa goʼwóʼ ráʼ.
35 ¡Májánʼ gáʼni dí maxtáa mbáa bi̱ maʼdxawunʼ!+
Ikhúún maniraʼmáʼ mbiʼyuʼ mu masngajmá dí ni̱tha̱ nindxu̱u̱ gajkhun.*
¡Gariʼñuʼ bi̱ gíʼdoo xúgíʼ Tsiaki̱i̱!+
¡Májánʼ gáʼni á mu bi̱ nikruigu̱u̱n niʼnirámáʼ náa mbá i̱yi̱i̱ʼ ga̱jma̱a̱ numuu dí nikruigu̱u̱n!
36 Mayéʼgá náa xpajpoʼga̱jma̱a̱ magrígu náa edxu̱ʼ xóo mbá corona.
37 Maxnajxíi cuenta náa Dios ga̱jma̱a̱ numuu mámbá rí na̱ni̱,xóo mbáa príncipe, xámíñúʼ maʼgá kanuu náa ikhaa.
38 Á mu mbayuʼ má nindxaʼwájmúúnga̱jma̱a̱ xúgíʼ riyooʼ xku̱bi̱ ikhú má nimbi̱ya̱ʼ,
39 á mu nikhu rí nijma̱a̱ dí asndu táni numuu nimbá,+o á mu ni̱ni̱ rí xáʼngo̱o̱ a̱jkiu̱ún bi̱ mbañúúnʼ,+
40 ikhaa dí makráʼáan trigo, gakráʼáan iná tsuwanʼ náa mbayuʼga̱jma̱a̱ gakráʼáan iná ndajtsúnʼ raʼkháa cebada”.
Gi̱i̱ naguámbá dí naʼthí Job.
Mbaʼa nota
^ Náa ajngáa hebreo naʼthí, “dxáʼgú bi̱ xóó tsébóo’ ga̱jma̱a̱ xa̱bu̱”.
^ O mbáa “nijngruigo̱ʼ gajmíʼ xa̱bu̱ bi̱ minduwiinʼ”.
^ O “bi̱ gáguwáʼ náa ikhúún gaxtubuwíin”.
^ Náa ajngáa hebreo naʼthí, “eʼwíinʼ xa̱bekha gúsmbatigu̱u̱n náa ikhaa”.
^ Náa ajngáa hebreo naʼthí, “dí mi̱khu̱ asndu maʼni gámbóo”.
^ O “marubuwíi xúgíʼ rí gúʼdoo”.
^ Náa ajngáa hebreo naʼthí, “índo̱ gátujxu̱u̱”.
^ Náa ajngáa hebreo naʼthí, “xtíjyúu”.
^ O “náneʼ”.
^ Náa ajngáa hebreo naʼthí, “makáguabaaʼ idún”.
^ O “tátée”.
^ Náa ajngáa hebreo naʼthí, “asndu nákha ku̱ʼu̱u̱n awúu̱n ru̱dúʼ”.
^ Náa ajngáa hebreo naʼthí, “á mu táʼni tsajkurámúúnʼ tsu̱du̱u̱”.
^ O mbáa “índo̱ ndi̱yo̱o̱ dí eʼwíinʼ numbayúʼ náa xkrugoo xuajin”.
^ Náa ajngáa hebreo naʼthí, “aguʼ”.
^ Náa ajngáa hebreo naʼthí, “xuyuuʼ”.
^ O “Gi̱i̱ rígá firmuʼ”.
